MIKHA 5:4 - KITABI HABARI MOPIOHE

^4-5 wau Tio mamo pohabari ududame. Wonu bolo suludadu lo Asyur moluhu mai lipunto wau mongantulu bintenginto, ito mamongambu mai mongo tau̒wanto tahi lotola daa̒ u moluhu olimongolio. Mongo tau̒wanto boito mamopo olaaheo̒ Asyur wolo olootolo tingolo, wau mopoa̒ahu olanto monto uluu̒ limongolio.

MIKHA 5:4 ပူးပေါင်းရင်းမြစ်များ

JABURU 145:12

alihu ngoa̒amila tau motota huhutu lo Eeya u udaa̒, wau yilaidia lo Eeya u molamahu wau motinelo.

JABURU 22:27

Taa mosikini mamolamelo tunggula mobutuhu; taa u monao̒ mai ode Eeya mamomuji mola to Eeya. Pohileaala dua̒ timongoli aamani sontosa wau maa̒muru ohihieo-hiheolo mao̒!

JABURU 72:19

Ilopujiaalo mola tanggu-Lio u udaa̒ ohiheo-hiheolo mao̒; pohileaala dua̒ ngoilanggubu dunia mopolu mai wolo omumulia-Lio! Powaliilo mola odito. Amin!

JABURU 72:8

Yilaidialio mamoluasi monto deheto ode deheto, bua̒bua̒de monto tiimuru demola otolopa.

JABURU 93:1

Eeya yito Olongia; Eeya pakepake odudaa̒ wau olootolo. Dunia tihu-tihulo motoheto diila mowali moe̒etu.

JABURU 98:3

Eeya loe̒elai ponu wau otatapu wau molotolo hilao lo Eeya to Isirai̒lu, umati lo Eeya. Ngoa̒amila bangusa to ngoilanggubu dunia maloo̒onto ohohaama lo Allahu Taa̒alanto.

PILOTIMUA̒TA 23:21

Poo̒tuota mao̒ wau dungohilo tio. Diila pomalakala wolio sababu tio utoliya-U̒, wau tio diila tamo ngambungu totalaamu.

YESAYA 45:22

Wuu, ngoilanggubu tuango dunia, pomalingolo mai de Olau̒ alihu timongoli poa̒ahuwolo, sababu bo Wau̒ulo Allahu Taa̒ala, diaaluo uwewo!

YESAYA 49:5

Tou̒ diipo pilotutulio mai, watia tiliango Eeya lowali wato-Lio, u mongambu umati lo Isirai̒lu, alihu timongolio muli mohualinga ode Eeya. Eeya lopowali mai olaatia huru-hurumati, Allahu Taa̒ala yito olootolo watia.

YESAYA 52:10

Eeya lopobilohei okokawasaa-Lio totalu lomato totoonulalo bangusa. Yi ngoilanggubu dunia mamosakusi osalaamati monto Allahu Taa̒alanto.

YESAYA 52:13

Eeya lotahuda mai, “Tutuulio tutu, wato-U̒ mao̒haasili; tio mapuji-pujiolio wau polaio̒lio.

YESAYA 8:7

Sababu uito Wau̒, Eeya, mamopo dungga mai oli olongia lo Asyur wau ngoa̒amila suludadulio u moluhu Yehuda. Timongolio mamomaju debo odelo taluhu Dutulaa Eprat u malo limba-limbato u molemba bibii-nggilio.

MIKHA 7:14

Yaa Eeya, himbalai mai umati lo Eeya, umati tilulaoto Eeya. Timongolio bilu-biluloa̒ tihitihi to oa̒ayua polodu, tohuungo huta u molomiodu. Huliilo mao̒ timongolio moo̒tapu ua̒alo tohuta datahu wau luasi u pilobutua lo huo̒yoto lo Basyan wau to Gilead debo odelo tojamani muloololio mai.

JAKARIA 13:7

Eeya Taa Laba-labaalo kawasa lotahuda, “Pobongulo mola, wuu wamilo, wau tuhuwalo diiti tahe mokalaja duo̒lo-U̒! Pateaalo tio mate-mateelo mao̒, yi hihii-mbaawaalo mamo bubuua̒yawa. Wau̒ mamoluhu umati-U̒,

JAKARIA 9:10

Eeya lotahuda, “Kakaa-letawaalo popaatea monto Epraim maloopuwo-U̒, ngoa̒amila wadala to Yerusalemu maloopuwo-U̒ wau ngoa̒amila pana maa antuluwo-U̒. Ti olongiamu mamopo malalumu polodame towolota lo babaa-ngusawalo. Monto deheto ode deheto Tio mao̒kawasa, monto dutulaa Eprat demola huudu dunia.”

MALEAKHI 1:5

Bangusa lo Isirai̒lu mamoo̒onto mao̒ lohihialo, wau moloi̒ya, “Otutu udaa̒alo Eeya; okokawasaa-Lio demola to bulemengo huta lo Isirai̒lu!”

MATIUSI 16:18

Sababu uito ototai mao̒, yio̒ botie tei Petrus, botu u motoheeto. Wau toitaato wumbato botu botieelo Wau̒ mamomongu mao̒ galeja-U̒, udiila mowali olaahe; penu boli lomautu!

MATIUSI 2:6

‘Yio̒ Betlehemu, tolipu lo Yehuda, yio̒ sama-samaata diila pulito ukikiio̒ towolota lo kokoo-tawaalo upolohuna daa̒ to Yehuda. Sababu monto olemu mamei dungga mai tau̒wa ngota tamamo titau̒wa to umati-U̒ Isirai̒lu.’ ”

MATIUSI 25:31

“Wonu bolo Walao̒ Manusia meidungga odelo Olongia dedeeloa mai wolo ngoa̒amila malai̒kati-Lio, Tio mamo tihuloa̒a toitaato tambati huhuloaa-Lio u lailaio̒.

LUKASI 1:32

Tio mamowali udaa̒ wau maunteelo Walao̒ Allahu Taa̒ala Taa Laba-labaalo molanggato. Eeya Allahu Taa̒ala mamopowali o-Lio olongia debo odelo ti Olongia Dauda, nene moyalio.

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 20:17

“Diila mao̒ dihima Wau̒,” tahuda li Isa olio, “Sababu Wau̒ diipo lobotula mola odeli Paapa. Bo ponao̒lo mota ode mongo wutatu-U̒, wau polelea mao̒ olimongolio deu̒ botia Wau̒ mamo botula mola odeli Paapa-U̒ wau odeli Paapamu, Allahu Taa̒ala-U̒ wau Allahu Taa̒alamu.”

EPESUS 1:3

Ilopujialo mola Allahu Taa̒ala, ti Paapa Eeyanto Isa Almasi! Tio labalakati mai olanto wolo totoonulalo balakati rohu todelomo sologa, sababu ito lotituwau woli Almasi.

1 PETRUS 1:5

Ngoa̒amilalo boito yito ode limongoli sababu timongoli palacaya to Allahu Taa̒ala. Yi timongoli dilaha-Lio wolo kawasa lo Allahu Taa̒ala alihu timongoli mololimo oa̒ahu udapa-dapato poilaaloolo de topulito lojamani.

YUDAS 1:1

Mongo wutato tamaa tiliango wau tapilonua daa̒ lo Allahu Taa̒ala ti Paapa, wau dilaaha duo̒li Isa Almasi. Odelo wato li Isa Almasi watia – Yudas – wutatee Yakobus,

WAHI 11:15

Lapatao̒ malai̒kati opitulio lohiipo torompetilio, yi tosologa dungo-dungohei susuu-walaalo moo̒ohuu̒ daa̒ u loloi̒ya, “Okokawasa u momalenta dunia botia woluo todelomo uluu̒ lo Eeyaanto wau Olongia Tamoo-poa̒ahua upilo danti-Lio mai. Tio mamo malenta u ohiheo-hiheolo mao̒!”