MIKHA 3:11 - KITABI HABARI MOPIOHE

¹¹ Tahipo ngawasawa kota helo malentao̒ u moo̒tapu mai doi solooi̒, mongo iimamu helo ngaajali butoo̒ lo Eeya duo̒lo wuupa, wau mongonabi hipohilea potuhata monto Allahu Taa̒ala u moo̒tapu mao̒ doi – lapatao̒ timongolio ngoa̒amila hipo lontobua deu̒ Eeya lotiwambao̒ ode limongolio. Timongolio hemoloi̒ya, “Eeya woluo to huunginto; ito diila tao̒dungga lobaala hidala-dalaala.”

MIKHA 3:11 ပူးပေါင်းရင်းမြစ်များ

POHUMAYA 17:23

Hakimu tahilaalio diila motulidu, mololimo doi sooloi̒ lou̒ depudepuhu wau diila moponao̒ ua̒adili.

YESAYA 1:23

Mongo tau̒wamu tamoo-malakalaawa wau wakili lo tamootao̒wa; timongolio mohuto mololimo palaseni wau doi sooloi̒. Timongolio diila mohuto mopoduulua tadidu otiilo otiyamo to bubutoo̒; diila mohuto modungohe dudulohu lomongo janda.

YESAYA 48:2

Eleponu odito, yio̒ lotolongaku wolo wengahu deu̒ yio̒ ulipu lokota mantali; wau deu̒ yio̒ motiwunela to Allahu Taa̒ala lo Isirai̒lu tai̒lunte Eeya Taa Laba-labaalo kawasa.

YESAYA 5:23

Bo wambao̒ u moo̒tapu mao̒ doi sooloi̒, timongoli molopato taa ototala, wau hemongabuta taa udiila ototala moo̒tapu u aadili.

YESAYA 56:11

Timongolio debo odelo apula motula udiila pee̒enta mao̒ mobutuhu. Mongo tau̒wa boito diila moo̒ paahamu. Ngota-ngota hemohutu totoonulalo otohilaa limongolio lohihilao wau hemololohe untungilio lohihilao.

YEREMIA 23:17

Ode tau-tauwalo taa udiila mohuto modungohe tataahee-U̒, timongolio laito hemoloi̒ya, ‘Timongoli mamoa̒ahu.’ Wau ode timii̒du taa u baaa̒ngiolo, timongolio hemoloi̒ya, ‘Yio̒ diila tamoo̒ toduo mai topotala.’ ”

YEREMIA 26:7

Ngoa̒amila u yiloi̒ya lowatia to Bele lo Eeya boito ilodungohe lomongo iimamu, mongo nabi wau ulipu.

YEREMIA 5:12

Umati lo Eeya hemoloi̒ya u diila otutu pasali lo Eeya. Timongolio loloi̒ya, “Aa, Eeya diila tamohutu mai wolo-wolo. Ito diila tao̒otuhata lobaala wau diila olo moo̒laasa popaatea meaambo odungga lo polaango.

YEREMIA 6:13

Timongolio ngoa̒amila, kikiio̒ wau udaa̒, hemopeehu untungi lou̒ diila motulidu hale. Tumbao̒ nabi wau iimamu olo hemohimbulo totau.

YEREMIA 7:4

Diila mao̒ yakinia to tamoo-himbuloa tahemoloi̒ya, ‘Ito aamani, sababu utie Bele lo Eeya!’

YEREMIA 8:10

Sababu uito Wau̒ mamongohi mao̒ halabolu limongolio ode taa ohuu̒wo lohuta wewo, wau dile taabua limongolio ode taa wewo. Timongolio ngoa̒amila ukikiio̒ wau udaa̒, hipopeehuma uuntungi lou̒ diila motulidu hale. Tumbao̒ nabi wau iimamu olo hemohimbulo totau.

YEHESKIEL 22:12

Woluo olo tahe bayalialio lowali tamoomatea-mateelo mao̒, hipohamawa uuntungi ulaba-labaalo wau hipomitota tau-tauwalo ngobangusaalio. Timongolio ngoa̒amila malo lipata ola-U̒. Wau̒ Eeya Taa Laba-labaalo molanggato malo tahuda mai.

YEHESKIEL 22:27

Tahidihuma pantungo lo pamalentaalio debo odelo saligala u longai-ngaidinga mangusaalio. Timongolio hemomate-mateelo mao̒ bo u mopeehu uuntungi.

YEHESKIEL 34:2

“Wuu manusia panaa, dinia wolo moo̒ohuu̒ mongo olongia lo Isirai̒lu, wau potunggula mota wolo u Wau̒, Eeya Taa Laba-labaalo molanggato lotahuda mai ode limongolio, ‘Matopotala timongoli, wuu mongo diiti lo Isirai̒lu. Timongoli bo hemo mikiilangi polohuna daa̒ lo batangamu lohihilao, diila polohuna daa̒ lo hihii-mbaamu.

HOSEA 4:18

Lapatao̒ hiluwoa̒ helongilu angguru dadaata, timongoli helo tisuntali wolo sanangi lohilao. Timongolio lebe motohilaa hinaalo lou̒ hulumatiolo.

HOSEA 4:8

Timongoli lowali kaya sababu dusa lo umati-U̒, sababu uito timongoli ohilaa alihu timongolio odusa tulusi.

AMOS 5:14

Potolopanilo mohutu u mopiohe wau diila mao̒ pohutu u moleeto, alihu timongoli tumumulo. Yi Eeya Taa Laba-labaalo kawasa mao̒tu-otutuulo mao̒ motibiluloa̒ towolota limongoli debo odelo uiloi̒ya limongoli.

AMOS 9:10

Tau-tauwalo tahi oduusawa towolota lo umati-U̒ loloi̒ya, ‘Allahu Taa̒ala diila tamopoluli olanto odungga lobaala.’ Bo, tutuulio tutu timongolio mapateelio mate-mateelo mao̒ todelomo popaatea.”

MIKHA 3:5

Bangusa lowatia ilaakali lo mongonabi tahi polaamalia u mopiohe ode taa u hipongohia doi, bo motolo muusua wau mopodupapa taa u diila hemongohi. Ode mongonabi tao̒dito boito, Eeya lotahuda,

MIKHA 7:3

Ngoa̒amilalo moolato todelomo mohutu u moleeto. Tadihu-dihu pantungo lipu wau hakimu hipohilea doi solooi̒, wau tao̒ tilanggula todelomo ulipu hemo makusa u otohilaalio, odi-odieelo mola timongolio helo woomboa pee̒-pee̒enta.

JEPANYA 3:3

Taduduulaa̒ lokota boito debo odelo singa u hemo heuwanga. Mongo hakimulio debo odelo sasaa-rigalaalo upola-polaango; timongolio mangowa daa̒ tilinggula penu boli tulalo ngoputu mao̒ diaaluo u leitolaa duo̒lo loombulio mola.

JEPANYA 3:4

Mongo nabiilio debo odelo diila o banta wau diila mowali yakiniyaalo; mongo iimamu loponajisi wolo u pilopo tolomodu ode Eeya wau lopo loloombulia bubuu-too̒waalo Allahu Taa̒ala duo̒lo pae̒eda olimongolio lohihilao.

MALEAKHI 1:10

Eeya Taa Laba-labaalo kawasa lotahuda, “Lebe mopiohe huhebu lo Belee-U̒ heu̒taalo, sababu diila ohuna timongoli mopolei̒taa tulu toitaato mesba-U̒. Wau̒ diila mohuto olimongoli, wau diila mohuto mololimo dewomu.

MALEAKHI 2:9

Yi Wau̒ olo mamohutu mai olimongoli diila pandungio lo umati Isirai̒lu sababu timongoli diila modungohe kahandaki-U̒, wau sababu timongoli mopo hihiiheede tau tou̒ mongaajali umati-U̒.”

YIA̒APO 16:15

Tei Musa loingo daa̒ wau loloi̒ya ode Eeya, “Yaa Eeya, ambunguolo diila mao̒ tolimowa dewo limongolio. Diila pee̒enta mao̒ watotia loo̒luhi penu boli ngotaa mao̒ limongolio; tumbao̒ penu boli kolodai tuwau diila pee̒enta mao̒ hilama lowatotia lonto olimongolio.”

YIA̒APO 22:7

Yi malonao̒lo mongo tau̒wa taulo Moab wau Midian boito wolo wuupa odelei Bileam alihu tio mohuto molaa̒nati taulo Isirai̒lu. Tou̒ leidungga mola odelei Bileam, timongolio lopotunggulao̒ ode lei Bileam tahuli li Olongia Balak.

MATIUSI 3:9

Diila mao̒ polantobu u timongoli moo̒lahi monto hukuumani wolo moloi̒ya deu̒ tei Abraham yito tinenemoya limongoli. Poo̒toloma mao̒, monto boboo-tuwaalo botie olo Allahu Taa̒ala mambo mohutu mai wali odelei Abraham!

1 TIMOTIUS 3:3

diila tahe huwoa̒alo, meaalo tamohuto moloohulua. Bolii̒o mao̒, tio musi molumboyoto hilao wau mohuto lou̒ dame. Tio diila mowali bo momilohe doi.

TITUSI 1:11

Tau-tauwalo tadebo odelo uito musi pambolalo tunggilio, sababu timongolio mopo tolonggalo dadaata ngaalaa̒ wolo popoo-ngajaliyalo diila pongalo aakali. Timongolio mohutu uito bo sababu motohilaa mololohe pae̒eda udiila paatuti!

1 PETRUS 5:2

alihu timongoli mohimbala himbala lohimba uiludu mai lo Allahu Taa̒ala olimongoli. Himbalai mao̒ timongolio wolo sanangi lohilao odelo woloolo mola u otohilaa lo Allahu Taa̒ala, wau diila mao̒ wolo buheeto hilao. Diila mao̒ pohutua olo kalajamu bo huna moo̒tapu pae̒eda, bo sababu timongoli tio̒otutua ohilaa momaya.

YUDAS 1:11

Tilopotala timongolio! Timongolio malo dudua̒ dalaalio lei Kain. Alihu moo̒tapu doi, timongolio helopo topotala batanga ode lumbaya umoo̒ lapalo, tutuuwauwa debo odelo tei Bileam. Wau timongolio olo ilaantululio sababu helo malakalo debo odelo tei Korah.

BOHULO SEMUEL 8:3

Bo timongolio diila loo̒dudua̒ pii̒li liyamo limongolio, bo hemo hilapita pae̒eda lobatanga limongolio lohihilao wambai̒o. Timongolio hemo lolimo doi palele wau hemomutoo̒ ulipu lou̒ diila aadili.