MIKHA 4:7 - KITABI HABARI MOPIOHE

⁷ Timongolio mapilopo lupuhu-Lio wau molamingo monto kambungu pilohuluta loduhulio. Bo, monto tau-tauwalo tahe ilolabita boito Wau̒ mamo lumulao̒ tuwaulio lowali mai u bohu. Timongolio mamowali bangusa u leidaa̒ wau molotolo. Wau̒ mamo malenta olimongolio to Huludu Sion tunggula ohiheo-hiheolo mao̒.”

MIKHA 4:7 ပူးပေါင်းရင်းမြစ်များ

JABURU 2:6

Tahudaa-Lio, “To Sion huludu-U̒ u mantali mapiludu-U̒ olongia tatilulaotu-U̒.”

YESAYA 16:5

Lapatao̒ ngotaalio monto wali mai lei Dauda mamowali olongia, wau tio mamomalenta bangusaalio wolo tolia̒ngo wau debo molotolo hilao. Tio mamo potihula ua̒adili wau hua̒a mohutu u moponao̒ u otutu.)

YESAYA 24:23

Hulalo mamowali modio̒lomo wau mato lodulahu diilalo motinelo, sababu Eeya Taa Laba-labaalo kawasa mamo malenta odelo olongia. Eeya mamo malenta to Yerusalemu toitaato Huludu Sion, wau mopobilohe oduda̒ lo Eeya tomongo tau̒wa umati lo Eeya.

YESAYA 6:13

Tumbao̒ wonu towolota mopulu lota donggo woluo ngota tamotitolaa tolipu boito, tio olo mapobinasaalo. Bo debo odelo bungo lo luluo̒ wonu luodulo donggo woluo tuodio, odito olo bangusa boito debo woluo labitio u mowali bohulo umati tamantali.”

YESAYA 60:22

Tumbao̒ ngaalaa̒ u mooyoto wau hina mamowali bangusa tahulinta wau molotolo. Wau̒ Eeya mahua̒a mohutu mai, to saaa̒ti u pasipasi.”

YESAYA 66:8

Tatoonu tapee̒enta mao̒ loo̒dungohe sua̒li debo odelo uito? Tatoonu tapee̒enta mao̒ loo̒onto uilowali mai loo̒baaya woleeto? Bo bangusa lo Isirai̒lu mapilotutu mai to saaa̒ti tumulalo mai Sion loo̒laasa ngongoto owalaa̒i.

YEHESKIEL 43:7

“Wuu manusia panaa, uti-utieelo tambati huhuloa̒a-U̒. Teteewelo Wau̒ mamoti biluloa̒ tohuungo umati lo Isirai̒lu wau momalenta olimongolio ohiheo-hiheolo mao̒. Mopio timongolio, meaalo mongo olongia limongolio, diilalo mopokootolo tanggulu-U̒ u mantali wolo molubo balaahala meaalo wolo molobungo milate lomongo olongia limongolio totambati botie.

DANIALI 2:44

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.

DANIALI 4:34

Tou̒ maasa pitu lo taunu boito maa lopaluto, wau̒ yilumanggela mola ode hulungo, lapatao̒ maa longuli mai pikiirangiu̒. Yi pilujiu̒ mola Allahu Taa̒ala Taa Laba-Labaalo Molanggato. Pilopomanggau̒ wau pilopolamahuu̒ Tio taa tumu-tumulo kaakali boito. “Allahu Taa̒ala maa mowali olongia u o hiiheo-hiiheolo mao̒. Tio o kawasa ngohilayaa̒ maasa.

DANIALI 7:14

Tio yilohia ohulumati wau okokawasa odelo olongia, tilinggula tau-tauwalo monto totoonulalo bangusa, suku bangusa wau bahasa momaya olio. Okokawasaalio mamoo̒ taahangi ohiheo-hiheolo mao̒, pamalentaalio diila tapo wulidulo.

DANIALI 7:27

Kawasa wau odudaa̒ lo totoonulalo yilaidia todunia mawohilio ode umati lo Allahu Taa̒ala Taa Laba-labaalo molanggato. Kawasa limongolio u momalenta diila tamo pulito wau ngoa̒amila takawa-kawasa todunia mamotiwato toli mongolio wolo modungohu.”

HOSEA 1:10

Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”

YOEL 2:32

Bo titaalo tita tamo molohone mei̒ tulungi to Eeya, mapo aahuwolo. Eeya lotahuda, “To Yerusalemu tau-tauwalo tahe tilulaotu-U̒ mamoa̒ahu.”

YOEL 3:17

“Wuu Isirai̒lu, botia mao̒taawa mao̒ limongoli, deu̒ Wau̒ulo Eeya Allahu Taa̒alamu. Wau̒ bilu-biluloa̒ to Sion, hui̒duu-U̒ u mantali, Yi Yerusalemu olo mowali kota u mantali tau deli madiilalo tumuwotao̒.

OBAJA 1:21

Ulipu lo Yerusalemu talaito otilapulo mamoluhu Edom wau mopo taa̒aluku mao̒. Yi Wau̒ Eeya mamo malenta odelo olongia.”

MIKHA 2:12

Eeya luli lotahuda mai, “Wuu umati lo Isirai̒lu tadonggo ilolabita! Timongoli tantu maa̒mbuwo-U̒ wau potuwauwo-U̒ debo odelo himba u lohualingai ode lantungalio. Debo odelo huta luasi u pilobutua lo huo̒yoto upolu-polu wolo himba, oditolo olo lipumu mamuli mopolu mai wolo taa dadaata.

MIKHA 2:13

Wau̒ mamomuo̒ dalalo wau modelo olimongoli lumuala monto polayahu. Timongoli mamopo aantulu huhuu-hebuwaalo hulubangi wau monao̒ wolo beebasi. Wau̒, Eeya lohihilao, deu̒yito-yito Olongiaamu, wau Wau̒ mamodelo olimongoli lumualao.”

MIKHA 5:3

Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

JEPANYA 3:13

Taulo Isirai̒lu tadonggo ilolabita, diila tamohutu u moleeto poli penu boli ode olita; timongolio diilalo mohimbulo wau diila olo mongaakali. Timongolio maa maa̒mulu wau moa̒ahu, wau diila molaasa moohe penu boli ode olita.”

JEPANYA 3:20

Masaalio mamei dungga, ulipumu talo bubuua̒yawa deloo-U̒ mohualinga. Timongoli pohutuwo-U̒ masa-masaahulu to ngoilanggubu dunia, wau omaa̒mulumu mamuli ponguliyo-U̒.” Eeya malo tahuda.

LUKASI 1:33

Wau Tio mamomalenta debo odelo olongia to wali mai lei Yako ohiheo-hiheolo mao̒. Yilaidia-Lio diila tao̒pulitio.”

WAHI 11:15

Lapatao̒ malai̒kati opitulio lohiipo torompetilio, yi tosologa dungo-dungohei susuu-walaalo moo̒ohuu̒ daa̒ u loloi̒ya, “Okokawasa u momalenta dunia botia woluo todelomo uluu̒ lo Eeyaanto wau Olongia Tamoo-poa̒ahua upilo danti-Lio mai. Tio mamo malenta u ohiheo-hiheolo mao̒!”