MIKHA 4:13 - KITABI HABARI MOPIOHE

¹³ Eeya lotahuda, “Wuu u lipu lo Yerusalemu, ponao̒olo wau lumbetai̒ mao̒ musu-musumu! Wau̒ maa mopowali mai olimongolio molotoolo debo odelo sapi u o tunge wate wau o luo̒be tombaha. Timongoli maa mopoa̒antulu dadaata bangusa, wau okokaya umotapu mao̒ limongolio monto yilambato maa podewo limongoli ola-U̒, Eeya ngoilanggubu aalamu.”

MIKHA 4:13 ပူးပေါင်းရင်းမြစ်များ

JABURU 24:1

Jaburu lei Dauda. Miliki lo Eeyaalo huta ngotuangio, dunia wau ngoa̒amila u todelomio.

JABURU 68:29

Allahu Taa̒ala limongoli mohile wolo moo̒ohuu̒ olootoli mongoli; yaa Allahu Taa̒ala, poo̒tohetalo wolo u mapilohutu mai lo Eeya ode lamiaatia.

JABURU 72:10

Mongo olongia lo Tarasis wau pupuu-lauwaalo mamodelo dewo ode olio. Mongo olongia lo Arabi wau Etiopia monao̒ mai modelo doi hulawa wau uwewolio uwajibu pomaayali.

YESAYA 18:7

Mamei dungga wakutuulio dedee-wowaalo potunggulolo ode Eeya Taa Laba-labaalo kawasa monto lipu boito u pilolibaya lo duduu tulaalo, monto bangusaalio tamolotolo wau molotolo suukali olaahe boli buheli daa̒, monto tau-taulio tahi laanggata wau o alipo moa̒aluti wau oohelio to ngoilanggubu dunia. Timongolio mamonao̒ mai ode Huludu Sion, ode tambati lo Eeya Taa Laba-labaalo kawasa hetuboolo.

YESAYA 21:10

Bangusaau̒ Isirai̒lu! Yio̒ mailu-yilumbetai̒o wau dilu-dilutai̒o debo odelo bootua lo pale. Botia potunggulou̒ mai olemu habari mopiohu u ilodungoheu̒ lonto Eeya Taa Laba-labaalo kawasa, Allahu Taa̒ala lo Isirai̒lu.

YESAYA 23:18

Uuntungi wau wuupa motapulio diila tahuolio, bo mapodewolio ode Eeya. Tau-tauwalo tamolubo Eeya mamomake doi boito u motali ua̒alo wau pakeyangi u palaluo limongolio.

YESAYA 5:28

Mato lopanalio molalito wau buutii̒o dapadapato molentude. Luo̒bu lo wadalalio debo odelo totoheeto botu, wau roda lo kaletaalio tumoyongo debo odelo dupoto huloyongo.

YEREMIA 51:20

Eeya lotahuda mai, “Babel, yio̒ debo odelo duuduo̒, sinapaangi-U̒ u mopaatea. Yio̒ pomake-U̒ u momate babaa-ngusawalo wau yiyii-laidiyalo.

YEREMIA 51:33

Diilalo mohiheo timongolio olaahelio wau duta-dutaa̒a lomusu debo odelo pale to tambati polumbetaa̒lo. Wau̒, Eeya Taa Laba-labaalo kawasa, Allahu Taa̒ala lo Isirai̒lu, malo tahuda mai.”

DANIALI 2:44

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.

HOSEA 10:11

Muloololio mai Isirai̒lu debo odelo sapi buboto u yilati mopiohu, wau u mohuto molumbetaa̒ pale. Wau̒ diila palalu momasi ayu ngoputu pomota to bonggolio u mopiohe boito. Bo botia Wau̒ malolantu u momakusa olio mokalaja mobuheeto. Yehuda ahulaa-U̒ momadeo̒ wau Isirai̒lu ahulaa-U̒ moheide huta.

MIKHA 5:7

Taulo Isirai̒lu tadonggo hibiluloa̒wa towolota lo babaa-ngusawalo madebo odelo singa tohuungo lo bibii-natangiyalo to oa̒ayua meaalo to huungo himbala himba tohuta datahu wau luasi u pilobutua lo huo̒yoto. Singa boito tilumuwota tohuungo himbala himba boito sambela lolumbe-lumbetaa̒ wau longanta-ngantanga; diaaluo taa lowali lolopata hihii-mbawaalo boito.

HABAKU 3:12

Wolo muluka daa̒ Eeya molontale demola tutu-tutuulo dunia; babaa-ngusawalo yiyii-lumbetaa̒ lo Eeya wolo hilao mopatu.

JAKARIA 12:3

Bo wonubolo dulahee boito meidungga, Wau̒ mamohutu mao̒ Yerusalemu debo odelo botu u mobuheeto; wau penu boli bangusa toonu tamo himontala momintao̒ mamoo̒tapu topotala. Ngoa̒amila bangusa todunia mamo tituwau u moluhu Yerusalemu.

JAKARIA 12:6

To dulahee boito ngoa̒amila ngaalaa̒ lo Yehuda mapowaliyo-U̒ debo odelo tulu todelomo huntua lo ayu podiio̒ meaalo morongo lei̒-lei̒ita to walungo ngongoo-buhuta batango pale; timongolio mamopo binasa babaa-ngusawalo to palitio. Bo ulipu lo Yerusalemu maadebo motibiluloa̒ todelomo kota wolo aamani.

JAKARIA 4:14

Tio luli loloi̒ya, “Uito yito duulota tamaa tilulaoto Eeya lo ngoilanggubu aalamu wau tilunu u momaya o-Lio.”

JAKARIA 6:5

Tio lolametai, “Timongolio momonggata ode opaato dulungo lapatao̒ motaalua mao̒ wolo Eeya ngoilanggubu aalamu.

1 KORINTUS 16:2

Todulahee bohulio timii̒du ahadi, mamusi Wutato ngoa̒amilalo mopohetu mao̒ doi, ngota-ngota motuuu̒de wolo tilapulio. Tahua mao̒ doi boito dilumutu watia monao̒ mai, alihu towakutu boito diilalo palalu yimoo̒olo.

TINGULI 33:25

Pohileaala dua̒ kokoo-taalio tilanggua wolo huhuu-hebuwaalo hulubangi lotombaha wau wate alihu tutumulio laito aamani wau tantalamu.”

YOSUA 6:19

Ngoa̒amila balangi talaa̒, hulawa, tombaha, wau wate musi pohetu ode Eeya, wau tahuwola todelomo tambati polahuwalo lohalata haku lo Eeya.”