MIKHA 6:12 - KITABI HABARI MOPIOHE

¹² Tau-tauwalo tahi kayawa to kotamu hemodeehe taa mosikini, wau timongoli ngoa̒amila moohimbuloa.

MIKHA 6:12 ပူးပေါင်းရင်းမြစ်များ

JABURU 120:2

Yaa Eeya, ambunguolo poa̒ahuwalo mai watotia monto tamoo-himbuloa wau tamoo-ngaakalia.

JABURU 35:20

Bisala limongolio diila wolo mopiohe hale wau moa̒anga; timongolio bo hemo ranjana u mohimbulo totaa hitumula lou̒ mopiohu wau dame.

JABURU 78:36

Bo timongolio helo himbulo to Eeya, tataa-heyaalo limongolio wimbulo ngoa̒amilalo.

YESAYA 1:23

Mongo tau̒wamu tamoo-malakalaawa wau wakili lo tamootao̒wa; timongolio mohuto mololimo palaseni wau doi sooloi̒. Timongolio diila mohuto mopoduulua tadidu otiilo otiyamo to bubutoo̒; diila mohuto modungohe dudulohu lomongo janda.

YESAYA 3:8

Otutu, Yerusalemu malodehu! Yehuda malo aantulu Sababu totoonulalo loi̒ya wau huhutu limongolio moluwali to Eeya wau moteehengi okokawasaa-Lio.

YESAYA 5:7

Sababu ilengi angguru lo Eeya Taa Laba-labaalo kawasa yito umati lo Isirai̒lu, wau tau-tauwalo Yehuda yito bungo lo angguru u pilomulo-Lio. Monto olimongolio Eeya mohaalapu ua̒adili, bo woluo wambao̒ diila omanusia. Eeya mohaalapu olimongolio mopolaio̒ u otutu, bo woluo wambao̒ wuwaatio̒ mohile ua̒adili.

YEREMIA 9:8

Loloo-iyaalo limongolio laba-labaalo moo̒topotala, mambo momate mateelo mao̒ debo odelo pana obisa. Lalaa-paliyaalo limongolio wimbulo ngoa̒amilalo. Loloo-iyaalo limongolio mopiohu moa̒anga, bo tutuulio tutu timongolio hemolaala taalo.

HOSEA 7:1

Eeya lotahuda mai, “Timii̒du Wau̒ ohilaa mopoo̒luli mai umati-U̒ Isirai̒lu wau moponguli mao̒ owowoluwoa limongolio, yi u iloontonga-U̒ bo ololeeto wambai̒o wau dusa limongolio. Timongolio tinggai hemo hihiimbuloa, timongolio tumuwotao̒ ode bele lotau u motao̒, wau timongolio hemo lambata to dadaa-lalaala.

HOSEA 7:13

Tilopotala timongolio, sababu timongolio malo lolaa ola-U̒. Timongolio mamoa̒ntulu sababu malo luwali ola-U̒. Wau̒ ohilaa mopoa̒ahu olimongolio, bo ibaadati limongolio paaluti ngoa̒amilalo.

AMOS 2:4

Eeya lotahuda, “Taulo Yehuda mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio helo lambanga papaa-lentaa-U̒ wau diila lomandungi popoo-ngaajali-U̒. Timongoilo pilopo lapalo lo ila-ila wewo u hetuboo loluuhuru limongolio.

AMOS 6:4

Matilopotala timongoli tahi balata toitaato heheetule u ngoa̒amilalo dadaata wau helo potihunggu wolo tapu losapi wau himba u buboto!

JEPANYA 1:9

Wau̒ mamo hukuumani ngoa̒amila taa u hemo ibaadati debo odelo taa udiila motota ola-U̒, wau tamotao̒ boli momate mate-mateelo mao̒ u mopoo̒polu bele lituani limongolio wolo babaa-langiyalo yilambata.”

JEPANYA 3:3

Taduduulaa̒ lokota boito debo odelo singa u hemo heuwanga. Mongo hakimulio debo odelo sasaa-rigalaalo upola-polaango; timongolio mangowa daa̒ tilinggula penu boli tulalo ngoputu mao̒ diaaluo u leitolaa duo̒lo loombulio mola.

WUNGGULI LOMONGO RASULU 24:9

Tau-tauwalo Yahudi mota teto olo lodudua̒ lopotulude olei Paulus wau helo poo̒tutuwolo mao̒ ngoa̒amila uiloi̒ya lei Tertulus.

ROMA 3:13

Bunggohi mongolio odelo kuubulu uilonganga. Wimbulo u hidala-dalaala tumolohu monto dila limongolio, wau biihu limongolio wambao̒ hemo pomukao̒ pitana, debo odelo bisa lotulidu.