MIKHA 6:2 - KITABI HABARI MOPIOHE

² Wuu huhuu-ideyaalo, wuu wawaa-moo̒waalo dunia, dungohiilo podulohu Eeya! Eeya o palakala wolo Isirai̒lu umati-Lio wau mamohile wolo moo̒ohuu̒ olimongolio.

MIKHA 6:2 ပူးပေါင်းရင်းမြစ်များ

OLUO LO SAMUEL 22:16

Wamoo̒ deheto lobintaao̒ wau wumbato dunia yilohuo̒ tou̒ Eeya longantinga musu lo Eeya wolo muluka.

OLUO LO SAMUEL 22:8

Lapatao̒ huta lolotau̒lo wau hilumuhela, bubuu-ngowaalo hui̒dee hilumeulo wau huluhluhelio sababu omuluka lo Allahu Taa̒ala!

JABURU 104:5

Wolo motoheto dunia pilopohuli lo Eeya to wumbatio, tilinggula diila tamoe̒etu u ohiheolo mao̒.

POHUMAYA 8:29

tou̒ Eeya lomalentaao̒ taluhu deheto alihu diila mao̒ lumaode to sisii-patilio. Wau̒ olo pee̒-pee̒enta woluo mola teto tou̒ wumbato dunia pilopodutu lo Eeya.

YESAYA 1:18

Eeya lotahuda mai, “Dulo ito mopobelesi palakala botie. Eleponu timongoli meela jingga sababu duduu-sawaalo limongoli, timongoli mabuboa̒a-U̒ mowali moputio̒ belesi debo odelo pini. Eleponu duduu-sawaalo limongoli dadaata wau mobuheeto, timongoli maa ambunguwo-U̒ lealeaatulo mao̒.

YESAYA 3:13

Eeya malopo dapato u mongaibu wau momutoo̒ umati-Lio.

YESAYA 43:26

Poe̒elailo mai Wau̒, dulo ito ode bubutoo̒, podulohuwalo palakalamu alihu moi̒laalo mai deu̒ yio̒ otutu.

YESAYA 5:3

Oditolio botia sahabatiu̒ loloi̒ya, “Timongoli ngoa̒amila, tuango lipu lo Yerusalemu wau Yehuda, butoi̒lo mai wolota ilengi lo angguru-U̒ wau Wau̒.

YEREMIA 2:9

Eeya lotahuda mai, “Botia umati-U̒ muli palakalaa-U̒, wau waliilio mai butoo̒o-U̒.

YEREMIA 25:31

Demola huudu dunia sualaa-Lio toli-toliyongo; Eeya mohutu palakala ode babaa-ngusawalo. Ngoa̒amila tau maa̒adiliyolo wau tamoleeto mahukuu-maniyolo mate.’ ”

YEREMIA 31:37

Humayaalio tou̒ wakutu tuwau hulungo mowali tuu̒dulo, wau wumbato dunia mowali tuleteelo, tou̒ boi-boitolo Isirai̒lu mapotouli-U̒ sababu ngoa̒amila huhutu limongolio u moleeto. Wau̒, Eeya, malo tahuda mai.”

HOSEA 12:2

Totoonulalo hitua-tuawua u pilohutu lotau Isirai̒lu monto dimodupo demola hui diila ohuna wau osiipati mongantulu debo odelo dupoto tiimuru. U diila motulidu hale wau opoparangi lolaia̒ to wolota limongolio. Timongolio lohutu daantia wolo Asyur wau lodelo mota winulaa ode Masiri debo odelo tuoto lou̒ polosahaabati.”

HOSEA 12:3

Eeya o palakala wolo bangusa lo Yehuda; Tio olo maa mohukumani mai Isirai̒lu sababu pii̒ili limongolio. Tio maa molontuli huhutu limongolio.

HOSEA 4:1

Eeya o palakala wolo ulipu lolipu botie. Wuu Isirai̒lu, dungohe mao̒ wolo upilo tahudaa-Lio mai, “To lipu botie diaaluo otatapu wau molotolo hilao meaambo tolia̒ngo, wau ulipulio diila momasisi ola-U̒ odelo Allahu Taa̒ala.

MIKHA 6:1

Dungohiilo wolo u pilotuludu Eeya ode Isirai̒lu. Pobonguulo, yaa Eeya, wau too̒woliyalo mai dudulohu Eeya! Huliaalo mao̒ hui̒dee wau huludu modungohe wolo u ohilaa potahuda lo Eeya.

TINGULI 32:22

Omulukaa-U̒ mamo hintalabu debo odelo tulu u momobu demola dunia lotaa mate. Tulu boito momobu dunia wau totoonulalo tilapulio, wau huhuu-ideyaalo demola wawaa-atiyoolo mao̒.

TINGULI 4:26

Potala hulungo wau dunia todulahee botie mowali sakusi deu̒ wonu timongoli diila modungoheo̒ olaatia, timongoli mahua̒a mooli monto huta u potibiluloa̒ limongoli to ngotuali lo Dutulaa Yordan boito. Timongoli diila tamohiheo motibiluloa̒ mota teto; timongoli mapo binasaalo sama-samaata.