MIKHA 6:16 - KITABI HABARI MOPIOHE

¹⁶ Ngoa̒amila boito motoduo sababu timongoli helo dudua̒ huhuu-hutuwaalo u moleeto li Olongia Omri wau walai̒o, deu̒yito-yito ti Olongia Ahab. Timongoli helo dudua̒ duduu-delowaalo limongolio. Sababu uito Wau̒ mamo ngantulu olimongoli, wau timongoli mahenteo̒ wau hinaa lo totoonulalo bangusa.”

MIKHA 6:16 ပူးပေါင်းရင်းမြစ်များ

BOHULO MONGO OLONGIA 18:4

Tou̒ tei Ijebel helomate mongo nabi lo Eeya yila-yilateelo mao̒, tei Obaja botieelo tamalo tulungi ngohetu lota nabi wau heloluuo̒ todelomo gowa – limo lopulu lota todelomo gowa tuwau – wau helongohi mao̒ ua̒alo wau u yilumolo.)

BOHULO MONGO OLONGIA 9:8

Bele poi̒baadatiala botie mamowali tuwaulio huntua lotuode tilinggula timii̒du taa u lumaodeo̒ teto maa ooheaalo wau timihela hapato. Timongolio mamoloi̒ya, ‘Yilongola Eeya helohutu mai odito ode lipu wau bele botie?’

OLUO MONGO OLONGIA 16:3

Tio tumutumulo debo odelo mongo olongia lo Isirai̒lu, tumbao̒ lopodewo walao̒ talolai̒lio lohihilao odelo bake ode dewa, lodudua̒ uu̒du mobulilo lotau-tauwalo tahe pilopolahi lo Eeya lonto lipu lo Kanaa̒n tou̒ taulo Isirai̒lu tilumuwota ode lipu boito.

OLUO MONGO OLONGIA 21:3

Tataa-mbatiyalo u hepo lubowalo dewa mai̒laantulu lei Hiskia tiyamolio luli bilongulio. Tio helo mongu memees-bawaalo u poi̒baadatiala ode Baal, wau lohutu bui̒ lo Dewi Asyera, debo odelo u hepilohutu lei Ahab olongia lo Isirai̒lu. Tei Manasye olo helolubo popoo-liyamaalo.

OLUO TAWARI 22:4

Tei Ahajia ilodusa to Eeya debo odelo ngaalaa̒ lei Ahab, sababu timongoliolo talowali tamoo-nasehatia olio tou̒ tiyamolio yilate mao̒. Tahipo nasehatia boitolo taloo̒ topotala olio.

OLUO TAWARI 34:25

Timongolio malo lolaa ola-U̒ wau helo podewo bake to ila-ila wewo. Ngoa̒amila u hepilohutu limongolio loo̒toodei omulukaa-U̒. Wau̒ lomuluka tomimbihu Yerusalemu, wau mulukaa-U̒ diila mowali poo̒oleelo.

JABURU 1:1

Potisanangilo tutu taa u diila moduduo̒ potua lotaa moleeto, diila heloo̒baaya taa odusa wau diila moa̒awota wolo taa u hemohina Allahu Taa̒ala,

JABURU 44:13

Pilotali lo Eeya umati lo Eeya wolo halaga udiila boti ohalaga, wau diila heloo̒tapu uuntungi wolo-wolo.

JABURU 44:14

Pilowali lo Eeya amiaatia pilohentea̒ lomongo tiheede timongolio hipodali-dalilia wolo loi̒ya wau hipoi̒ii̒ya to olamiaatia.

YESAYA 25:8

Eeya Taa Laba-labaalo kawasa mamopo binasa mautu u ohiheo-hiheolo mao̒! Eeya mamoluluta ponu monto timii̒du baya, wau mopohalahu ohihina u bilanta umati lo Eeya to ngoilanggubu dunia. Eeya malo tahuda, wau sua̒li boito tantuulo mao̒ motoduo mai.

YESAYA 9:16

Bangusa boito malomaahe iimanilio wau loruusa wau ngoa̒amila loi̒ya limongolio moleeto. Sababu uito towolota lomongo bohulotau diialuo penu boli ngotaa mao̒ yilopato lo Eeya. Tio diila lodehu hilao tomongo janda wau tadidu otiilo otiyamo. Bo Eeya donggo muluka wau debo mohukuumani.

YEREMIA 19:8

Wau̒ mamopo dungga mai baala u moo̒tihela hapato ode yitaato kota botie tilinggula timii̒du taa u lumaodeo̒ teto maa ooheaalo wau timihela hapato.

YEREMIA 25:18

Yerusalemu wau ngoa̒amila kota to Yehuda, pee̒-pee̒enta wolo mongo olongia wau tahidihuma pantungo lipulio, yilohia lowatia angguru boito, tilingggula timongolio lowali debo odelo huta datahu wau luasi daa̒ udelita wau moo̒tihela hapato. Tunggula to dulahee botia tangguli mongolio pilomake odelo laa̒anati.

YEREMIA 25:9

‘Wau̒ mamotiangai ngoa̒amila bangusa monto tilayo, wau olo wato-U̒, tei Nebukadnejar olongia lo Babel. Timongolio maa̒mbuwo-U̒ u mopaatea moluwali Yehuda wau ulipulio boli ngoa̒amila bangusa to palitio. Bangusa lo Yehuda wolo babaa-ngusawalo to tiheedio mapobinasaa-U̒ wau poluli-U̒ mao̒ moa̒ntulu u ohiheolo mao̒. Tau-tauwalo tamoo̒onto mao̒oheaalo wau molaasa timihela hapato. Wau̒, Eeya, malo tahuda mai.

YEREMIA 29:18

Timongolio mayila-yilapita-U̒ wolo popaatea, polobiti, wau wembelo lo ngongoto tilinggula ngoa̒amila bangusa to ngoilanggubu dunia mamolaasa timihela hapato moo̒onto owowoluwoa limongolio. Penu boli tou̒toonu pobubuu-alaa-U̒ timongolio, wau tau mamolaasa timihela hapato wau moohe moo̒onto wolo u malotoduo mai woli mongolio. Timongolio mahenteo̒lio, wau tangguli mongolio pomakelio odelo laa̒anati.

YEREMIA 51:51

Timongoli hemoloi̒ya, ‘Timongoli hilinaalio wau piloo̒olitio; ami iloolia lobaya sababu tau-tauwalo deli helo tihuloa̒a to huhuu-waliyaalo hulinta u mantali todelomo Bele lo Eeya.’

YEREMIA 7:24

Bo timongolio diila lohuto lodungohu wau diila lohuto lopoo̒tuoto. Timongolio tumbao̒ helo dudua̒ u otohilaa limongolio lohihilao u baaa̒ngiolo wau u moleeto boito. Timongolio diila lowali lopiohu bo lebe loleetao̒.

HIYONGO MOPOILAALO SUUSA 5:1

Eelailo mai, yaa Eeya, wolo u lotoduo to mongowatotia. Bilohilo mai mongowatotia, tontongilo mai ohihina lo mongowatotia.

YEHESKIEL 39:26

Wonu timongolio muli motibiluloa̒ wolo duo̒-duo̒oto tolipu limongolio lohihilao, wau diaaluo penu boli ngotaa mao̒ tamo nganjamu olimongolio, yi timongolio mamolipata woloolo mola timongolio mapiloo̒o-litio sababu lohiyanati ola-U̒.

DANIALI 9:16

Eeya malo poduulua to mongowatotia tojamani muloololio mai, sababu uito diilalo mao̒ mulukai Yerusalemu, kota lo Eeya lohihilao, huludu Eeya u mantali. Masababu dusa lo mongowatotia wau ololeeto li nenemoya lo mongowatotia, yi ngoa̒amila taa u topalito lo mongowatotia momilohe dupa-dupapa Yerusalemu wau to umati lo Eeya.

HOSEA 12:14

Eeya longuutusi ngotaalio lo nabi u lodelo tau lo Isirai̒lu yilumualao̒ lonto polowato to Masiri, wau mota lodaha mao̒ olimongolio.

HOSEA 5:11

Isirai̒lu madeehelio; tio mao̒olia lohaku tohutalio, sababu tio baaa̒ngiola u hemei̒ tulungi to tao̒tutuulio mao̒ diila moo̒ tulungi olio.

MIKHA 2:6

Tau-tauwalo hipo hutubawa odelaatia, ualio mao̒, “Diila mao̒ pohutuba tomimbihu ngoa̒amilalo boito. Ami diila tamoo̒tapu mai wolito.

MIKHA 6:13

Botia Wau̒ molumula molotaa̒ wau mongantulu olimongoli sababu duduu-saamu.

WAHI 2:20

Bo utie kabalaatani-U̒ olimongoli: Timongoli helongohi hilao toli Ijebel, talongaku taabua tailahula mai lo Allahu Taa̒ala boito. Madilaata mongo wato-U̒ tai̒laa-kaliilio wau ilajaliilio u helohutu huloto wau lolamelo ua̒alo umaa pilodewo ode balaahala.