MIKHA 7:1 - KITABI HABARI MOPIOHE

¹ Topotala wau̒! Wau̒ debo odelo taa polaangolo mota molipu hungo lapatio mao̒ mopaluto sembolio. Diduu̒ huhuu-ngowaalo to bubuu-ngowaalo ayu. Hungo lo angguru wau hungo lo ara u hipiohe ngoa̒amilalo malo pulito tilipu.

MIKHA 7:1 ပူးပေါင်းရင်းမြစ်များ

JABURU 120:5

Maa tilopotala wau̒ sababu musi tumumulo pee̒-pee̒enta wolemu; diaaa̒ hiheedio debo odelo bilu-biluloa̒ to Mesekh, meaalo towolota taulo Kedar.

POHUMAYA 20:6

Dadaata tau momasisi batangalio yito sahabati, bo tao̒tu-otutuulo mao̒ tatapu wau molotolo hilao, suukali odungga.

YESAYA 17:6

Debo odelo bungo lo ayu jaitun u lopulito tilipu hungolio, wau bolo deengolo wambai̒o to huuhuudu lo tataa-ngolio, odito olo to Isirai̒lu bo ngoi̒di wambai̒o tamamo aahu. Wau̒, Eeya, Allahu Taa̒ala lo Isirai̒lu, malo tahuda.”

YESAYA 24:13

Ui-uitolo u mamotoduo mai to ngoilanggubu dunia to timii̒du bangusa. Tutuuwauwa sua̒liilio debo odelo to sembo polipuwalo, tou̒ hungo lo jaitun hilama tunggula lopulito wau hungo lo angguru u pulitio tilipu lonto bungolio.

YESAYA 24:16

Monto huudu dunia odungohe lahu poloi̒laalo momuji duo̒lo Isirai̒lu, bangusa tamo dungohu. Bo matopotala watia! Watia lohiheo lodutola ngongoto! Tamoo-hiyanatia debo tulusi donggo hemo hiyanati, tumbao̒ timongolio helebe mohiyanati.

YESAYA 28:4

Omasaahuru kota limongolio u malou̒le boito mamooli. Paladio debo odelo paladu hungo lo ara u malolutu tou̒ diipo sembolio; odito iloontonga, tulusi tilipu wau pilotamelo.

YESAYA 6:5

Lapatao̒ watia loloi̒ya, “Topotala! Diilalo o halaapani olau̒, sababu tunggiluu̒ kootoro sababu dusa, wau wau̒ bilubiluoa̒ to wolota lobangusa tao̒dito olo. Penu boli odito, wolo matou̒ lohihilao wau̒ maloo̒onto li Olongia, Eeya Taa Laba-labaalo kawasa!”

YEREMIA 15:10

Otutu marapo watia botie! Pongoola tiilo laatia lopotutu mai olaatia? Wolo timii̒du tau tolipu botie watia musi mohaamawa wau mobatata. Eleponu watia diila pee̒enta mao̒ lopobulota meaambo lobuloto, bo watia he yilaa̒nati lotaa ngoa̒amila.

YEREMIA 24:2

Kalanji u bohulio tuatuanga hungo lo ara u hipiiohe, debo odelo hungo lo ara tilapulo bohulio, hiambola kalanji u oluolio tuatuanga hungo lo ara u hihuutode, tilinggula diila mowali tamelolo.

YEREMIA 4:31

Watia loo̒dungohe suala hilimuta debo odelo taabua tao̒hilaa mopotutu mai; debo odelo taabua muda lopotutu mai walai̒o tabohulio, odieelo mola hiyongo lo Yerusalemu u itotoola lo napasiilio. Ului̒o mongaato wau tio lopoi̒laalo suusa, “Matopotala watia – watia mapateelio mate-mateelo mao̒ lomusu!”

YEREMIA 45:3

yio̒ lopoi̒laalo suusa odie, ‘Aa otutu marapo wau̒ botie! Osuukaliu̒ dadaata daa̒, wau Eeya luli loduhengai wolo polodutolo. Wau̒ mailoongolo helo poi̒laalo suusa, diaaluo oduo̒oto sama-samaata!’

YEREMIA 5:1

Wuu ulipu lo Yerusalemu, potiduhuulo mota to dadaa-lalaalo to kotamu! Loloheelo mota penu boli tou̒toonu, wau sakusiyaalo lohihilao. Palakisailo to tanalapa lokota wolo woluo ngotaalio tamotiludu hale tahemo tolopani tatapu wau molotolo hilao to Allahu Taa̒ala. Wonu woluo, yi Eeya mamo ngambungu mai Yerusalemu.

HOSEA 9:10

Eeya lotahuda mai, “Tou̒ Wau̒ bohu-bohulio loo̒dungga umati lo Isirai̒lu, Wau̒ meengahu debo odelo taa loo̒dungga hungo lo angguru tohuta luasi udelita. Tou̒ Wau̒ bohu-bohulio loo̒onto loluuhurumu, Wau̒ sanangi debo odelo taa loo̒onto tilapulo bohulo hungo lo ara. Bo tou̒ timongolio lonao̒ mola ode Hui̒dee Peor, timongolio malo lumula lolubo Baa̒l, tilinggula timongolio lowali najisi debo odelo dewa u otolia̒ngo daa̒ limongolio boito.

YIA̒APO 18:13

Ngoa̒amila boito yito ode olemu. Timii̒du pongawaa̒ lo ngalaa̒mu tadiila najisi mowali molamelao̒.