MIKHA 4:5 - KITABI HABARI MOPIOHE

⁵ Timii̒du bangusa todunia molubo wau modungohe todewalio lohihilao. Bo ito mamodungohe to Eeya Allahu Taa̒alanto wau molubo o-Lio u ohiheo-hiheolo mao̒.

MIKHA 4:5 ပူးပေါင်းရင်းမြစ်များ

ILOOWALI 17:1

Tou̒ tei Abram o umulu tio lopulaa tio lotaunu, Eeya lopo bilohei batanga-Lio wau lotahuda, “Wau̒lo Allahu Taa̒ala Taa Laba-labaalo kawasa. Podungohulo ola-U̒ wau pohutua mao̒ kahandaki-U̒ laito.

OLUO MONGO OLONGIA 17:29

Bo tau-tauwalo tahi biluloa̒wa to Samaria boito debo hipohutua babaa-laahalaalo limongolio lohihilao wau hepilo tambatilio todelomo kukuu-wiliyaalo upilopo tihulo taulo Isirai̒lu u muloololio mai hibiluloa̒wa tokota boito. Timii̒du kaumu helohutu balaahalalio lohihilao tokota upilo tibiluloa̒ limongolio:

OLUO MONGO OLONGIA 17:34

Tunggula todulahee botie timongolio donggo hemo ponao̒ uu̒du limongolio. Timongolio diila hemo ibaadati to Eeya wau diila olo hemo dungohe totoonulalo butoo̒ wau totoonulalo palentaa-Lio uilohi-Lio mai ode wali mola lei Yako, tai̒lunte olo Isirai̒lu.

JABURU 20:6

Yi ami motingalaa̒ mola meengahu sababu ohohaamamu, wau momintao̒ mola babaa-ndelaalo u momuji to Allahu Taa̒alanto. Pohileaala dua̒ Eeya modungohei totoonulalo hihiilemu.

JABURU 48:14

Poo̒tuotilo dingingo meeselilio, palakisailo biintengilio, alihu timongoli moo̒ wungguli mao̒ to waliimu mola:

JABURU 71:16

Pujio mola lo watotia huhutu lo Eeya tamolotolo boli buheli daa̒, yaa Eeya Allahu Taa̒ala, pamasahuruo lowatotia oa̒adili lo Eeya, bo oa̒adili lo Eeya wambao̒.

YESAYA 2:5

Wuu, wali mai lei Yako, dulo ito monao̒ todelomo tilango Eeya!

YESAYA 26:13

Pee̒enta amiaatia kiluwaasa lomongo tuani wewo, bo wambao̒ Eyaalo tapasisia lamiaatia, yaa Eeya Allahu Taa̒ala lamiaatia!

YESAYA 26:8

Amiaatia modudua̒ putuusani lo Eeya, yaa Eeya, wau hemohima-hima to Eeya; Eeyaalo poloi̒laalo momuji wau owooloolo hilaa lamiaatia.

YEREMIA 32:40

Wau̒ mamohutu daantia u ohiheo-hiheolo mao̒ woli mongolio. Wau̒ diila tamohuheli mohutu u mopiohu ode limongolio. Wau̒ mamohutu mai olimongolio moohe wau mohulumati to Olau̒ wolo lealeaatu lohilao alihu timongolio diila mohalahu monto Olau̒.

JAKARIA 10:12

Wau̒ mamo poo̒lotolao̒ umati-U̒, timongolio mamo dungohe wau motaa̒luku boli mohulumati ola-U̒. Wau̒, Eeya, malo tahuda.”

WUNGGULI LOMONGO RASULU 14:16

Tomaasa uilalu mola Allahu Taa̒ala helo poluli babaa-ngusawalo hitumula lodudua̒ utohilaa limongolio ngota-ngota.

TINGULI 27:10

Sababu uito podungohulo to Eeya Allahu Taa̒ala limongoli wau pohutuo mao̒ ngoa̒amila palentaa-Lio uilohi mai lowatia todulahee botie.”

KOLOSE 2:6

Mongo wutato malo lolimo li Isa Almasi odelo Eeya. Sababu uito mamusi timongoli tumumulo motituwau wo-Lio,

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

YOSUA 24:15

Humayaalio timongoli diila mohuto motiwato to Eeya, pohamaalo putuusani to dulahulo botie deu̒ to olo tatoonu timongoli ohilaa motiwato to ila-ila wewo u hetilubo linene moyaamu muloololio mai to Mesopotamia meaalo to ila-ila taulo Amori u lipulio tatambati olimongoli botia. Bo amiaatia – watia wau ngaalaa̒ lowatia – mamotiwato bo to Eeya wamabao̒.”