MIKHA 6:5 - KITABI HABARI MOPIOHE

⁵ Umati-U̒, eelailo mola wolo u yilanjana lei Balak olongia lo Moab to olemu, wau wolo u pilolametai lei Bileam walae̒e Beor to olio. Eelailo mola wolo u lotoduo mai tononao̒ wolota piloti kemawa to Sitim wau to Gilgal. Wonu timongoli moe̒ela mola ngoa̒amilalo boito, timongoli mamo ngalati wolo u mapilohutu-U̒ u mopoa̒ahu olimongoli.”

MIKHA 6:5 ပူးပေါင်းရင်းမြစ်များ

JABURU 111:4

Eeya boito tamoomonua wau tamoo-tolia̒ngoa, Eeya hemohutu mai huhuu-hutuwaalo u moo̒linggolabu, alihu ito debo moe̒ela to Eeya.

JABURU 143:11

Poa̒ahuwalo mai watotia motuuu̒de wolo danti lo Eeya, yaa Eeya, domi opohiohu lo Eeya, lopataalo mai watotia monto ileepita.

JABURU 36:10

Eeyaalo bungo tutumulo lo ngoa̒amila mahaluku, todelomo tinelo Eeya mongowatotia moo̒onto u mobaango.

JABURU 71:19

Yaa Allahu Taa̒ala, oa̒adili lo Eeya ngoilanggato hulungo; odito udaa̒alio totoonulalo huhutu lo Eeya; yi tatoonu tamoo̒ baaya to Eeya?

YESAYA 1:27

Eeya aadili, yi Eeya mamo poa̒ahu Yerusalemu wau tau-tau-Lio tamolee̒e.

YIA̒APO 22:41

Loloombulio mola tei Balak lodelo olei Bileam lotao̒de mola Huludu Bamot Baa̒al. Lonteeto tei Bileam maloo̒onto ngotayadu lonto bangusa lo Isirai̒lu.

YIA̒APO 23:27

Tei Balak loloi̒ya mao̒, “Dulo ito ode tambati wewo. Tanu Allahu Taa̒ala mopoluli mai olemu molaa̒nati Isirai̒lu ode olau̒ totambati boito.”

YIA̒APO 25:1

Tou̒ bangusa lo Isirai̒lu donggo bilu-biluloa̒ to Lumbaya lo Sitim, mongo lolai̒ limongolio helojina wolo mongobua lo Moab tawoluo mota teto.

YIA̒APO 25:2

Mongobua boito helo heinga olimongolio ode popoo-tibungguwala lobake u mohulumati ila limongolio. Taulo Isirai̒lu olo lodudua̒ lolamela bake boito wau helolubo ila taulo Moab.

YIA̒APO 31:16

Diila mamongobua boito tahelo dudua̒ nasehati lei Bileam, tilinggula malomiyo umati lo Isirai̒lu to Peor u mololaa mao̒ to Eeya? Wau ui-uitolo uloo̒ toduo mai baala to umati lo Eeya!

YIA̒APO 31:8

leituoto limolota olongia lo Midian, deu̒yito-yito tei Ewi, Rekem, Jur, Hur wolei Reba. Tei Bileam, walae̒e Beor, olo pilatelio yila-yilateelo mao̒.

EPESUS 2:11

Mongo wutato tadiila taulo Yahudi! Eelai mola owowoluwoa limongoli tou̒ muloololio mai: Timongoli iluntelio “taa diila otuuna”, lo taulo Yahudi talongaku batangalio matiluuna (makusudulio tamaa loo̒tapu mao̒ tuoto upilohutu lomanusia tobatanga limongolio).

TINGULI 16:3

Dewo lo Paska boito musi tameloolo wolo roti udiila oragi. Pitu hui mola hiheolio timongoli musi molamela roti udiila oragi, debo odelo tou̒ timongoli loololaa mao̒ huta lo Masiri wolo tametameo̒. Tamela mao̒ roti boito, roti u ilunte roti lo polodutolo, alihu ngotupa lo tutumuli mongoli timongoli mamoo̒ eela mola dulahio tou̒ timongoli loololaa mao̒ Masiri, tambati limongoli helo dutolo.

TINGULI 23:6

Ngotilonggadu timongoli tumu-tumulo tunggula ohiheo-hiheolo mao̒, diila mao̒ potulungi to babaa-ngusawalo boito meaalo mohutu mao̒ olimongolio moa̒ahu.

TINGULI 8:18

Eelai mao̒ deu̒ Eeya Allahu Taa̒ala limongolilo tamongohi mai okokaya boito ode limongoli. Sua̒li boito pilohutu-Lio sababu tunggula todulahee botie Tio donggo tatapu wau molotolo hilao todaantia u pilohutu-Lio woli nenemoya limongoli.

TINGULI 8:2

Eelai mola! Wopato pulu lotaunu hiheolio Eeya Allahu Taa̒ala limongoli lodelo olimongoli todelomo nonao̒ molaminga lolibaya tohuta luasi udelita. Nonao̒ boito milakusudu lo Eeya u mohimontala olimongoli, alihu Tio mowali moo̒onto mao̒ wolo ubuhu-buhulo todelomo hilaa limongoli wau wolo timongoli mamodungoheo̒ totoonulalo palentaa-Lio.

TINGULI 9:7

Eelai mao̒ woloolo mola timongoli helohutu to Eeya Allahu Taa̒ala limongoli lomuluka tohuta luasi udelita. Anggadu timongoli lololaa mao̒ Masiri tunggula leidungga mai odia, timongoli helo teehengi to Eeya.

YOSUA 2:1

Lapatao̒ lonto polokemawa to Sitim, tei Yosua longutolia taa u motulete lou̒ poo̒-poo̒oyo taduulota ode Kanaa̒n. Taduulota boito pilei̒ tuletealio lipu lo Kanaa̒n wolo tua̒ao̒-tua̒ao̒ lebe-lebe daa̒ kota lo Yerikho. Yi malonao̒lo timongolio ode kota boito, wau lotihui to bele lotaabua ngota tasuuntali, tai̒lunte Rahab.

YOSUA 3:1

Loloombulio mola, tei Yosua wau ngoilanggubu umati lo Isirai̒lu lobongu didimodupo daa̒, lapatao̒ lololaa mao̒ tambati pilo tikemawa limongolio to Sitim, wau lonao̒ ode Dutulaa Yordan. Mota teto timongolio lotikema sambela hemohima wakutuulio u mobalango.

YOSUA 4:19

Umati lo Isirai̒lu leidungga mota ode ngotuali lo Yordan wau todulahu opululio hulala bohulio, wau timongolio lotikema to Gilgal ambahu tiimuru lo Yerikho.

2 PETRUS 2:15

Sababu timongolio diila mohuto modudua̒ dalalo motulidu, yi timongolio mailapalo. Timongolio lohama dalalo u diludua̒ lei Bileam walae̒e Beor omoo̒omolu. Tei Bileam botie ohilaa daa̒ moo̒tapu doi monto huhutuulio u moleeto.

1 YAHYA 1:9

Bo wonu ito motolo akuo duduu-saanto to Allahu Taa̒ala, Tio mamoe̒elai danti-Lio wau mohutu wolo u aadili. Tio mamo ngambungu duduu-saanto wau mopobelesi olanto monto totoonulalo huhutuunto utilala.

YUDAS 1:11

Tilopotala timongolio! Timongolio malo dudua̒ dalaalio lei Kain. Alihu moo̒tapu doi, timongolio helopo topotala batanga ode lumbaya umoo̒ lapalo, tutuuwauwa debo odelo tei Bileam. Wau timongolio olo ilaantululio sababu helo malakalo debo odelo tei Korah.

WAHI 2:14

Bo boli odito woluo dengolo sua̒li udiila moo̒sanangi ola-U̒ monto olimongoli: woluo ngotayadu tau towolota limongoli tamalo dudua̒ wolo u pilo ngaajali lei Bileam. Tei Bileam helo ngaajali olei Balak woloolo mola mopodehu umati lo Isirai̒lu ode delomo dusa; wolo lomiyo olimongolio lolamela ua̒alo u mapilo dewolio ode balaahala wau lohutu susuu-aliyaalo u huloto.

MONGO HAKIMU 11:25

He lantobumu wau̒ lebe mopiohu wolei Balak walae̒e Zipor, olongia lo Moab? Tei Balak diila pee̒enta mao̒ helo tehengi meaalo helopaatea wolamiaatia.

MONGO HAKIMU 5:11

Totili lo aa̒a-liyaalo odungohe tau hirameya hipo dendangia, hipo hunggulia ohohaama lo Eeya wuwuulia mola, ohohaama lo Isirai̒lu, umati lo Eeya. Yi malo tibarisilo mola timongolio hidulunga ode hulubangi lokota.

BOHULO SEMUEL 12:7

Botia, diipo mao̒ poonao̒. Wau̒ mamopo tuludeo̒ olimongoli totalu lo Eeya. Eelailo mola totoonulalo omuura lo Eeya u mapilo ilaalo-Lio mai olimongoli wau ode loluuhuru limongoli.