MIKHA 3:5 - KITABI HABARI MOPIOHE

⁵ Bangusa lowatia ilaakali lo mongonabi tahi polaamalia u mopiohe ode taa u hipongohia doi, bo motolo muusua wau mopodupapa taa u diila hemongohi. Ode mongonabi tao̒dito boito, Eeya lotahuda,

MIKHA 3:5 ပူးပေါင်းရင်းမြစ်များ

POHUMAYA 28:21

Diila mopiohu mopohihe-hiheede tau; bo woluo olo hakimu tamotohilaa udiila juujulu bo u moo̒tapu mao̒ doi ngoi̒di.

YESAYA 3:12

Umati-U̒ madeehe lotaa hemo porente doi wau taa u hemo pobulota doi wolo bunga daata-daatalo mao̒. Umati-U̒ mapolapalo lomongo tau̒walio tilinggula diilalo motota dalalo umusi ponao̒wa limongolio.”

YEREMIA 23:27

To pikiilangi limongolio deu̒ wolo totoo-hilopowalo u yilingguli mao̒ limongolio boito, umati-U̒ mowali molipata ola-U̒ debo odelo loluuhuru limongolio lolipata ola-U̒ wau helolubo Baal.

YEREMIA 23:32

Wau̒, Eeya, mamoluwali mongo nabi boito mopotunggula totoo-hilopio u polupolu lo wimbulo. Timongolio mopolapalo umati-U̒ wolo wimbulo wau tabibo limongolio. Wau̒ diila lopoa̒hu mongo nabi boito. Timongolio sama-samaata diila ohuna ode umati-U̒. Wau̒, Eeya, malo tahuda mai.”

YEREMIA 6:14

Papaa-liyaalo umati-U̒ he aanggapuo limongolio bo pali kikiio̒ wambai̒o, ‘Aa, diila mongoola,’ uali mongolio mao̒, ‘ngoa̒amilalo mopiohu wau aamani.’ Lebe-lebe pomao̒ sama-samaata diila.

YEREMIA 6:4

Timongolio mamoloi̒ya, “Ntali, poti-dapatolo moluhu Yerusalemu! Dulo tuhuwonto dulahee botie!” Bo lapatao̒ timongolio mamoloi̒ya poli, “Waa, yilanggari! Dulahu mahemo dio̒lomai, wowoo-liluwaalo malo tihayao̒.

HIYONGO MOPOILAALO SUUSA 2:14

U pilopo tunggulai lomongo nabi ode olemu, bo haasili lowimbulo wau diila otutu sama-samaata. Timongolio diila pee̒enta mao̒ lomuo̒ dusaamu, tilinggula sababu uito yio̒ diila lolilihu. Bolii̒o mao̒ timongolio bo lopo tunggulai ode olemu loloo-iyaalo wimbulo u moa̒anga.

YEHESKIEL 13:9

Wau̒ mamo hukuumani mai olimongoli, wuu mongo nabi tahipo lapalia wimbulo wau hemobayahu bo to pikiilangi bibii-loheyaalo! Timongoli diilalo mowali modudua̒ mongohi putuusani todelomo sisii-dangiyaalo umati-U̒. Tataa-nggulumu mainggilolio monto duputari polemboa̒ lo Isirai̒lu, wau timongoli diilalo mohualinga ode huta u pilohuluta mai loduhumu. Yi mao̒taawa limongoli deu̒ Wau̒ulo Eeya Taa Laba-labaalo molanggato.

HOSEA 4:5

Hui wau dulahu timongoli hipohutua totala, odito olo mongo nabi. Sababu uito Wau̒ mamopo binasa mai Isirai̒lu tiilamu.

YOEL 3:9

Pomala lumualo mola poo̒taa botie ode babaa-ngusawalo: Potidapatolo u mopaatea wau mobaalia lo lotolo! Yimoa̒alo mai tahi tootawa moitohe wamilo wau pahalaawani; ambuwalo mai ngoa̒amila pajule, wau pomajulo!

MIKHA 2:11

Timongoli mokahandaki mai nabi tao̒hilaa mongaakali wau mohimbulo boli molaamali deu̒ timongoli maa owooluo mai lo angguru wau minumani motoheeto daata-daatalo mao̒.”

MIKHA 3:11

Tahipo ngawasawa kota helo malentao̒ u moo̒tapu mai doi solooi̒, mongo iimamu helo ngaajali butoo̒ lo Eeya duo̒lo wuupa, wau mongonabi hipohilea potuhata monto Allahu Taa̒ala u moo̒tapu mao̒ doi – lapatao̒ timongolio ngoa̒amila hipo lontobua deu̒ Eeya lotiwambao̒ ode limongolio. Timongolio hemoloi̒ya, “Eeya woluo to huunginto; ito diila tao̒dungga lobaala hidala-dalaala.”

MALEAKHI 2:8

Bo masaatia botie, timongoli, mongo iimamu, malohei lonto dalalo u otutu. Pongaajalimu malo dedea̒a taa dadaata u mohutu totala. Timongoli malo poa̒antulu daantia u pilohutu-U̒ woli mongoli.

MATIUSI 15:14

Diila mao̒ pandungia tau-tauwalo Parisi boito. Timongolio boito mongo tau̒wa hipiitoa̒; wau wonu taa pitoo̒ modedea̒ taa pitoo̒, duduulotalo mamodehu ode delomo huango.”

MATIUSI 7:15

“Poo̒daha-dahaalo mao̒ tomongo nabi paluti. Timongolio monao̒ mai ode limongoli motihutu debo odelo himba, bo tutuulio tutu timongolio debo odelo saligala mongantau.

ROMA 16:18

Sababu tau-tauwalo tahi pohutua odito diila bo mokalaja odeli Isa Almasi Eeyanto, tumbao̒ bo uhemo potolu lohilao tou̒ wolo u otohilaa limongolio lohihilao. Wolo pipio wau tataa-heyaalo u mopiohe, timongolio hemo himbulo totau-tauwalo tadiila hitotaawa lolo-loolo.