MIKHA 3:7 - KITABI HABARI MOPIOHE

⁷ Tau-tauwalo tahi polaamalia dulahee momooli mamoo̒tapu woolito sababu laamalilio diila tiluhata. Timongolio ngoa̒amila oolia lobaya sababu Allahu Taa̒ala diila molametai olimongolio.

MIKHA 3:7 ပူးပေါင်းရင်းမြစ်များ

JABURU 74:9

Mongo nabi wau tutuuotaalo u moo̒linggolabe diilalo oontonga, wau penu boli ngotaa mao̒ diaaluo tamotota tunggula omolua tulusi odie.

PILOTIMUA̒TA 9:11

Tahi ahalia lo siihili diila mowali motaalua mao̒ wolei Musa kalana ngangaa-waa̒alo mao̒ limongolio polupolu lobohe debo odelo tau-tauwalo Masiri wewolio.

YESAYA 44:25

Wau̒ulo tadiila lopomata laamalani lo tamoo-laamalia, wau helo poitohe tahi ahalia umotota u hitua-tuawua u gaibu. Tataa-heyaalo lotaa molinepo bilatataa-U̒, otinepo limongolio pilowali-U̒ oohulodu.

YEREMIA 18:18

Tau loloi̒ya, “Dulo ito mowoomboa moluwali olei Yeremia. Diila bo tio tamowali mobisala duo̒lo Allahu Taa̒ala. Laito mawoluo mai iimani mowali mongohi pongaajali, woluo taa molinepo tamowali mongohi nasehati; wau woluo nabi tamowali mopo tunggulai ode olanto ngoa̒amila tahuli monto Allahu Taa̒ala. Dulo ito mopodulohe olio ode bubutoo̒ wau diilalo modungoheo̒ loloo-iyaalio.”

YEHESKIEL 24:17

Diila bolo odungohe yio̒ mopotide-tideo̒ lonapasi usuusa! Diila mao̒ poonao̒ lou̒ diila obeleu̒to lunggongo, meaambo diila owaapidu oa̒ato, odelo taa u motilimi. Diila mao̒ olo beleu̒tamu bayamu, wau diila mao̒ polamela roti polotilimi.”

YEHESKIEL 24:22

Lapatao̒ timongoli mamohutu mao̒ debo odelo u hepohutuwo lowatia masaatia botie. Timongoli diila tamolau̒ube bayamu meaambo molamela roti ilopatea.

IMAAMATI 13:45

Tahingota-ngotaawa taduto-dutolo ngongoto lo alipo umoo̒ topotala, musi momake mao̒ pakeyangi u hikada-kadanga wau mopoluli mao̒ huwoi̒o moa̒puto. Tio musi molanggu mao̒ ambahu walungo bayalio wau monguwa-nguwaatia̒ mola, “Najisi! Najisi!”

AMOS 8:11

Eeya Taa Laba-labaalo molanggato lotahuda mai, “Mamei dungga saaa̒tilio Wau̒ mopodungga mai baala lo polobiti tolipu botie. Tau mapolangolo, bo diila polangolo lo ua̒alo. Tau mamo totoa̒ngo, bo diila mototoa̒ngo lotaluhu. Timongolio polangolo wau mototoa̒ngo to tahulii-U̒.

MIKHA 3:4

Mamei dungga wakutuulio timongoli monguatio̒ mei̒ tulungi ode Eeya, bo Eeya diila mohuto molametai. Eeya diila tamo dungohe duduua̒amu, sababu timongoli malohutu u moleeto.

MIKHA 7:16

Babaa-ngusawalo mamoo̒onto suali boito wau mowali moolito sababu mongalati mao̒ deu̒ totoonulalo olootoli mongolio diila oboliilio wolo-wolo. Timongolio mao̒olia lo aakali tilinggula diila mowali mobisala meaalo modungohu.

JAKARIA 13:4

To dulahee boito, mongonabi mamolaasa moolito u mohutu debo odelo nabi. Timongolio diila tamomake pakeyangi lonabi u mohimbulo wau mopomangga bibilohe-bibilohelio.

BOHULO SEMUEL 14:37

Lapatao̒ malohintu tei Saul ode Allahu Taa̒ala, “tingga mowali watotia moluhu taulo Pilistin? Ambunguolo wolo timongolio mawuduo mai lo Eeya ode taulo Isirai̒lu?” Bo todulahee boito Allahu Taa̒ala diila lolametai olio.

BOHULO SEMUEL 28:15

Lapatao̒ uito tei Semuel loloi̒ya mao̒ odelei Saul, “Yilongola wau̒ piluyumu? Yilongola wau̒ luli tiliangumu mai?” Tametao̒ lei Saul, “Mailaba olilinguu̒ hetuhuo lotau Pilistin, hiambola Allahu Taa̒ala malo lolaa mao̒ olau̒. Wau̒ diilalo hetilamate-Lio mai, mopio lotimbulude tomongo nabi, meaambo wolo tohiilopo. Sababu uito watia momolohone toli Paaa̒, alihu poo̒taa mai li Paaa̒ wolo u musi pohutuo lowatia.”

BOHULO SEMUEL 28:6

Lapatao̒ tio malohile potuhata to Eeya, bo Eeya diila lolametai olio, mopio wolo tohiilopo, meaambo wolo lopohuna Urim wau Tumim, meaambo lotimbulude tomongo nabi.

BOHULO SEMUEL 9:9

“Ooo̒!” Tametao̒ lei Saul, “Duloolo ito monao̒.” Lapatao̒ malonao̒lo timongolio ode kota, ode tambati lowato Allahu Taa̒ala boito. Tou̒ timongolio lotao̒de mola huludu u duludulunga ode kota boito, timongolio malo dunggaya wolo dengolo lota mongo dulahu u mamolime taluhee to ali. Lapatao̒ timongolio malohintu tomongo dulahu boito, “Wolo woluo tamoomilohe to kota?” (To jamani boito ngotaalio lo nabi heu̒nteelio tamoomilohe, oditolio wonu bolo ngotaalio ohilaa mohintu u hitua-tuawua ode Allahu Taa̒ala, yi tio moloi̒ya mao̒ odie, “Duloolo ito monao̒ mota ode tamoomilohe.”)