MIKHA 2:9 - KITABI HABARI MOPIOHE

⁹ Mongobua towolota lo umati-U̒ pilopolahi limongoli lonto bele u otolia̒ngio, wau yilambati mongoli u ohiheo-hiheolo mao̒ balakati uilohi-U̒ ode mongo walai̒ mongolio.

MIKHA 2:9 ပူးပေါင်းရင်းမြစ်များ

JABURU 72:19

Ilopujiaalo mola tanggu-Lio u udaa̒ ohiheo-hiheolo mao̒; pohileaala dua̒ ngoilanggubu dunia mopolu mai wolo omumulia-Lio! Powaliilo mola odito. Amin!

YEREMIA 10:20

Kema lamiaatia loa̒antulu, wau tataaliilio lobunto ngoa̒amila. Diduu̒ taa mowali mopotihulao̒ kema wau mopohuli kakaaingilio, sababu tau̒kekeei̒ malonao̒.”

YEHESKIEL 39:21

Eeya lotahuda mai, “Wau̒ mamo poo̒otuoto omumuliya-U̒ babaa-ngusawalo. Timongolio ngoa̒amila mamoo̒onto woloolo mola Wau̒ mopohuna kawasaa-U̒ u moponao̒ ngoa̒amila putuusani-U̒ u aadili.

YOEL 3:6

Ulipu lo Yehuda wau Yerusalemu dilelo limongoli lolamingo lonto lipulio; lapatao̒ pilotali limongoli ode bangusa lo Yunani.

AMOS 2:7

Timongolio helodeehe taa hiluupuhe tadiila olootolo, wau lopohinggi taa mosikini. Tiyamo wau walao̒ helo uu̒ulauwa wolo wato taabua u tutuuwauwa tilinggula lopokootolo tanggulu-U̒ u mantali.

MIKHA 2:2

Wonu timongolio motohilaa halabolu ngopita, timongolio molambatao̒. Wonu timongolio motohilaa bele ngowale, timongolio mohama hakuulio lou̒ diila modudua̒ wuu̒du. Mopio halata meaambo ngaalaa̒, diaaluo u aamani.

HABAKU 2:14

Bo debo odelo auhu lopolu wolo taluhu, odito olo dunia mapoo̒ poluolo wolo pongotota pasali lo Eeya wau kawasaa-Lio.

JAKARIA 2:5

Eeya malodanti mai deu̒ Eeya lohihilao mamowali dingingi tulu u momalita kota boito u moduo̒lao̒ wau Tio mamo tibiluloa̒ mola teto todelomo totoonulalo kawasa wau odudaa̒a-Lio.”

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

MARKUSI 12:40

Timongolio hipo ngakalia tomongo janda wau hemo lambata bele limongolio. Wau u modepuheo̒ ololeeti mongolio boito, timongolio hemodua̒ huhuulayaa̒. Hukuumani limongolio de mobuheetao̒!”

LUKASI 20:47

Timongolio hemohimbulo tomongo janda, wau hemohehu belelio. Wau u modepuheo̒ ololeeti mongolio boito, timongolio hemodua̒ hayahayao̒! Hukumani limongolio de mobuheetai!”

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

BOHULO SEMUEL 26:19

Baginda, dungohilo mai tuboo lowatotia botie. Wonu humaya Eeya talo poa̒hu mai oli Baginda alihu u moluwali olo watotia, yi tuwaulio lou̒ mopodewo bake mamowali moo̒oleo̒ omuluka lo Eeya olo watotia. Bo wonu humaya talo poa̒hu mai oli Baginda boito yito manusia, pohileaala dua̒ timongolio laa̒anatia mai lo Eeya! Sababu akiibati lohuhutu limongolio boitolo, watotia mapilo lontulio lonto huta miliki lo Eeya wau bolo pakusa musi monao̒ ode lipu wewo tou̒toonu watotia musi moi̒baadati to dedee-waalo deli.