MIKHA 3:12 - KITABI HABARI MOPIOHE

¹² Sababu ololeetumu boito, Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali huta u datahu wau luasi u pilobutua lo aa̒a-yuwaalo kekeei̒.

MIKHA 3:12 ပူးပေါင်းရင်းမြစ်များ

JABURU 107:34

Huta molomiodu pilopowali lo Eeya huta datahu wau luasi u mopanggelo, sababu ololeeto lotau-tauwalo tahi biluloa̒wa teto.

JABURU 79:1

Jaburu lei Asap. Yaa Allahu Taa̒ala, bangusa tadiila motota to Eeya malo tibiluloa̒ tohuta pusaka lo Eeya. Timongolio helo ponajisi Bele lo Eeya, Yerusalemu pilopowali limongolio tuodu.

YESAYA 32:14

Tumbao̒ bele biluloa̒ saaha li olongia matolaalio wau tiilo lokota u rame mowali moliilo daa̒. Huludu wau momoo-narawaalo podahaalo mapilopo payadio wolo huta u ohiheo-hiheolo mao̒. Kokoo-lodaiyalo molinggelo wau hihii-mbawaalo matumuwoto lumualo wau mongaa huo̒yoto mola teto.

YEREMIA 17:3

wau to huhuu-ideyaalo to bulemengo kota. Sababu ngoa̒amila tambati polubowalo balaahala u mabilongu limongoli to ngoilanggubu lipu wau sababu totoonulalo dusa u mapilohutu limongoli, yi Wau̒ mamohutu mumuusuumu momintaa̒ao̒ ngoa̒amila halata wau okokayaamu.

YEREMIA 22:5

Bo wonu timongoli diila modungohe ngoa̒amila palentaa-U̒, yi Wau̒ motadia mai deu̒ bele biluloa̒ saaha li olongia botie mamowali tuodu. Wau̒, Eeya, malo tahuda mai.

YEREMIA 22:6

To Olau̒ bele biluloa̒ saaha li olongia lo Yehuda gaaga daa̒, debo odelo gaaga lohuta Gilead wau huhuu-ideyaalo Libanon; bo tambati boito mapowaliyo-U̒ debo odelo huta datahu u luasi daa̒ wau delita u diila mowali potitomelea lotau.

YEREMIA 26:18

“Tou̒ tei Hiskia lowali olongia lo Yehuda, ti Nabi Mikha lonto Moresyet lopo tunggulai ode ulipu loi̒ya botie lonto Eeya Taa Laba-labaalo kawasa, ‘Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali oa̒ayua.’

YEREMIA 35:17

Sababu uito, Wau̒, Eeya, Allahu Taa̒ala Taa Laba-labaalo kawasa, Allahu Taa̒ala lo Isirai̒lu, mamopo dungga mai ode limongoli – taulo Yehuda wau Yerusalemu – totoonulalo baala u matilantu-U̒ mai olimongoli, debo odelo u mapilo tahuda-U̒. Sua̒li boito pohutuwo-U̒ sababu timongoli diila mohuto modungohe wonubolo Wau̒ motahuda mai ode limongoli, wau timongoli diila mohuto molameta tou̒ Wau̒ motianga olimongoli.”

YEREMIA 44:2

Utieelo Tahuli mai lo Eeya Taa Laba-labaalo kawasa, Allahu Taa̒ala lo Isirai̒lu, ode limongolio, “Timongoli lohihilao malo sakusi baala u pilopo dungga-U̒ ode Yerusalemu wau ngoa̒amila kota wewo to Yehuda. Demai botia olo kokoo-tawaalo boito donggo todelomo owowoluwoa u aa̒antulu lou̒ dia otua.

YEREMIA 52:13

Tei Nebujaradan helomobu Bele lo Eeya, bele biluloa̒ saaha li olongia, wau ngoa̒amila bele lotaa himuloa lo ulipu to Yerusalemu.

YEREMIA 9:10

Watia, Yeremia, mobisala mai, “Watia ohilaa humoyongo wau motilimi sababu huta luasi u pilobutua lohuoyoto tohuta luasi udiila mowali pobutua lo pilomulo wau huhuu-ideyaalo u malo hengu daa̒ boli diila pilolibaya lotau. Suala bibiahu diilalo odungohe, ngia-ngia wau bibii-natangiyalo wewolio matilumeteo̒ wau yilooli.”

YEREMIA 9:11

Eeya lotahuda mai, “Yerusalemu mapowaliyo-U̒ tuodu tambati potituua̒ lo apula oa̒ayua. Kokoo-tawaalo Yehuda mamowali moliilo, tambati u diilalo poti-tomeleaalo.”

MIKHA 1:6

Uito sababuulio Eeya lotahuda, “Wau̒ mamopowali Samaria huntua lotuode tohuta datahu wau luasi, wau tambati lotau mopomulo bungo lo angguru. Tuodio lokota boito matapilo-U̒ ode delomo lumbaya wau wuwuu-mbatio mabonggaliyo-U̒.

MATIUSI 24:2

Ti Isa lotahuda mao̒ ode limongolio, “Wolo timongoli moo̒onto mota ngoa̒amilalo boito? Ototai mao̒, diaaluo penu boli botu ngobotu monto huhuu-dunguwaalo boito mameitolaa susuusungi to tambatilio. Ngoa̒amilalo mapo lohubuwolo.”