MIKHA 5:3 - KITABI HABARI MOPIOHE

³ Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

MIKHA 5:3 ပူးပေါင်းရင်းမြစ်များ

BOHULO MONGO OLONGIA 14:16

Eeya mamololaa mao̒ Isirai̒lu sababu tei Yerobeam mailodusa wau heloo̒ sababu olo taulo Isirai̒lu ilodusa.”

OLUO TAWARI 30:7

Diila mao̒ pohutua debo odelo u hepilohutu loluuhurumu wau tau-tauwalo Isirai̒lu wewo tadiila tatapu wau molotolo hilao to Eeya Allahu Taa̒ala limongolio. Timongoli maloo̒onto lohihilao woloolo mola buheetio Eeya helo hukuumani mai olimongolio.

JABURU 67:3

Yaa Allahu Taa̒ala, pohileaala dua̒ kahandaki lo Eeya otaawa lo ngoilanggubu dunia, wau oa̒ahu lo Eeya poi̒laalo mai towolota lo ngoa̒amila bangusa.

YESAYA 11:11

To dulahee boito Eeya muli pee̒entapo mopohuna okokawasaa-Lio wau modelo mohualingo umati-Lio tai̒lo labita to Asyur wau Masiri, to lilii-puwaalo Patros, Sudan wau Elam, to Babel, Hamat wau pupuu-lauwaalo u molamingo.

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YEREMIA 23:5

Eeya lotahuda mai, “Mamei dungga wakutuulio, Wau̒ mamomudua̒a ngotaalio li olongia taa̒adili monto wali mai lei Dauda. Olongia boito mamomalenta, wau moponao̒ u aadili wau otutu to ngoilanggubu lipu.

YEREMIA 31:1

Eeya lotahuda mai, “Mamei dungga wakutuulio Wau̒ mamowali Allahu Taa̒ala lo ngoa̒amila suku lo Isirai̒lu, wau timongolio mowali umati-U̒.

YEHESKIEL 34:16

U mooli malolohu-U̒, u yilapalo madeloo-U̒ mohualingo, u pilalio mapolo baniyo-U̒, u mongongoto mawunemo-U̒, bo u molingohu wau molotolo mapo binasa-U̒, sababu Wau̒ diiti tamohutu mai wolo u mopiohu.

HOSEA 11:8

Eeya lotahuda mai, “Wuu Isirai̒lu, diila pongalo aakali yio̒ poluli-U̒ meaalo tolaa-U̒. Tingga mowali yio̒ antuluwo-U̒ debo odelo tei Adma? Meaalo pohutuwo-U̒ debo odelo tei Jeboim? Diila owalia lo hilaa-U̒ mohutu mao̒ sua̒li boito, sababu ponu-U̒ udaa̒ tutu olemu!

HOSEA 2:14

Eeya lotahuda mai, “Sababu uito Wau̒ mamodelo olio ode huta datahu wau luasi u delita; mola teto tio mapiyoo-U̒ wolo tataa-heyaalo ohilaa.

HOSEA 2:9

Sababu uito, tosembo pongotolalo Wau̒ mamuli mopotouli wowohi-U̒, deu̒yito-yito pale wau angguru wau kaingi lambuto binatangi u moa̒aluti boli kaingi lineni uilohi-U̒ olio duo̒lo pakeyangilio.

AMOS 5:15

Lonui̒ilo u moleeto wau tolia̒ngiilo u mopiohe, wau potihulaalo u aadili. Otanu Eeya modehu hilao totau-totauwalo tahe ilolabita monto bangusa lo Isirai̒lu.

MIKHA 4:4

Timii̒du tau matumumulo aamani wau salaamati tohuungo ilengi lo angguru wau ileengi lo aralio; diaaluo tamo poo̒ohe-oohe olio, uitolo danti lo Eeya Taa Laba-labaalo kawasa.

MIKHA 4:7

Timongolio mapilopo lupuhu-Lio wau molamingo monto kambungu pilohuluta loduhulio. Bo, monto tau-tauwalo tahe ilolabita boito Wau̒ mamo lumulao̒ tuwaulio lowali mai u bohu. Timongolio mamowali bangusa u leidaa̒ wau molotolo. Wau̒ mamo malenta olimongolio to Huludu Sion tunggula ohiheo-hiheolo mao̒.”

MIKHA 5:7

Taulo Isirai̒lu tadonggo hibiluloa̒wa towolota lo babaa-ngusawalo madebo odelo singa tohuungo lo bibii-natangiyalo to oa̒ayua meaalo to huungo himbala himba tohuta datahu wau luasi u pilobutua lo huo̒yoto. Singa boito tilumuwota tohuungo himbala himba boito sambela lolumbe-lumbetaa̒ wau longanta-ngantanga; diaaluo taa lowali lolopata hihii-mbawaalo boito.

MIKHA 5:8

Isirai̒lu mamopo olaaheo̒ mumuu-suulio wau mopoa̒ntulu olimongolio ngoa̒amila.

MIKHA 6:14

Timongoli mamo lamela, bo diila mowali mobutuhu – tumbao̒ debo pola-polaango. Timongoli mamomintaa̒ babaa-langiyalo, bo diila mowali mopoa̒amani mao̒. Penu boli wolo wambao̒ u poa̒amani mao̒ limongoli maa̒ntuluwo-U̒ todelomo popaatea.

MIKHA 7:13

Bo dunia mamowali diilalo pobutua lo pilomulo sababu ololeeto lo ulipulio.

JAKARIA 10:6

“Ulipu lo Yehuda mapoo̒ lotolu-U̒, umati lo Isirai̒lu mapoa̒ahuwo-U̒. Deloo-U̒ timongolio muli mohualinga ode lipulio sababu Wau̒ momonu olimongolio. Mapohutuwo-U̒ timongolio debo odelo bangusa tadiila pee̒enta mao̒ pilaahu-U̒. Wau̒ulo Eeya Allahu Taa̒ala limongolio, ngoa̒amila dua̒alio mamuli poo̒tuoto-U̒.

MATIUSI 1:21

Ti Maria mamotutu mai talolai̒ kikiia̒ ngota. Talolai̒ boito musi unteemu mao̒ Isa, sababu Tio mamopoa̒ahu umati-Lio monto duduu-sawaalo limongolio.”

MATIUSI 12:50

Taa moponao̒ kahandaki li Paapa-U̒ tosologa, tio-tiolo wutatu-U̒ talolai̒, wau wutatu-U̒ taabua, wau tiila-U̒.”

MATIUSI 25:40

Ti Olongia boito mamo lametai, ‘Ototai mao̒: tou̒ timongoli mohutu mao̒ sua̒li boito, eleponu ode tala ngota lomongo wutatu-U̒ taahina daa̒, boliilio mao̒ timongoli malohutu uito ode ola-U̒!’

ROMA 8:29

Timongolio tamaa tilulaoto Allahu Taa̒ala, matilantu-Lio olo lonto bohulio u lowali ngolupa wolo Wala-I̒o, deu̒ito-yito ti Isa Almasi. Lou̒ odito Walao̒ boito lowali tabohulio towolota lomongo wutato dadaata.