MIKHA 4:10 - KITABI HABARI MOPIOHE

¹⁰ Wuu ulipu lo Yerusalemu, potirekadu lomola wau poi̒laalo lomola suusa debo odelo taabua tadonggo hemo potutu mai! Sababu, botia timongoli musi mololaa mao̒ kota wau motibiluloa̒ tohuta u datahu wau luasi. Timongoli musi monao̒ mola ode Babel, bo mola teto Eeya mamo lopata olimongoli monto mumuu-suumu.

MIKHA 4:10 ပူးပေါင်းရင်းမြစ်များ

OLUO MONGO OLONGIA 20:18

Monto walao̒ wau wombumu woluo tamaa hamaalio wau powaliyolo pogawee lobele biluloa̒ saaha li olongia u momaya oli olongia lo Babel.”

OLUO MONGO OLONGIA 25:4

dingingo meeseli lokota heiruusa lomusu. To hui boito, eleponu taulo Babel donggo hemomala kota boito, ngoa̒amila suludadu lo Yehuda loo̒lahi lotidulunga ode Lumbaya Yordan. Timongolio helohaama dalalo loli ilengi u pilomuloa wolo bubuu-ngawaalo wau uwewolio mao̒ lobele biluloa̒ saaha li olongia, tulusi yilumuala loli huhebu hulubangi u helo pohumbuta oluo lodingingo meeseli totambati boito.

OLUO TAWARI 33:11

Sababu uito Eeya lopo dungga mai mongo eyaanggu suludadu lo Asyur heloluhu Yehuda. Tei Manasye yilau̒upio wolo kaito, tulusi pilungulio wau bilintai̒o mota ode Babel.

OLUO TAWARI 36:20

Ulipu taloo̒lahi bilintai̒o ode Babel. Mola teto timongolio lowali watolio wau wato lo waliilio mai demola tomaasa bele biluloa̒ saaha li olongia lo Persia ilokawasa.

OLUO TAWARI 36:23

“Uti-utieelo palenta lei Kores, olongia lo Persia! Eeya, Allahu Taa̒ala takawa-kawaasa tosologa malo powali mai olau̒ olongia to ngoilanggubu dunia, wau longohi tuugasi olau̒ u momongu bele ode Eeya to Yerusalemu tomadala lo Yehuda. Oditolio, timongoli ngoa̒amila talowali umati lo Allahu Taa̒ala musi mohualinga mola odito! Pohileaala dua̒ Eeya Allahu Taa̒ala limongoli moduo̒lai olimongoli.”

JABURU 106:10

Lou̒ odito piloa̒ahu lo Eeya timongolio lonto uluu̒ laawani, yilopato lo Eeya timongolio lonto kawasa musu.

YESAYA 43:14

Eeya Tamoo-poa̒ahua olemu, Taa Mantali lo Isirai̒lu, lotahuda mai, “Domi olimongoli, Wau̒ lolao suludadu ode Babel, wau ilantulu-U̒ papaa-langiyalo huhebu lotutupa; tingalao̒ wengahu taulo Kasdim biloliu̒u-U̒ lowali hilimuta.

YESAYA 45:13

Wau̒ulo talo poo̒liyoo̒ olei Koresi u loponao̒ mukusudu-U̒ wau lopotihula ua̒adili. Wau̒ mamopo payadu ngoa̒amila dalalo u polibayaalio. Tio mamuli momongu kota-U̒ Yerusalemu wau molopato umati-U̒ utawa-tawalo, lou̒ diila wolo sooloi̒ wau diila wolo baayali.” Eeya Taa Laba-labaalo kawasa malo tahuda mai.

YESAYA 48:20

Ponao̒lo wau teteo̒olo monto Babel, pololadeelo habari botie penu boli tou̒toonu. Pohabariyalo wolo tingalao̒ wengahu: “Eeya malo poa̒ahu mai Isirai̒lu, wato-Lio!

YEREMIA 13:4

“Ponao̒olo ode Dutulaa Eprat, wau tuua̒ mao̒ lipalipa ulimbu-limbu boito to hihii-yangowalo botu.”

YEREMIA 15:21

Wau̒ mamolopata olemu monto kawasa lotau-tauwalo moleeto tadiila omanusia. Wau̒, Eeya malo tahuda mai.”

YEREMIA 29:20

Wau timongoli ngoa̒amila tamaa pilolayahu-U̒ mota ode Babel, dungohilo wolo u Wau̒, Eeya lotahuda mai.’

YEREMIA 4:31

Watia loo̒dungohe suala hilimuta debo odelo taabua tao̒hilaa mopotutu mai; debo odelo taabua muda lopotutu mai walai̒o tabohulio, odieelo mola hiyongo lo Yerusalemu u itotoola lo napasiilio. Ului̒o mongaato wau tio lopoi̒laalo suusa, “Matopotala watia – watia mapateelio mate-mateelo mao̒ lomusu!”

YEREMIA 48:41

Kokoo-tawaalo wau bibii-ntengilio mahamaalo wau suludadulio mamoohe debo odelo taabua tao̒hilaa mopotutu mai.

YEREMIA 52:27

tomadala lo Hamat. Mola teto timongolio silikisaalio, lapatao̒ pilatelio yila-yilateelo mao̒. Odi-odieelo mola tau-tauwalo Yehuda hebilintai̒o lonto lipu limongolio wau dilelolio ode polayahu;

HOSEA 1:10

Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”

HOSEA 13:13

Isirai̒lu ohiyango u tumumulo, bo tio odito mohulodu tilinggula diila pilopohuna hiyangio boito. Tio debo odelo tau̒nge ubolo ngopee̒ mola mapotutu mai bo diila mohuto lumualai monto talomo liilolio.

HOSEA 2:14

Eeya lotahuda mai, “Sababu uito Wau̒ mamodelo olio ode huta datahu wau luasi u delita; mola teto tio mapiyoo-U̒ wolo tataa-heyaalo ohilaa.

MIKHA 5:2

Oditolio, Eeya mamopoluli umati-Lio kiluwaasa lo mumuu-suuwaalo limongolio tunggula taabua tatilantu u mowali tiilo lo takaawasa boito malo potutu mai o-Lio. Lapatao̒ uito tau-tauwalo ngobangusaalio tawoluo to polayahu mamuli potuwaulo wolo bangusa limongolio.

MIKHA 5:3

Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

WAHI 12:14

Bo taabua boito yilohialio dulo polipio̒ bulungi rajawali uleidaa̒, alihu tio tumombota mola ode tambatilio tohuta datahu u luasi daa̒ wau delita, tou̒toonu tio mataalaalio tolo taunu wau ngoputu hiheolio, molopato monto luhu lonaha.