MIKHA 4:8 - KITABI HABARI MOPIOHE

⁸ Wau yio̒ Yerusalemu, tambati lo Allahu Taa̒ala modaha mao̒ umati-Lio debo odelo diti hemodaha himbala lo himbalio, yio̒ mamuli mowali tiilo lokota yilaidiaamu debo odelo muloololio mai.

MIKHA 4:8 ပူးပေါင်းရင်းမြစ်များ

ILOOWALI 35:21

Lapatao̒ uito tei Yako lopo tolonga mola lononao̒lio, tulusi malo potihulao̒ kemalio totambati tuwau u lumaodeo̒ to monala Eder.

OLUO LO SAMUEL 5:7

Tei Dauda loloi̒ya mao̒ to tahidudua̒ olio, “Wolo woluo tewe taa u molonuo̒ to taulo Yebus tutuuwauwa debo odelo wau̒ molonuo̒ olimongolio? Wolo malo odito lonui̒o tilinggula tio ohilaa daa̒ momate olimongolio mate-mateelo mao̒? Wonu odito, tuwotolo molibaya tanggi lotaluhu wau tuhuwalo tahi peenggoa wau pitoo̒ u olonuu̒uu̒ boito.” (Uitolo sababuulio tau loloi̒ya, “Taa pitoo̒ wau taa penggo diila mowali tumuwota ode Bele lo Eeya.”) Tei Dauda loo̒ lambatao̒ biintengi lo Sion wau hiluloa̒lio. Tio longunte mao̒ Sion boito “Kota lei Dauda”. Kota boito bilongulio topalito biintengi boito, tumulalo mao̒ monto ambahu tiimuru lohuludu u pilopo lenggelio mola wolo huta.

JABURU 24:7

Huo̒ilo motangga-tanggaloolo mao̒ hulubangi panggola, alihu tumuwoto Olongia tamolamahu.

JABURU 48:3

Sion, huludu lo Allahu Taa̒ala oontonga lengge-lengge molanggata daa̒ wau molamahu kota li Olongia Daa̒ moe̒engahe to ngoilanggubu dunia.

JABURU 61:3

Molamingo monto bele watotia longiibode mola to Eeya, sababu watotia malo pulito halapani. Eeya mamo depita olo watotia ode tambati poa̒ahuwalo batanga u aamani, tambati ulaba-labaalo molanggato ode watotia;

LAHU MOLAMAHU 4:4

Buloo̒mu debo odelo monala lei Dauda, bilongu u polahuwalo tingolo. Mainamu mohaamawa wolo ngolihu porisai, tunggudu lomongo pahalaawani ngoa̒amilalo.

YESAYA 1:26

Timongoli mamuli wohiya-U̒ mai mongo hakimu wau tamoo-nasehatia debo odelo muloololio mai. Yi Yerusalemu mau̒nteelo kota u aadili wau tatapu molotolo hilao.”

YESAYA 10:32

To dulahee botie musu woluo tokota Nob, wau mola teto timongolio longonggomo buntungi mongolio ode mantahu Huludu Sion, ode kota lo Yerusalemu.

YESAYA 5:2

Tio lomati hutalio wau lolapi bobootulio. Pilomulolio angguru tilulaoto bilongulio monala podahaalo. Kilakudio huango tuwau tambati pohupetalo anggurulio, lapatao̒ tio lohima hungolio loontapo, bo tilapulio hungo lo angguru u molotingo.

DANIALI 2:44

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.

DANIALI 7:18

Bo umati lo Allahu Taa̒ala Taa Laba-labaalo molanggato mamololimo haku u momalenta wau pamalentaalio mamoo̒ taahangi ohiheo-hiheolo mao̒.”

OBAJA 1:21

Ulipu lo Yerusalemu talaito otilapulo mamoluhu Edom wau mopo taa̒aluku mao̒. Yi Wau̒ Eeya mamo malenta odelo olongia.”

MIKHA 2:12

Eeya luli lotahuda mai, “Wuu umati lo Isirai̒lu tadonggo ilolabita! Timongoli tantu maa̒mbuwo-U̒ wau potuwauwo-U̒ debo odelo himba u lohualingai ode lantungalio. Debo odelo huta luasi u pilobutua lo huo̒yoto upolu-polu wolo himba, oditolo olo lipumu mamuli mopolu mai wolo taa dadaata.

JAKARIA 9:10

Eeya lotahuda, “Kakaa-letawaalo popaatea monto Epraim maloopuwo-U̒, ngoa̒amila wadala to Yerusalemu maloopuwo-U̒ wau ngoa̒amila pana maa antuluwo-U̒. Ti olongiamu mamopo malalumu polodame towolota lo babaa-ngusawalo. Monto deheto ode deheto Tio mao̒kawasa, monto dutulaa Eprat demola huudu dunia.”

JAKARIA 9:12

Muli pohualingolo mai wuu tau-tauwala lo polayahu, botia timongoli o halapani. Muli pohualingolo mai ode tambati potiduo̒lamu, Wau̒ maadebo mobalakati mai olimongoli. Dungohiilo: Poo̒oluo piu̒wa timongoli mabalakatiyo-U̒ sababu ngoa̒amila polodutolo u mai̒lo laasawa limongoli.

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

YIA̒APO 24:19

Monto olei Yako malumenetai ngotaalio taakawasa, tamopo binaasa mumuu-suulio.”

MATIUSI 21:33

“Dungohi mao̒ pohumaya u tuwau botie poli,” tahuda li Isa. “Ngotaalio taa ohuu̒wo lohuta lomulo ilengi lo angguru ngopita. Tio lohutu bala topalitio, wau longau̒de huango ode pakaakasi pomitodelo angguru, lapatao̒ malomongu monala podahaalo. Lapatao̒ uito pilopo seuwalio ilengi boito to tahi pokalajawa ilengi, tulusi tio lonao̒ odelipu wewo.

MARKUSI 12:1

Lapatao̒ ti Isa lolumula helo bisala wolo pohumaya ode mongo iimamu tau̒wa, guguu-ruwaalo agama wau mongo tau̒wa lo Yahudi boito. Ti Isa lotahuda, “Woluo ngotaalio lomulo ilengi ngopita lo angguru, wau bilalaalio palipalito. Lapatao̒ uito tio malo ngau̒de huango duo̒lo pakaakasi pomitodelo angguru, tulusi tio lomongu mao̒ monala tuwau olo. Lapatao̒ uito tio loposeuwa ilengi lo angguru boito ode ngoolo lota tahi pokalajawa ilengi boito tulusi lonao̒ odelipu wewo.

EPESUS 1:21

Huhuloa̒a li Almasi boito lebe lolaia̒ daa̒ wolo huhuloa̒a lou̒ ngoa̒amila pomalenta, ngoa̒amila takawasa, ngoa̒amila tau̒wa, ngoa̒amila mongo tuani wau boli tatoonu tamai lohia-Lio huhuloa̒a u lailaia̒; mopio tatumu-tumulo tojamani botie meaalo tatumu-tumulo tojamani umamei dungga mai,

WAHI 22:5

Timongolio diila tamomalalu tohe meaalo tinelo dulahu, sababu hui madiduu̒, wau Eeya Allahu Taa̒ala lohihilao mamolinela olimongolio. Yi timongolio mamo malenta odelo olongia u ohiheo-hiheolo mao̒.