MIKHA 5:1 - KITABI HABARI MOPIOHE

¹ Eeya lotahuda, “Wuu Betlehemu Eprata, yio̒ tala tuwau lo kota u pulito kikiio̒ to Yehuda! Bo monto olemu mabongulo-U̒ mai ngotaalio takaawasa duo̒lo Isirai̒lu tawaliilio monto muloololio daa̒.”

MIKHA 5:1 ပူးပေါင်းရင်းမြစ်များ

ILOOWALI 35:19

Lapatao̒ ti Rahel yilate mao̒, mailobungio tio totili lodalalo udulu-dulunga ode Eprata, u masaatia ilunte Betlehemu.

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

BOHULO MONGO OLONGIA 22:24

Yi lomajulo ti Nabi Jedekia lohimbideo̒ olei Mikha wau lolambali bayalio wau loloi̒ya mao̒, “Diila pongalo aakali Rohu lo Eeya mololaa mao̒ olau̒ wau mobisala mai ode olemu?”

OLUO MONGO OLONGIA 24:2

Eeya helolao mai mongo woomboa otingolo lonto bangusa lo Babel, Siria, Moab wau Amon u loluwali olei Yoyakim wau helo pobinasa Yehuda, lotuuu̒de lou̒ wolo u mapilo tahuda-Lio mai lotimbulude tomongo nabi mongo wato-Lio.

AYUBA 16:10

Tau-tauwalo hipohentea̒ olau̒ wolo ngango daa̒; wau̒ hepilo paatealio wau tilambalilio putongiu̒.

POHUMAYA 8:23

Wau̒ pilohutu lo Eeya tobohulo jamani, to bohulio, tou̒ dunia diipo pilopowali mai.

YESAYA 10:6

Wau̒ lolao Asyur u loluhu bangusaa-U̒ talomaahe iimanilio wau taloo̒ muluka ola-U̒. Wau̒ lolao Asyur u lolambato wau lotao̒ boli helo lumbe-lumbetaa̒ bangusaa-U̒ debo odelo peaahuo̒ todalalo.”

YESAYA 33:22

Ngoa̒amila powimumuto to kaapali limongolio diila ohunalio; laalaa-yahulio diila mowali bua̒dulo! ngoa̒amila okokaya pasuukani lomusu malambatonto, wau jumulaalio dadaata daa̒, tilinggula taa diila mowali monao̒ olo moo̒tapu tayadu. Eeya lohihilao mamowali olongiaanto; Eeya mamomalenta, mopolaio̒ butoo̒ wau mopoa̒ahu olanto monto musu.

YESAYA 8:9

Potia̒ambulo wolo hulu-huluhelio, wuu ngoa̒amila bangusa! Podungohulo wuu huhuudio lo dunia! Potidapatolo u mopaatea, bo hilaa u hulu-huluhelio! Ooo̒, potidapa-dapatolo, bo wolo raasa hulu-huluhelio!

YESAYA 9:5

Ngotaalio lowalao̒ mapilotutu mai ode olanto; ito yilohia-Lio ngotaalio lowalao̒ talolai̒. Tio mamowali tau̒wanto. Tio iluntee: “Tamoo-nasehatia Molinepo”, “Allahu Taa̒ala Tamolotolo boli Buheli Daa̒”, “Paapa Ohiheo-hiheolo mao̒”, “Olongia Dame”.

YEREMIA 25:9

‘Wau̒ mamotiangai ngoa̒amila bangusa monto tilayo, wau olo wato-U̒, tei Nebukadnejar olongia lo Babel. Timongolio maa̒mbuwo-U̒ u mopaatea moluwali Yehuda wau ulipulio boli ngoa̒amila bangusa to palitio. Bangusa lo Yehuda wolo babaa-ngusawalo to tiheedio mapobinasaa-U̒ wau poluli-U̒ mao̒ moa̒ntulu u ohiheolo mao̒. Tau-tauwalo tamoo̒onto mao̒oheaalo wau molaasa timihela hapato. Wau̒, Eeya, malo tahuda mai.

YEREMIA 4:7

Debo odelo singa yilumualai lonto pilotituua̒lio odito olo malo monggato tamoo-ngantulua babaa-ngusawalo talonao̒ mai ohilaa mopobinasa Yehuda. Kokoo-tawaalo Yehuda mamowali tuodu tambati udiila potibiluloa̒ lotau.

HIYONGO MOPOILAALO SUUSA 3:30

Eleponu tambaliyalo wau hinaalo, paatutilio ngoa̒amilalo boito tolimoonto.

YEHESKIEL 21:32

Timongoli mamopulito maahu lotulu. Duhumu mamo bangguwato to lipumu lohihilao, wau diaaluo penu boli ngotaa mao̒ tadonggo moe̒ela olemu. Wau̒ Eeya malo tahuda mai.’ ”

YEHESKIEL 24:2

“Wuu manusia panaa, tuladee mao̒ taanggali to dulahee botie, sababu to dulahee botie ti olongia lo Babel mamomala Yerusalemu.

DANIALI 9:25

Tuladeelo wau pahamualo utie: Poo̒opitu piu̒wa pitu lotaunu mola mamopaluto, tumulalo mai tou̒ yilualio palenta u muli momongu Yerusalemu, tunggula meidungga mai ngotaalio tau̒wa tatulaoto lo Allahu Taa̒ala. Ngotilonggadu poo̒opitu piu̒wa wolomo pulaa dulo taunu mola dadaa-lalaala wau bibii-ntengiyalo lo Yerusalemu mamuli bongulolo, bo tou̒ boito polupolu lou̒ suukali.

YOEL 3:9

Pomala lumualo mola poo̒taa botie ode babaa-ngusawalo: Potidapatolo u mopaatea wau mobaalia lo lotolo! Yimoa̒alo mai tahi tootawa moitohe wamilo wau pahalaawani; ambuwalo mai ngoa̒amila pajule, wau pomajulo!

AMOS 2:3

Takawa-kawasa to Moab wau ngoa̒amila tahidihima pantungo lo pamalentaalio mapatee-U̒ mate-mateelo mao̒.”

HABAKU 1:6

Bangusa lo Babel taneekati wau bongisi boito mapowaliyo-U̒ bangusa tao̒kawasa. Timongolio motibaalisi lumualai monto lipulio wau molontale ngoilanggubu dunia u mopo taa̒aluku babaa-ngusawalo wewo.

HABAKU 3:16

Modungohe uito hilaa lowatotia lime-limeelo wau biihu lowatotia hulu-huluhelio. Watotia lowali lolulupuhu diila olootolo, oa̒ato lowatotia leiteduo̒, penu boli ode utoonu ponao̒wa lowatotia. Watotia mamohima wolo duo̒duo̒oto hukuumani lo Allahu Taa̒ala lo tahi poluhua.

MATIUSI 26:67

Lapatao̒ timongolio lonula mao̒ loiyohu tobaya li Isa, wau lomate o-Lio. Woluo olo tahe lolambali o-Lio,

MATIUSI 27:30

Timongolio lonula mao̒ loiyohu o-Lio, tulusi lohama tunggudu boito, lapatao̒ pilo mobohio tolunggo-Ngio.

MATIUSI 5:39

Bo botia potahuda-U̒ mai olimongoli: diila mao̒ poniyati totaau hipohutua u moleeto to olemu. Bolii̒o mao̒ wonu woluo tau molambali putongimu olowala polulia mao̒ tio molambali olo putongimu oloihi.

YAHYA 18:22

Tou̒ ti Isa lotahuda mao̒ odito, tala ngota lo tamoo-kawalia teto, lolambali o-Lio wau loloi̒ya, “Buheli daa̒ Yio̒ mobisala debo odelo uito odeli iimamu daa̒!”

YAHYA 19:3

tulusi wuwuulia timongolio hiponao̒wa mai ode o-Lio wau helo loi̒ya mao̒, “Pomali-tutuo̒lo mola olongia taulo Yahudi!” Lapatao̒ timongolio helo lambali o-Lio.

WUNGGULI LOMONGO RASULU 23:2

Tou̒ tei Paulus loloi̒ya odito, ti Iimamu Daa̒ Ananias lopoa̒hu tau u tilimikulao̒ totili lei Paulus lolambali tunggilee Paulus.

2 KORINTUS 11:20

Timongoli hemo poluli wambao̒ wonu tau mopowato olimongoli, meaalo tahi pohamawa pae̒eda daata daatalo mao̒ monto olimongoli, wau molaasa batanga lebe molaio̒ woli mongoli wau buheli molambali olimongoli.

TINGULI 28:49

Bangusa tuwau udiila opaahamua limongoli bahasaalio mapodungga mai lo Eeya monto huudu dunia mai moluwali olimongoli. Debo odelo bulungi rajawali timongolio mamodehita olimongoli.

TINGULI 33:27

Allahu Taa̒ala ohiheolo mao̒ mowali potiduo̒la limongoli, polooto-Dio u ohiheo-hiheolo mao̒ molumude olimongoli. Tio lopolahi musu lonto talumu, wau lopoa̒hu olimongoli mopobinasa mao̒ olimongolio.

MONGO HAKIMU 17:7

Tou̒ boito olo woluo tabohulotau ngota lonto Lewi. Bohu-bohulio mai tio bilu-biluloa̒ to Betlehemu tomadala lo Yehuda.