MIKHA 5:8 - KITABI HABARI MOPIOHE

⁸ Isirai̒lu mamopo olaaheo̒ mumuu-suulio wau mopoa̒ntulu olimongolio ngoa̒amila.

MIKHA 5:8 ပူးပေါင်းရင်းမြစ်များ

ILOOWALI 49:9

Tei Yehuda debo odelo singa buboto; tio momate mateelo mao̒ mangusaalio, lapatao̒ muli mohualinga ode beelealio; tio mopotoi̒toi̒ tulusi motibalata, wau diaaluo penu ngotaa mao̒ tabuheeli momuyu olio.

JABURU 104:20

Wonu Eeya mopo tuhutai modio̒lomo, dulahu mowali hui, wau ngoa̒amila binatangi lo oa̒ayua, bolo hinao̒wa meaalo hitambota ode utoonulalo mao̒.

JABURU 44:5

Eeyaalo Olongia lo watotia wau Allahu Taa̒ala lowatia, talongohi mai u loo̒haama to umati lo Eeya.

JABURU 50:22

Poo̒tuotilo, timongoli tahemo lipata to Allahu Taa̒ala; poo̒dahailo diila bolo pobinasaa-U̒ mai timongoli, wau diaaluo tamopoa̒ahu.

POHUMAYA 30:30

Singa, binatangi molotolo daa̒ towolota lo totoonulalo binatangi wau diiila moohe penu boli loolo;

YESAYA 5:29

Mongo pajulelio moheuwanga debo odelo singa u boheeli lodangapo mangusaalio, lapatao̒ pilotetei̒o, wau diaaluo tamowali molopatao̒.

YEHESKIEL 39:10

Oditolio timongolio diila palalu mohimoa̒ ayu podiio̒ to halabolu meaalo motiboto ayu to oa̒ayua, sababu titii-ngolowalo u tilolaalio mao̒ boito odito daatalio u podiio̒. Timongolio mamolambata wau moheehu halata lotau-tauwalo tamalo lambata wau loheebu halata limongolio. Wau̒, Eeya Taa Laba-labaalo molanggato malo tahuda mai.”

HOSEA 5:14

Debo odelo singa moluhu, odi-odieelo mola Wau̒ mamoluhu taulo Isirai̒lu wau Yehuda. Wau̒ lohihilao tamamo nganta-ngantanga olimongolio, lapatao̒ tolaa-U̒ mao̒. Wau̒ modedea̒ olimongolio monao̒, diaaluo penu boli ngotaa mao̒ tamoo̒ lopata olimongolio.

MIKHA 2:12

Eeya luli lotahuda mai, “Wuu umati lo Isirai̒lu tadonggo ilolabita! Timongoli tantu maa̒mbuwo-U̒ wau potuwauwo-U̒ debo odelo himba u lohualingai ode lantungalio. Debo odelo huta luasi u pilobutua lo huo̒yoto upolu-polu wolo himba, oditolo olo lipumu mamuli mopolu mai wolo taa dadaata.

MIKHA 4:13

Eeya lotahuda, “Wuu u lipu lo Yerusalemu, ponao̒olo wau lumbetai̒ mao̒ musu-musumu! Wau̒ maa mopowali mai olimongolio molotoolo debo odelo sapi u o tunge wate wau o luo̒be tombaha. Timongoli maa mopoa̒antulu dadaata bangusa, wau okokaya umotapu mao̒ limongolio monto yilambato maa podewo limongoli ola-U̒, Eeya ngoilanggubu aalamu.”

MIKHA 4:7

Timongolio mapilopo lupuhu-Lio wau molamingo monto kambungu pilohuluta loduhulio. Bo, monto tau-tauwalo tahe ilolabita boito Wau̒ mamo lumulao̒ tuwaulio lowali mai u bohu. Timongolio mamowali bangusa u leidaa̒ wau molotolo. Wau̒ mamo malenta olimongolio to Huludu Sion tunggula ohiheo-hiheolo mao̒.”

MIKHA 5:3

Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

JAKARIA 10:5

Ulipu lo Yehuda mamoo̒haama debo odelo tahi pohipatea u molumbe-lumbetaa̒ musu odelo latao̒ todalalo. Timongolio mamohipate sababu Wau̒, Eeya momantu olimongolio, wau pasuukani lomusu tahitae̒ya towadala mao̒laahe limongolio ngoa̒amila.

JAKARIA 11:6

Wau̒ diilalo mohuto molaasa odehu hilao penu boli olita tolipu botie. Wau̒ lohihilao mamohudu ngoilanggubu tuango lipulio ode tahi kawaasawa. Timongolio boito mamopo aantulu lipu botie, wau Wau̒ diila tamohama monto okokawasa limongolio.”

JAKARIA 12:3

Bo wonubolo dulahee boito meidungga, Wau̒ mamohutu mao̒ Yerusalemu debo odelo botu u mobuheeto; wau penu boli bangusa toonu tamo himontala momintao̒ mamoo̒tapu topotala. Ngoa̒amila bangusa todunia mamo tituwau u moluhu Yerusalemu.

JAKARIA 14:18

Wau wonu tau lo Masiri diila mohuto moporame Potihunggu Wombohe Duungo, yi timongolio olo matembaa lo ngongoto u pilopo dungga lo Eeya ode timii̒du bangusa tadiila mohuto monao̒ motabia.

JAKARIA 9:15

Umati-Lio tantu wohia-Lio poloduo̒lo, tilinggula totoonulalo musu olaahe limongolio. Debo odelo tingalao̒ lotaa u hihuwoa̒ lo minumani, oditolo olo tingalao̒ limongolio todelomo polotuuhua. Odelo duhu lobake u bilangguwato ode yitaato lomesba, odieelo mola duhu lomusu limongolio.

MALEAKHI 4:3

To dulahee boito Wau̒ mamohutu mai, wau timongoli mamopo olaaheo̒ tau-tauwalo tahileeta, tilinggula timongolio debo odelo peaahuo̒ u yilu-yilumbetaa̒ limongoli.

YIA̒APO 24:9

Bangusa boito debo odelo singa ulai̒ wau singa bilango, u hidambaa̒ wau hiluu̒ta. Tatoonu tabuheeli mopobongu mao̒ olio? Pohileaala dua̒ taa mobalakati olemu balakatialio, wau taa molaa̒nati olemu laa̒natialio.”

MATIUSI 10:14

Wonu woluo bele meaanto kota udiila mohuto mololimo olimongoli, meaanto diila mohuto modungohe olimongoli, tolailo tambati boito wau pongee̒ya mao̒ peaahuo̒ monto paladu oa̒atumu.

WUNGGULI LOMONGO RASULU 18:6

Bo sababu tau-tauwala tulusi wambao̒ hemo tehengi wau hemo hentea̒ olio, yi tei Paulus lopongee̒ peaahuo̒ lonto boo̒lio odelo tuoto u mopoe̒ela totala limongolio. Tio loloi̒ya, “Wonu timongoli topotala, tingga totala limongoli lohihilao! Diila otaawau̒! Tumulalo mai botia wau̒ mamonao̒ ode tau-tauwalo tadiila Yahudi.”

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.