MIKHA 4:9 - KITABI HABARI MOPIOHE

⁹ Yilongola yio̒ humoyonga daa̒-daa̒alo mao̒? Yilongola yio̒ modutolo debo odelo taabua tao̒hilaa mopotutu mai? Wolo kalana yio̒ diila o olongia, wau tahipo naseehatia olemu mailate?

MIKHA 4:9 ပူးပေါင်းရင်းမြစ်များ

YESAYA 13:8

Timongolio ngoa̒amila mao̒dungga lo owoohe u moo̒tihela hapato, wau mopohelu-heluto mongongoto debo odelo taabua tadonggo hemopotutu mai. Timongolio matinggai mobibiilohe lou̒ hilawala, bayalio meela sababu moolito.

YESAYA 21:3

Bibilohe boito loo̒lingu olaatia tunggula diila lowali loo̒onto meaambo loo̒dungohe poli. Watia yiloohe wau yilongongoto, debo odelo taabua ngota tadonggo hemolohulo mopotutu mai.

YESAYA 26:17

Debo odelo taabua tamamo potutu mai mopapaa-henga boli mopohelu-heluto wau monguatio̒ mongongoto, odieelo mola amiaatia totalu lo Eeya, yaa Eeya.

YEREMIA 22:23

Timongoli motibiluloa̒ wolo aamani pilalita lo wowoo-lihiyaalo woohu lo Libanon, bo de wonubolo timongoli odungga lo ngongoto, timongoli mamodutolo debo odelo taabua tadonggo hemopotutu mai.”

YEREMIA 30:10

Umati-U̒ Isirai̒lu, diila mao̒ oohe! Wato-U̒ Yako, diila mao̒ pohulu-huluhelio! Timongoli wau walimu mola mapoa̒ahuwo-U̒ monto lipu u molamingo tambati pilotawalo olimongoli. Timongoli mamo hualingai wau motibiluloa̒ to lipumu wolo aamani. Timongoli matumumulo wolo dame; diaaluo u palalu oohe limongoli.

YEREMIA 4:21

Tunggula omolua musi sakusia lowatia tau motuuhua tio̒opatea? Tunggula omolua musi dungohe lowatia tingohu torompeti u moo̒bungolo?

YEREMIA 4:31

Watia loo̒dungohe suala hilimuta debo odelo taabua tao̒hilaa mopotutu mai; debo odelo taabua muda lopotutu mai walai̒o tabohulio, odieelo mola hiyongo lo Yerusalemu u itotoola lo napasiilio. Ului̒o mongaato wau tio lopoi̒laalo suusa, “Matopotala watia – watia mapateelio mate-mateelo mao̒ lomusu!”

YEREMIA 48:41

Kokoo-tawaalo wau bibii-ntengilio mahamaalo wau suludadulio mamoohe debo odelo taabua tao̒hilaa mopotutu mai.

YEREMIA 50:43

Loo̒dungohe habari boito, olongia lo Babel didu olootolo. Tio kiluwaasa lou̒ laasa moohe, wau lodutolo debo odelo taabua tao̒hilaa mopotutu mai.

YEREMIA 8:19

Dungohi! To ngoilanggubu lipu toli-toliyongio suala hiyongo hilimuta moo̒ohuu̒ lobangusa laatia tahi pohintua, “Wolo madiduu̒ poli Eeya to Sion? Tou̒toonu olongialio botia?” Tametai lo Eeya, olongia limongolio, “Yilongola yio̒ losujudu to dedeewaalo u sama-samaata diila ohuna? Yilongola yio̒ lopopalato hilaa-U̒ wolo lolubo babaa-laahalaalo?”

HIYONGO MOPOILAALO SUUSA 4:20

Timongolio loheu̒upa oli olongia tilulaoto Eeya, taa u heyakinia lami odelo tamoo-ngohia tutumulo, wau tamoo-duo̒lawa to laawani.

HOSEA 10:3

Diilalo mohiheo timongolio mamoloi̒ya, “Ito diila o olongia sababu ito diila moohe to Eeya. Wolo hunalio ngotaalio li olongia duo̒lonto?”

HOSEA 13:13

Isirai̒lu ohiyango u tumumulo, bo tio odito mohulodu tilinggula diila pilopohuna hiyangio boito. Tio debo odelo tau̒nge ubolo ngopee̒ mola mapotutu mai bo diila mohuto lumualai monto talomo liilolio.

HOSEA 3:4

Odi-odieelo mola sua̒liilio wolo bangusa lo Isirai̒lu; lohiheo daa̒ timongolio musi tumumula lou̒ diila o olongia meaala tau̒wa, diaaa̒ bake meaala tutuu-guwaalo aulia, diaaa̒ babaa-laahalaalo meaala jijii-matiyaalo u mopoo̒taa mai hitua-tuawua u milakusudu hetuuo̒lo todulahee momooli.

MIKHA 5:3

Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

YAHYA 16:21

Wonu taabua ngota wimbideo̒ motutu mai, tio suusa, sababu maa wakutuulio tio modutolo. Bo odito walai̒o mapilo tutulio mai, taabua boito mamolipato dudutolio sababu meengahu deu̒ tau̒nge ngota mapilo tutulio mai ode delomo dunia.

WAHI 12:2

Taabua boito donggo ombodaa̒, wau sababu mawakutuulio u mopotutu mai, yi tio longuwatio̒ lou̒ mongongoto.