MIKHA 4:4 - KITABI HABARI MOPIOHE

⁴ Timii̒du tau matumumulo aamani wau salaamati tohuungo ilengi lo angguru wau ileengi lo aralio; diaaluo tamo poo̒ohe-oohe olio, uitolo danti lo Eeya Taa Laba-labaalo kawasa.

MIKHA 4:4 ပူးပေါင်းရင်းမြစ်များ

BOHULO MONGO OLONGIA 5:5

Eeya malodanti mai odie ode liyamo lowatia Dauda, ‘Walau̒mu talolai̒ tamaa puduo̒o-U̒ mowali olongia mubuulota wolemu tamaa momangu tambati poi̒baadatiala ola-U̒.’ Sababu uito, Tuani Hiram Taa Molamahu, watia, Salomo, malolantu u momangu hudungu boito.

AYUBA 11:19

Yio̒ diila tamoohe tomusu; dadaata taa mamei̒ tulungi olemu.

JABURU 72:3

Bolo potala lipu lamitia maa̒muru wau dame sontosa, wau woluo ua̒adili to ngoilanggubu bangusa.

POHUMAYA 3:25

Diila palalu yio̒ moohe lobaala u debolo meidunggalo debo odelo dutalo, wau molemba tau-tauwalo moleeto.

YESAYA 1:20

Bo wonu timongoli moluwali ola-U̒, timongoli maamate todelomo popaatea. Wau̒, Eeya, malo tahuda mai.”

YESAYA 17:2

Kokoo-tawaalo Siria matolaalio u ohiheo-hiheolo mao̒ wau mowali tambati himbala lo bibiahu; diaaluo penu boli ngotaa mao̒ tamamo lanenga bibiahu boito.

YESAYA 22:25

Wonu uito motoduo mai, yi wolihi u hulihuli lou̒ motoheeto mamolopato wau modehu. Wau ui-uitolo pulito kaumu ngaalaa̒ wau ngoa̒amila taa u hemopo wunelo batanga to olio. Wau̒, Eeya, malo tahuda.”

YESAYA 26:16

Eeya malo hukuumani olamiaatia; todelomo ileepita amiaatia lololaa mao̒ to Eeya, wau helodua̒ mola to Eeya, yaa Eeya.

YESAYA 32:17

Timii̒du tau mamohutu mao̒ wolo u otutu, tilinggula woluo osalaamati wau oodame u ohiheo-hiheolo mao̒.

YESAYA 36:16

Diila mao̒ podungohe olei Hiskia! Wau̒, olongia lo Asyur mopoe̒elai alihu timongoli lumualao̒ monto kota wau mohudu batanga. De timongoli moo̒ tamelao̒ hungo lo angguru monto ileengimu lohihilao, wau moo̒ lamita hungo lo ara monto bungo limongoli lohihilao, wau minumani taluhu monto ali limongoli lohihilao,

YESAYA 40:5

Yi odudaa̒ lo Eeya mapoi̒laalolo; ngoilanggubu umati lomanusia mamosakusi mao̒. Otutu, Eeya lohihilao malodanti mai!”

YESAYA 54:14

Yio̒ bongulola to payu ua̒adili, pohalahulo monto moo̒tihela hapato wau polodeehe.

YESAYA 58:14

Yi timongoli mameengahu sababu hemotiwato to Olau̒. Wau̒ mamohutu mai olimongoli hulu-hulumati to ngoilanggubu dunia. Timongoli matumumulo sanangi wolo tilapulo huta pusaka lei Yako, tinenemoyaamu. Wau̒, Eeya malo tahuda mai.”

YEREMIA 23:4

Wau̒ mamomudua̒a tau̒wa u molaala olimongolio. Umati-U̒ diilalo moohe meaambo humuhela; diaaluo penu boli ngotaa mao̒ limongolio mameenggi. Wau̒, Eeya, malo tahuda mai.”

YEREMIA 30:10

Umati-U̒ Isirai̒lu, diila mao̒ oohe! Wato-U̒ Yako, diila mao̒ pohulu-huluhelio! Timongoli wau walimu mola mapoa̒ahuwo-U̒ monto lipu u molamingo tambati pilotawalo olimongoli. Timongoli mamo hualingai wau motibiluloa̒ to lipumu wolo aamani. Timongoli matumumulo wolo dame; diaaluo u palalu oohe limongoli.

YEHESKIEL 34:25

Wau̒ mamohutu mai daantia woli mongolio, u mopongaku oa̒amani limongolio. Wau̒ mamolanenga ngoa̒amila binatangi mongantau monto ngoilanggubu lipu, tilinggula hihiimbaa-U̒ mowali motibiluloa̒ wolo aamani to huhuu-tawaalo u luasi wau motiluu̒to to oa̒a-oa̒ayuwalo.

YEHESKIEL 34:28

Timongolio diilalo lambato lo babaa-ngusawalo tadiila motota ola-U̒, meaambo dangapo lo bibii-natangiyalo mongantau. Timongolio matumumulo wolo moa̒ahu, wau diaaluo penu boli ngotaa mao̒ mamohutu olimongolio muli moohe.

YEHESKIEL 38:11

Yio̒ molantu u moluhu lipu udiila obintengi boito, tou̒toonu ulipulio hitumula wolo aamani wau damee to kokoo-tawaalo u diila odingingo meeseli wau diila o pakaakasi u pomintengi.

YEHESKIEL 39:26

Wonu timongolio muli motibiluloa̒ wolo duo̒-duo̒oto tolipu limongolio lohihilao, wau diaaluo penu boli ngotaa mao̒ tamo nganjamu olimongolio, yi timongolio mamolipata woloolo mola timongolio mapiloo̒o-litio sababu lohiyanati ola-U̒.

IMAAMATI 26:6

Wau̒ mamodaha mai otantramu lipumu tilinggula timongoli mowali motuluhe wolo duo̒-duo̒oto wau diila moohe penu boli loolo. Bibii-natangiyalo mongantau mapobinasa-U̒ monto lipu boito, wau diduu̒ popaatea tolipumu.

MIKHA 5:3

Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

JEPANYA 3:13

Taulo Isirai̒lu tadonggo ilolabita, diila tamohutu u moleeto poli penu boli ode olita; timongolio diilalo mohimbulo wau diila olo mongaakali. Timongolio maa maa̒mulu wau moa̒ahu, wau diila molaasa moohe penu boli ode olita.”

JAKARIA 3:10

Wonubolo dulahee boito meidungga, timiidu tau mamoloduo tiheedio u monao̒ mai wau moo̒laasa dame wau beebasi monto totoonulalo usuukali wau baala tohuungo ii̒i-lengiyalo angguru wau bubuu-ngowaalo aramu.”