MIKHA 6:8 - KITABI HABARI MOPIOHE

⁸ Diila! Eeya malo poi̒laalo mai olanto wolo u mopiohe. U pohilee-Lio wolo moo̒ohuu̒ monto olaanto yito alihu ito motihutu aadili, laito mongamali laasa tolia̒ngo, wau wolo dupadupapa lohilao tumumula motituwau wolo Allahu Taa̒alanto.

MIKHA 6:8 ပူးပေါင်းရင်းမြစ်များ

ILOOWALI 18:19

Tio maa tilulaotu-U̒ alihu momalenta mongo walai̒o wau waliilio u modungoheo̒ ola-U̒ wau mohutu wolo u mopiohe wau aadili. Wonu sua̒li boito pohutuo limongolio, totoonulalo danti-U̒ odelei Abraham mapoo̒ poluwo-U̒ mai.”

ILOOWALI 5:22

Lapatao̒ uito tei Heno tilumumulo todelomo himbunga wolo Allahu Taa̒ala ngotilonggadu tolo hetuto taunu. Wau loo̒tapu mai mongo walao̒ wewo

OLUO TAWARI 30:11

Bo, woluo olo tau-tauwala lonto suku Asyer, Manasye, wau Jebulon tao̒hilaa monao̒ ode Yerusalemu.

OLUO TAWARI 32:26

Bo pulitio tei Hiskia wau tau-tauwalo Yerusalemu malo tidupapa lo batanga, yi ngotilonggadu tei Hiskia donggo tumutumula mola hukuumani boito diila pilomata mai.

OLUO TAWARI 33:19

Todelomo buku Sojara lo Mongo Nabi matiluladu olo dua̒ lei Manasye wau totametai lo Allahu Taa̒ala todua̒ boito, wau hikaayati pasali lo duduu-saalio tou̒ tio diipo lolilihu, tataa-mbatiyaalo polubowalo balaahala wau bubuu-iyaalo Dewi Asyera u hepilo hutulio, wau babaa-laahalaalo u tilubolio.

OLUO TAWARI 33:23

Bo, hihiihede woliyamolio, tei Amon diila helo tidupapa batanga wau diila lohualinga ode Eeya; tio tumbao̒ lebe ilodusa woliyamolio.

OLUO TAWARI 34:27

yio̒ molee̒e wau motidupapa batanga to talu-U̒. Wau̒ malo ngaanjamu mohukuumani mai Yerusalemu wau ulipulio, bo tou̒ yio̒ moo̒dungohe pasali lo aajamu-U̒ boito yio humoyongo wau mongedenga pakeyangimu tuotio suukali. Wau̒ malo dungohe dua̒mu,

NEHEMIA 9:13

Lonto hulungo Eeya lotuhutai ode yitaato Hui̒dee Sinai, lapatao̒ Eeya helotahuda ode umati lo Eeya lohihilao. Heilohi mai lo Eeya butoo̒, wuu̒du wau palenta, u aadili, otutu wau ohuna.

JABURU 101:1

Jaburu lei Dauda. Watia ohilaa mopolahu mola pasali lo otatapu wau olootolo hilao wau ua̒adili, ode Eeya, yaa Eeya, lahu poloilaalo momuji lowatia!

JABURU 112:4

Mobaango motinela todelomo u modio̒lomo ode taa juujulu, ode taa ua̒adili, tamoo-tolia̒ngoa wau tamodehu hilao.

JABURU 112:9

Tio molaya-layadeo̒ halataalio, wau mongohi sadaka totaa mosikini; tio laito mohutu u mopiohu, sababu uito tio okawasa wau hurumatiolio.

JABURU 37:26

Eeya laito hemo pobulotai wau hemongohi, wau mongo walai̒o lowali balakati to olio.

JABURU 73:28

Bo olaatia otutu mopiohulo woluo totili lo Allahu Taa̒ala, Eeya Allahu Taa̒ala pilowali lowatia tambati potiduo̒la lowatia, alihu watia moo̒ pololade totoonulalo huhutu lo Eeya.

POHUMAYA 21:3

Huhutu u aadili wau otutu lebe moposanangi to Eeya wolo totoonulalo dewo.

TAMOO-HUTUBAWA 12:13

Lapatao̒ ngoa̒amilalo pilikiiliu̒ mola lopio-lopiohulo mao̒ u lolantu, uti-utieelo pulito lohuhaama u lotapuu̒. Poohelo mola to Allahu Taa̒ala wau dungohilo totoonulalo palentaa-Lio, sababu bo u woleeto boitolo manusia pilowali mai lo Eeya.

YESAYA 56:1

Eeya lotahuda mai to umati-Lio, “Pohutualo wolo u aadili wau u motuuu̒de wolo butoo̒o-U̒. Sababu donggo ngopee̒ mola Wau̒ meidungga mai mopoa̒ahu olimongoli wau oa̒adili-U̒ poi̒laaloolo.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YESAYA 66:2

Ngoilanggubu aalamu yito huhutu lo uluu̒u-U̒, yi ngoa̒amila boito pilopowali mai. Bo otohilaa-U̒ yito taa u dupadupapa lohilao, taa u molee̒e to duduusaalio, tamoohe wau modungohe ola-U̒.

YEREMIA 22:3

“Potihutulo aadili wau motiludu. Lopata mao̒ taa u hepilo hamaawa uuntungi dadaata daa̒ lonto okokawasa lotaa u hemohama uuntungi dadaata daa̒ to olio. Diila mao̒ podeehe meaambo mohutu u moleeto totaa deli, walao̒ tadidu otiilo otiyamo, meaambo janda. Diila mao̒ pomate taa udiila ototala mate-mateelo mao̒ to tambati botie.

YEREMIA 9:23

Eeya lotahuda mai, “Taa aaripu diila mowali meengahu sababu otinepio, taa molotolo sababu olootololio, wau taa kaya sababu okokayalio.

HIYONGO MOPOILAALO SUUSA 3:26

Oditolio, mopiohulo ito mohima wolo duo̒duo̒oto tunggula Eeya mai mongohi tulungi;

YEHESKIEL 16:63

Wau̒ mamomaa̒apu mai ngoa̒amila totalaamu, bo yio̒ diila tamowali molipatao̒ wau yio̒ mamolaasa moolito u moloi̒ya penu boli wolo wambai̒o. Wau̒ Eeya Taa Laba-labaalo molanggato malo tahuda mai.”

YEHESKIEL 33:14

Mowaliilio Wau̒ malo poe̒elao̒ taa moleeto deu̒ tio maamate. Bo wonu tio mohuheli mohutu dusa wau molumula mohutu wolo u mopiohu wau otutu, humayaalio tio mopo walingao̒ balangi u pilopohuloo̒ lotau, meaambo balangi u matilao̒lio wau modungohe toonulaalo butoo̒ u modelo ode tutumulo, yi tio diila tamaate.

DANIALI 4:37

Oditolio botia wau̒, Nebukadnejar, momuji, mopolaia̒ wau mopolamahu Olongia lo Sologa. Totoonulalo huhutuu-Lio otutu wau aadili, wau Tio mambo mopodupapa taa u motihutu sombongi.

HOSEA 12:6

Allahu Taa̒ala boito yito Eeya Taa Laba-Labaalo Kawasa. Tanggu-Lio yito Eeya. Wolo tanggula boi-boitoolo Tio mokahandaki tau moi̒baadati mao̒ to Olio.

HOSEA 6:6

Wau̒ lebe motohilaa deu̒ timongoli motota ola-U̒ wau laito motolia̒nga ola-U̒, lou̒ timongoli momobu wau mopodewo bake ode Olau̒.

IMAAMATI 26:41

tilinggula Wau̒ helo luwali wau lopolahi olimongolio ode delomo polayahu tolipu lo mumuu-suwaalo limongolio. Pulitio mao̒, wonu bolo wali limongoli malo taa̒luku wau malo ponao̒ lo hukuumani sababu dusa wau polo malakala limongolio,

AMOS 5:24

Lebe mopioheo̒, potolopanilo alihu u aadili tumolohe debo odelo taluhu, wau otulidu hale debo odelo dutulaa udiila pee̒enta mao̒ mohengu.

MIKHA 6:9

Tutuulio tutu laba-labaalo molinepo u moohe to Eeya. Tio mongiibode ode ulipu lokota, “Dungohiilo, wuu timongoli tahia̒mbua tokota!

JEPANYA 2:3

Muli pohualingolo ode Eeya, wuu ngoa̒amila taa u dupadupapa lohilao to lipu botie, wau ngoa̒amila taa u modungohe totoonulalo palentaa-Lio. Pohutua mao̒ modudua̒ kahandaki lo Eeya, wau podupapaalo batangamu totalu-Lio. Otanu timongoli mamoo̒lahi monto polo hukuumani todulahu Eeya mopoi̒laalo mai omulukaa-Lio.

JAKARIA 7:9

“Otaa-taunuwa u lopalutaa mola yilohi-U̒ mai papaa-lentaala botie ode umati-U̒, ‘Timongoli musi opii̒li aadili, odehu hilao wau mopiohe hale ode timongotamu.

MATIUSI 5:3

“Potisanangilo tutu tamolaasa diilalo okawasa wau bolo wambao̒ hemo tiwunela mola to Allahu Taa̒ala; timongolio yito pongawaa̒ umati lo Allahu Taa̒ala!

MATIUSI 5:7

Potisanangilo tutu taa u motolia̒ngo taawewo; Allahu Taa̒ala mamomonu mai olimongolio olo!

LUKASI 10:42

lebe-lebe pomao̒ u polohuna daa̒ bo tuwau. Wau ti Maria malo lulaoto u mopiohu, udiila mowali hamaalo monto olio.”

LUKASI 11:42

Matopotala timongoli, tau-tauwalo Parisi! Tilapulo lou̒ pilomulomu debo odelo solasi wau denggu-denggu wau lamba-lamba uwewolio, yilohi limongoli ngotayade mopulu ode Allahu Taa̒ala, bo ua̒adili wau motolia̒ngo to Allahu Taa̒ala diila padulio limongoli. Lebe-lebe pamao̒ uitolo u patutilio pohutuo mao̒ limongoli, lou̒ diila momalongo uwewolio olo.

LUKASI 12:14

Ti Isa lolametao̒, “Wutato, tita talomuduo̒ ola-U̒ lowali hakimu meaalo tamooloyade pusaka towolota limongoli duulota?”

LUKASI 6:36

Mamusi timongoli odehu hilao debo odelo ti Paapamu olo odehu hilao!”

ROMA 7:16

Naa, wonu watia mohutu susuu-aliyaalo u teteehengia wolo hilaa lowatia, uito boliilio mao̒ watia momasisi deu̒ butoo̒ agama lo Yahudi boito mopiohu.

ROMA 9:20

Bo, Wutato! Wutato bo manusia wambao̒. Wau Wutato diila mowali buheli motuwahe to Allahu Taa̒ala! Tingga mowali poti lo bunga mohintu to talohutu mao̒ olio, “Yilongola yio̒ malohutu mai olau̒ odie?”

1 KORINTUS 7:16

Sababu Wutato odelo dile taabua – tamalo malocaya to Eeya – woloolo mola mowali otaawa lo Wutato lou̒ tantu deu̒ Wutato diila mowali mopoa̒ahu dilemu taabua? Odito olo Wutato odelo dile talolai Nasara, woloolo mola mowali otaawa lo Wutato lou̒ tantu deu̒ Wutato diila mowali mopoa̒ahu dilemu taabua?

EPESUS 4:32

Bolii̒o mao̒, mamusi timongoli o hilao u mopiohe wau modehu hilao ode ngota-timongota, wau mongaa-ngambungua tutuuwauwa debo odelo Allahu Taa̒ala olo longambungu mai olimongoli lotimbulude li Almasi.

TINGULI 27:10

Sababu uito podungohulo to Eeya Allahu Taa̒ala limongoli wau pohutuo mao̒ ngoa̒amila palentaa-Lio uilohi mai lowatia todulahee botie.”

TINGULI 30:15

Todulahee botie timongoli mowali molulaotao̒ towolota u mopiohu wau u moleeto, towolota tutumulo wau mate.

KOLOSE 3:12

Wutato yito umati lo Allahu Taa̒ala. Allahu Taa̒ala lomonu olimongoli wau lolulaota olimongoli u tolomodu lowali miliki-Lio. Uitolo sababuulio timongoli musi mopo biloheo̒ modehu hilao, timongoli musi ohilaa mopiohe, motidupapa lohilao, molumboyoto lohilao, wau tahangi modutolo.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

YAKOBUS 2:20

Timongoli mohulode daa̒! Wolo palalu pobukutiyolo olemu deu̒ diila ohunalio o iimani lou̒ diila wolo huhutu?

YOSUA 24:14

“Oditolio,” ualei Yosua wumbutio mola, “hulumatiyalo Eeya. Potiwatolo to Eeya wolo ihilasi boli tatapu wau molotolo hilao. Yinggila mao̒ ila-ila wewo u hetilubo linenemoyaamu muloololio mai to Mesopotamia wau Masiri. Potiwatolo bo to Eeya wambao̒.

1 PETRUS 3:8

Limbui̒o mao̒ yito: mamusi Mongo wutato ngopikii-langi wau ngopongolaasa. Mamusi timongoli mototoo-lia̒nga debo odelo tau-tauwalo tamohutato. Wau mamusi timongoli tinggai modehu hilao wau opopoli dupadupapa lohilao.

BOHULO SEMUEL 12:23

Tomimbihu batangau̒, pohileaala dua̒ wau̒ diila bolo odusa to Eeya sababu diila helodua̒ mao̒ olimongoli. Bolii̒o mao̒ wau̒ olo madebo mopoo̒latao̒ olimongoli susuu-aliyaalo u mopiohe wau u otutu.

BOHULO SEMUEL 15:22

Bo tei Semuel loloi̒ya, “Toonu ulebe aahudu lo Eeya, ototaaa̒ti meaalo bake podewo? Modungohe to Eeya lebe mopiohe lou̒ mopodewo bake. Modungohe lebe mopiohu wolo tabo lohimba.