MIKHA 3:3 - KITABI HABARI MOPIOHE

³ He iliila limongoli bangusa lowatia. Alipio hei̒la-ilantangi mongoli wau tutuu-laalio ilaantulu limongoli. Timongoli helo lamba-lambalao̒ olimongolio debo odelo lolambala tapu u tuangolo to ulongo.

MIKHA 3:3 ပူးပေါင်းရင်းမြစ်များ

JABURU 14:4

Tahuda lo Eeya, “Tingga diila mongalati tau-tauwalo moleeta boito? Timongolio hitumula lou̒ hemo lambata umati-U̒ wau diila pee̒enta mao̒ helodua̒ mai to olau̒.”

JABURU 27:2

Wonu watotia tuhuo lotaa moleeto tao̒hilaa momate olo watotia mate-mateelo mao̒, yi timgoliolo tameiteduo̒ wau modehu.

POHUMAYA 30:14

Woluo taa u mopeehu ua̒alo wolo dudelo udiila omanusia; timongolio diila omanusia wau hemohama uuntungi daata-daatalo moa̒ totaa mosikini wau taa molulupuhu.

YESAYA 3:14

Eeya lohutu odelo hakimu tomongo tau̒wa lo umati-Lio. Uti-utieelo potuludu Eeya toli mongolio: “Timongolilo talo lambato tilapulo ii̒i-lengiyaalo angguru; belemu polupolu lobalangi u yilambati mongoli lonta taa mosikini.

YESAYA 3:15

Yilongola timongoli helodeehe umati-U̒ wau helohama uuntungi daata-daatalo mao̒ totaa mosikini? Wau̒ Eeya Taa Laba-labaalo molanggato malo tahuda mai.”

YEHESKIEL 11:3

Masababu uito potunggula mao̒ tahulii-U̒ ode limongolio, wuu manusia panaa. Sababu timongolio hemoloi̒ya, ‘Diilalo mohiheo bebee-leyaalo botie mamuli bongulonto. Kota botie yito ulongo wau ito-itoolo tapu todelomio. Ito maa̒amani monto laalaapo tulu sababu yililunga lo ulongo botie.’ ”

YEHESKIEL 24:4

Potuwota mola tapu ode delomio tapu u mopiohe daa̒ mutulio; tapu lo binggingo wau tapu lo bungolopa wau tutuu-lalowaalo u dadaata yilontalio.

AMOS 8:4

Dungohiilo, wuu timongoli tahi podeehea taa mosikini tolipu botie tilinggula timongolio binaasa!

MIKHA 2:8

Eeya lolametai, “Timongolilo taloluhu umati-U̒ debo odelo musu. Tau muli mohualingai monto polotuhua wolo halapani mamolaasa aamani tobelelio, lebe-lebe pomao̒ mola teto timongoli tumbao̒ hemohima u molambato belelio.

JEPANYA 3:3

Taduduulaa̒ lokota boito debo odelo singa u hemo heuwanga. Mongo hakimulio debo odelo sasaa-rigalaalo upola-polaango; timongolio mangowa daa̒ tilinggula penu boli tulalo ngoputu mao̒ diaaluo u leitolaa duo̒lo loombulio mola.