MIKHA 4:3 - KITABI HABARI MOPIOHE

³ Eeya mamolantu mai palakala towolota lo babaa-ngusawalo, towolota lilii-puwaalo u molotolo, u molaminga meaalo u meembidu. Timongolio mamodupa wamilo limongolio mowali popadeo̒ wau totoo-buo̒owalo limongolio mowali pito pomopoto. Babaa-ngusawalo diilalo moluluuhua, diila olo motidapa-dapato u mopaatea.

MIKHA 4:3 ပူးပေါင်းရင်းမြစ်များ

JABURU 46:10

Eeya helo pohuheli popaatea to ngoilanggubu dunia, buutio̒ wau totobuo̒ mooyoto he ilaantulu-Lio, popoo-risaiyaalo hihuululo hepilobu-Lio.

JABURU 46:9

Dulo, bilohilo wolo u kilalaja mai lo Eeya; donggo boli moo̒linggolabu huhutuu-Lio to dunia!

JABURU 72:3

Bolo potala lipu lamitia maa̒muru wau dame sontosa, wau woluo ua̒adili to ngoilanggubu bangusa.

JABURU 72:7

Pohileaala dua̒ ua̒adila molaio̒ ngotilonggadu jamaniilio, wau omaa̒muru lepalepato ngotilonggadu hulalo woluo.

JABURU 82:8

Podunggaalo mai yaa Allahu Taa̒ala, aambunguolo butoi̒lo mai dunia, sababu ngoa̒amila bangusa yito miliki lo Eeya.

JABURU 96:13

Sababu Eeya dungga-dungga mai momalenta to dunia, Eeya mamomutoo̒ babaa-ngusawalo wolo aadili wau juujulu.

JABURU 98:9

Sababu Eeya dungga-dungga mai momutoo̒ dunia; babaa-ngusawalo mabutoo̒ lo Eeya wolo aadili wau otutu.

YESAYA 2:4

Eeya mamo mutoa̒i wolota lo babaa-ngusawalo, wau molantu mai palakala towolota lo susuu-kuwaalo bangusa. Wamilo madupaalo mowali popadeo̒, wau totobuo̒ powaliyolo pito pomoopoto. Babaa-ngusawalo diilalo motutuuhua, wau diila olo motidapa-dapato ohilaa mopaatea.

YESAYA 25:3

Eeya mapujio lo babaa-ngusawalo tamolotolo, wau oohelio to kokoo-tawaala lo babaa-ngusawalo tadiila omanusia.

YESAYA 51:5

Osalaamati u wohi-U̒ mai malo himbidei; saaa̒ti lo ohohaama-U̒ ngopee̒ meidungga. Wau̒ lohihilao mamomalenta babaa-ngusawalo. Lilii-puwaalo u molamingo hemohima ola-U̒ wau hemohalapu huhutuu-U̒ u molotolo boli buheli daa̒.

YESAYA 60:12

Bangusa wau yilaidia mohuto motiwato to olemu, mabinasa wau mooli mopulito.

YESAYA 65:25

Sarigala wau walao̒ himba pee̒-pee̒enta mongaa huo̒ooto; singa mongaa laato debo odelo sapi, wau tulidu diilalo moo̒ topotala. To ngoilanggubu huludu-U̒ u mantali, diduuluo u moo̒luhi meaambo mohutu u moleeto.”

YESAYA 9:7

Eeya malo podehu mai hukumani to yilaidia lo Isirai̒lu.

DANIALI 2:44

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.

HOSEA 2:18

Tou̒ boito Wau̒ mamohutu daantia wolo tilolahepalo binatangi u hidala-dalaala alihu timongolio diila mao̒ momuyu umati-U̒. Wau̒ mamopo huheli ngoa̒amila popaatea wau mopohinggi pakaa-kasiyaalo popaatea monto lipu lo umati-U̒ boito, wau mohutu olimongolio tumumula wolo tantaramu wau aamani.

HOSEA 2:20

Motuuu̒de lo danti-U̒, yio̒ manikaa-U̒. Yio̒ mamomasisi ola-U̒ odelo Eeyaamu lohihilao.

YOEL 3:2

Ngoa̒amila bangusa maa̒mbuwo-U̒ wau deloo-U̒ ode Lumbaya Polomutoo̒. Lapatao̒ butoo̒o-U̒ timongolio mota teto sababu ololeetio duo̒lo umati-U̒ sababu timongolio malo laya-layaadeo̒ huta lo Isirai̒lu wau umati-U̒ mapilo layahi mongolio ode totoonulalo lipu.

JAKARIA 14:3

Lapatao̒ Eeya mamomaju wau mopaatea moluwali babaa-ngusawalo boito, debo odelo u pilohutu-Lio tojamani muloololio mai.

JAKARIA 8:20

Eeya Taa Laba-labaalo kawasa lotahuda, “Wakutuulio mamei dungga ulipu monto dadaata kota mamonao̒ mai ode Yerusalemu.

JAKARIA 9:10

Eeya lotahuda, “Kakaa-letawaalo popaatea monto Epraim maloopuwo-U̒, ngoa̒amila wadala to Yerusalemu maloopuwo-U̒ wau ngoa̒amila pana maa antuluwo-U̒. Ti olongiamu mamopo malalumu polodame towolota lo babaa-ngusawalo. Monto deheto ode deheto Tio mao̒kawasa, monto dutulaa Eprat demola huudu dunia.”

WUNGGULI LOMONGO RASULU 17:31

Sababu Tio malolantu mai wakutu tuwau u momutoo̒ ngoilanggubu dunia botie wolo aadili. Tuugasi boito mapohutuo lo ngotaalio tamaa tilulaoto Allahu Taa̒ala u mohutu mao̒ sua̒li boito. Wau alihu ngoa̒amila tau yakini losua̒li boito, Allahu Taa̒ala maluli lopo tumulai tau boito lonto opopate!”

WAHI 19:11

Lapatao̒ watia loo̒onto mola sologa lohuo̒, tulusi oo̒onto mai wadala hula tuwau. Joki-Lio tai̒lunte Sangi Tatapu wau Molotolo Hilao wau Sangi Otutu. Tio aadili todelomo mopodehu hukuumani wau todelomo popaatea u pilohutu-Lio.

BOHULO SEMUEL 2:10

Mumuu-suuwaalo Eeya lotoyopuulo mola, timongolio moohe; lonto hulungo Tio loti bulonggodei. Eeya mamomutoo̒ ngoilanggubu dunia botie, wau mongohi mai kawasa u molamahu ode olongia tatilulao-Tio.”