MIKHA 6:6 - KITABI HABARI MOPIOHE

⁶ Wolo u musi podewonto ode Eeya, Allahu Taa̒ala tosologa, wonu bolo ito monao̒ mai moi̒baadati to Olio? Wolo ito musi modelo sapi buboto u mopiohe daa̒ duo̒lo podewo odelo bake yilalango ode Olio?

MIKHA 6:6 ပူးပေါင်းရင်းမြစ်များ

OLUO LO SAMUEL 21:3

wau helohintu mao̒ olimongolio, “Wolo u mowali pohutuwou̒ mao̒ olimongoli? Wau̒ ohilaa motolotao̒ totala u mapilo hutulio olimongoli, alihu timongoli mobalakati mao̒ umati lo Eeya.”

JABURU 116:12

Wolo u mawohi lowatia ode Eeya u momaalasi opopiohu Eeya olaatia?

JABURU 22:29

Sababu Eeyaalo tao̒kawasa, Eeya momalenta babaa-ngusawalo.

JABURU 95:2

Dulo ito monao̒ mai modunggaya wolo Eeya, wolo lahu poloilaalo momuji, potinga-tingalao̒lo mola wolo wengahu ode Eeya wolo lahu poloilaalo momuji.

JABURU 95:6

Duloolo ito mosujudu molubo to Eeya, motibonggohuu̒ totalu lo Eeya talo powali mai olanto.

PILOTIMUA̒TA 12:5

Timongoli mowali molulaotao̒ himba meaalo batade, bo musi ulai̒, o umulu ngotaunu, wau diila o tailolio.

PILOTIMUA̒TA 23:15

Todelomo hulalo Abib meaalo hulalo ubohulio, towakutu utilantu mao̒, timongoli musi mopolame Potihunggu lo Roti Diila Oragi wolo pohuli u mapilo malenta-U̒ mai olemu, sababu tohulala boito timongoli helo lolaa mao̒ Masiri. Diila mao̒ polamela roti upilohutu wolo ragi ngotilonggadu lameyangi pituhui mola boito. Timii̒du timongoli monao̒ mai moi̒baadati to ola-U̒, timongoli musi modelo mai podewo.

POHUMAYA 15:8

Eeya mololimo dua̒ lotaa mopiohu, bo Eeya molonuo̒ dewo lotaa moleeto.

POHUMAYA 21:3

Huhutu u aadili wau otutu lebe moposanangi to Eeya wolo totoonulalo dewo.

YESAYA 40:16

Ngoa̒amila binatangi to oa̒ayua lo Libanon diila motuuheta u powaliyola bake yilalango; bubuu-ngowaalo ayulio ngoi̒di daa̒ u powaliyola ayu podiii̒o.

YEREMIA 6:20

Pongoola alama u dilelo mai limongolio lonto Syeba ode Olau̒, meaambo ramba-ramba lonto lipu u molamingo? Diila ihilasi Wau̒ dewo limongolio. Wau̒ diila mohuto to babaa-keyaalo yilalango limongolio.

YEHESKIEL 46:9

Bolii̒o mao̒, wonu to duduu-laheyaalo daa̒ ulipu monao̒ mai motabia ode Eeya, yi timongolio tatumuwota moli hulubangi tilayo, wuwalingio musi moli hulubangi huliaalio lapatao̒ timongolio yilapato motabia. Wau timongolio tatumuwota moli hulubangi huliaalio wuwalingio musi moli hulubangi tilayo. Tau-tauwalo dinidini mohualinga moli dalalo u pilolibaya tou̒ pilotuwota; timongolio musi mohualinga moli hulubangi u to ngotualiilio.

DANIALI 3:26

Lapatao̒ tei Nebukadnejar lohimbideo̒ huhebu tambati lotulu boito wau longiibodu, “Sadrakh, Mesakh wau Abednego, mongowato lo Allahu Taa̒ala Taa Laba-labaalo molanggato! Lualoolo mai monto tambati lotulu boito!” Yi maa yilumualai timongolio.

DANIALI 4:9

“Wuu, Belsaasar tau̒wa lotau-tauwalo lotahi o ilimua, otaawau̒ deu̒ yio polupolu lo rohu dedeewaalo u mantali, tilinggula diaaluo hitua-tuawua u milakusudu hetuuo̒lo u leituuo̒ olemu. Dungohi mao̒ tohiilopou̒ botie wau tombanga mai boliilio.

DANIALI 5:18

Allahu Taa̒ala Taa Laba-labaalo molanggato lohutu mai olei Nebukadnejar, tiyamo li Tuani lowatotia olongia udaa̒ wau longohi olio odudaa̒ wau omasaahulu.

DANIALI 5:21

Tio pilopolahi lonto ulipu lomanusia wau aakalilio lowali debo odelo aakali lo binatangi. Tio tilumumulo wolo kolodai lo oa̒ayua, yilongaa huo̒yota debo odelo sapi wau lotuluhe to tanalapa u huo̒huo̒o tilinggula bilata lo wambulo. Pulitio mao̒ tio lomasisi deu̒ Allahu Taa̒ala Taa Laba-labaalo molanggato okawasa to yilaidia lomanusia wau yilaidia boito yilohilio ode titaalo tita wambai̒o tatilulao-Tio.

HOSEA 5:6

Timongolio lonao̒ helo lolohe to Eeya wolo hidelowa himba wau sapi duo̒lo bake, bo ngoa̒amilalo boito diila ilohuna. Sababu Eeya malo lolaa olimongolio, wau timongolio diila loo̒ dungga o-Lio.

AMOS 5:22

Wonu timongoli modelo bake yilalango wau bake lopale, Wau̒ diila tamololimo mao̒. Wau̒ diila mohuto mololimo bibii-natangimu u hiliingohe boito u podewo limongoli ola-U̒ debo odelo bake lo polodame.

MATIUSI 19:16

Todulahu tuwau talolai̒ ngota lonao̒ mai odeli Isa, “Paaa̒ Guru,” ualio mao̒, “huhutu mopiohe wolo umusi pohutuo lowatia alihu mowali mololimo tutumula ututuulio tutu wau ohiheo-hiheolo mao̒?”

MARKUSI 12:33

Wau manusia musi motolia̒ngo to Allahu Taa̒ala wolo lealeaatu lohilaalio, wau wolo lealeaatu lo aakalilio, wau wolo totoonulalo lotolio. Wau tio olo musi motolia̒ngo timongotalio debo odelo batangalio lohihilao. Uito lebe mopiohe wolo mopodewo bake yilalango wau babaa-keyaalo wewolio ode Allahu Taa̒ala.”

MARKUSI 5:7

Wolo suala daa̒ tio longuatio̒, “Isa Walao̒ Allahu Taa̒ala Taa Laba-labaalo molanggato! Mapongola-Mu watia botie? Domi Allahu Taa̒ala, watia momolohone diila mao̒ sikisai watia!” (

LUKASI 10:25

Lapatao̒ ngotaalio guru lo agama lotibilohei u lopotala li Isa. Tio lohintu mao̒, “Paaa̒ Guru, mawolo umusi pohutuo lowatia alihu mololimo tutumulo tutu wau ohiheo-hiheolo mao̒?”

YAHYA 6:26

Ti Isa lolametao̒, “Otutu, timongoli hemo lolohe ola-U̒ diila bo sababu timongoli malo ngalati makusudu totoonulalo moo̒linggolabe u hepilohutu-U̒, bo sababu timongoli malo lamela tunggula lobutuhu.

WUNGGULI LOMONGO RASULU 16:17

Taabua boito lodudua̒ tulusi wambao̒ olei Paulus wau wolami sambela wuwa-wuwaatia̒, “Tau-tauwala botie wato lo Allahu Taa̒ala Taa Laba-labaalo molaio̒! Timongolio lonao̒ mai mopoo̒taa to Mongo wutato woloolo mola pohuliilio timongoli mowali moa̒ahu!”

WUNGGULI LOMONGO RASULU 16:30

Lapatao̒ tio malodelo olimongolio ode bulemengio wau loloi̒ya, “Mongo tuani, wolo umusi pohutuo lowatia alihu watia moa̒ahu?”

WUNGGULI LOMONGO RASULU 2:37

Tou̒ tau-tauwala boito loo̒dungohe sua̒li boito, hilaa limongolio lobalisa daa̒. Tulusi timongolio malohintu odelei Petrus wau mongo rasulu wewolio, “Mongo wutato, wolo umusi pohutuo lamiaatia?”

EPESUS 3:14

Masababu uitolo watia loti bonggohuu̒ mola totalu li Paapa.

IBRANI 10:11

Timii̒du iimamu lo Yahudi moponao̒ tuugasilio odelo iimamu timii̒du dulahu, wau wuwuulia tio hemo podewo babaa-keyaalo u tutuuwauwa. Bo babaa-keyaalo boito sama-samaata diila mowali moluluta dusa.

BOHULO SEMUEL 15:22

Bo tei Semuel loloi̒ya, “Toonu ulebe aahudu lo Eeya, ototaaa̒ti meaalo bake podewo? Modungohe to Eeya lebe mopiohe lou̒ mopodewo bake. Modungohe lebe mopiohu wolo tabo lohimba.