MIKHA 6:9 - KITABI HABARI MOPIOHE

⁹ Tutuulio tutu laba-labaalo molinepo u moohe to Eeya. Tio mongiibode ode ulipu lokota, “Dungohiilo, wuu timongoli tahia̒mbua tokota!

MIKHA 6:9 ပူးပေါင်းရင်းမြစ်များ

OLUO LO SAMUEL 21:1

To maasa pamalenta lei Dauda, malo toduo mai baala lopolobiti ulaba-labaalo upohu-pohutu ngotilonggadu tolo taunu mola polupolu. Lapatao̒ tei Dauda helo molohone potuhata lonto Eeya pasali losua̒li boito, wau Eeya lotahuda mai, “Baala lopolobiti boito yito sababu totala lei Saul wau ngaalaa̒lio, timongolio malomate yila-yilateelo mao̒ tau-tauwalo Gibeon.”

AYUBA 10:2

Yaa Allahu Taa̒ala, ambunguolo diila mao̒ potalawa mai watotia; ambunguolo poo̒patata mai yilongola watotia tiluwalia lo Eeya.

AYUBA 23:14

Eeya mamoponao̒ ranjanaa-Lio ode olau̒, wau donggo dadaata poli ranjana lo Eeya wewolio mao̒ leeto.

AYUBA 5:17

Pomajulo yio̒ wonu Allahu Taa̒ala mohimelu mai olemu! Diila mao̒ pongingi wonu Eeya mohentea̒ olemu.

JABURU 107:43

Pohileaala dua̒ taa molinepo momikiilangi mola ngoa̒amila sua̒li boito wau momasisi deu̒ Eeya debo momonu.

JABURU 48:10

To delomo Bele lo Eeya amiaatia poo̒poo̒yo hemo mikiilangi mola ponu lo Eeya, yaa Allahu Taa̒ala.

JABURU 83:18

Huliilo mao̒ timongolio ohiheolo mao̒ poo̒olitolo wau duiduito, huliilo mao̒ timongolio mate todelomo hihiina.

JABURU 9:16

Babaa-ngusawalo tadiila motota lo Eeya modehu ode delomo huango u ilau̒de limongolio lohihilao; timongolio otaala todelomo pajala limongolio lohihilao.

POHUMAYA 22:3

Taa molinepo mohei wonu bolo moo̒onto baala; taa mohulodu monao̒ tulusi lapatao̒ odungga lobaala.

YESAYA 26:11

Yaa Eeya, Eeya dapadapato mohukuumani mai musu lo Eeya, bo diila otaawa limongolio. Huliaalo mao̒ timongolio moolito daa moo̒onto ponu lo Eeya ode umati lo Eeya. Huliaalo mao̒ timongolio mopulito binasa lo hukuumani u pilodapato lo Eeya ode limongolio.

YESAYA 27:10

Kota obiintengi boito malowali loliilo wau tilolaalio debo odelo huta luasi udiila tilolopani u diila otua. Himbala lo bibiahu hipongaala huo̒yoto wau mohuheli teto sambela hemo poo̒pulito duduu-ngowaalo monto tataa-ngowaalo batango ayu.

YESAYA 30:27

Okokawasa wau odudaa̒ lo Eeya oontongo monto molamingo. Tulu wau poloo̒ mopobilohei omuluka lo Eeya. Eeya lotahuda mai ode limongolio, wau tataa-heyaalo Eeya lomobu debo odelo tulu.

YESAYA 66:6

Dungohi! Woluo tingohu hula-hulaubio to kota; woluo suala monto Bele-U̒; uitoolo sualaa-U̒ udonggo hemomaalasi to musu!

YESAYA 9:13

Sababu uito todelomo u ngohui wambai̒o Eeya lohukuumani tomongo tau̒wa wau ulipulio. Eeya helo limadeo̒ wau lolapi lunggongo wau patahio.

YEREMIA 26:18

“Tou̒ tei Hiskia lowali olongia lo Yehuda, ti Nabi Mikha lonto Moresyet lopo tunggulai ode ulipu loi̒ya botie lonto Eeya Taa Laba-labaalo kawasa, ‘Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali oa̒ayua.’

YEREMIA 26:6

Wonu timongoli debo diila mohuto modungohu, yi bele poi̒baa-datiyalo botie mapohutuwo-U̒ mai debo odelo Silo, tilinggula totoonulalo bangusa todunia momake tanggulo kota lo Yerusalemu botie odelo laa̒anati.”

YEREMIA 47:7

Bo tingga mowali yio̒ motiduo̒oto, wonu bolo Wau̒ malo malentai u moluhu Askelon wau ulipu tobiihu pentadu?”

YEHESKIEL 7:9

Wau̒ diila tamomonu meaambo mongohi mai ambungu ode olemu. Wau̒ mamo hukuumani mai olimongoli motuuu̒de wolo totoonulalo okootolo u mapilohutu limongoli. Yi mao̒taawa mao̒ limongoli deu̒ Wau̒ulo Eeya wau Wau̒ulo tamo hukuumani mai olimongoli.”

HOSEA 14:9

Tau lo Isirai̒lu maa molapi mao̒ bubuui̒aala lo balahalaalio; timongolio tilaala-U̒ wau dilungohe-U̒ dua̒alio. Debo odelo bungo lo ayu u dadaata duungio, Wau̒ maa molilungai olimongolio. Wau̒ulo bungo lo totoonulaalo balakati limongolio. Wau̒, Eeya, maa lotahuda mai.”

AMOS 2:5

Sababu uito, Wau̒ mamolao tulu ode Yehuda wau momobu tunggula maahu bibii-ntengiyalo Yerusalemu.”

AMOS 6:1

Matilopotala timongoli tatumu-tumula hisanangia to Sion, wau timongoli tamolaasa aamani to Samaria – timongoli wuu tahi otanggulawa todelomo ulipu bangusa lo Isirai̒lu tapolu-polutuo̒ botie, timongoli tabiasaalio henao̒o mai lo lipu u mei̒tulungi!

MIKHA 3:12

Sababu ololeetumu boito, Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali huta u datahu wau luasi u pilobutua lo aa̒a-yuwaalo kekeei̒.

MIKHA 6:10

Tobele lotau-tauwalo tahileeta woluo halata u lotapulio wolo wimbulo hidala-dalaala. Timongolio helomake titimenga paluti, tuwaulio lohuhutu u olonuu̒u-U̒. Taa u lohutu mao̒ mahukuu-maniyo-U̒.

MIKHA 6:8

Diila! Eeya malo poi̒laalo mai olanto wolo u mopiohe. U pohilee-Lio wolo moo̒ohuu̒ monto olaanto yito alihu ito motihutu aadili, laito mongamali laasa tolia̒ngo, wau wolo dupadupapa lohilao tumumula motituwau wolo Allahu Taa̒alanto.

JEPANYA 3:2

Matilopotala kota u diila mohuto mololimo poe̒ela lo Eeya, wau diila olo momandungi ngoa̒amila didini-Lio, udiila mohudu paladio ode Eeya, wau diila mei̒ tuulungi o-Lio!

WAHI 3:19

Tau-tauwalo tapilonu-U̒ mai, timongoliolo tadiniyo-U̒ wau tabuboa̒a-U̒. Sababu uito mamusi timongoli osumangati, wau polilihulo monto duduusaamu.