MIKHA 2:8 - KITABI HABARI MOPIOHE

⁸ Eeya lolametai, “Timongolilo taloluhu umati-U̒ debo odelo musu. Tau muli mohualingai monto polotuhua wolo halapani mamolaasa aamani tobelelio, lebe-lebe pomao̒ mola teto timongoli tumbao̒ hemohima u molambato belelio.

MIKHA 2:8 ပူးပေါင်းရင်းမြစ်များ

OLUO LO SAMUEL 20:19

Kota lamiaatia Abel botie udaa̒, tala tuwau lokota u aamani tutu wau tatapu boli molotolo hilao tohuta lo Isirai̒lu. Yilongola ti Tuani hemo tolopani u mopoa̒antulu mao̒? Wolo ti Tuani ohilaa moporuusa huta miliki lo Eeya?”

JABURU 55:20

Allahu Taa̒ala tahe momalenta monto ohiheo-hiheolo mao̒ mamo dungohei olau̒ wau mopoo̒laahe olimongolio. Sababu timongolio diila mohuto molilihu, wau diila moohe to Allahu Taa̒ala.

YEREMIA 12:8

Umati taa tilulaotu-U̒ loluwali to ola-U̒; debo odelo singa to oa̒ayua polodu odieelo mola timongolio moheuwango ode Olau̒. Uitoolo sababuulio Wau̒ molonua̒ olimongolio.

MIKHA 3:2

bo timongoli tumbao̒ molonuo̒ u mopiohe, wau sanangi tou̒ moleeto. Bangusa lowatia yilaalita limongoli tumu-tumulo, wau ilantangi mongoli tapulio lonto tutuu-laalio.

MIKHA 3:3

He iliila limongoli bangusa lowatia. Alipio hei̒la-ilantangi mongoli wau tutuu-laalio ilaantulu limongoli. Timongoli helo lamba-lambalao̒ olimongolio debo odelo lolambala tapu u tuangolo to ulongo.

MIKHA 7:2

Taa motulidu hale madiduu̒ lonto lipu, taa u tatapu wau molotolo hilao to Allahu Taa̒ala diilalo odungga. Timii̒du tau hipohimawa hiyangio u momate mateelo mao̒. Ngota-ngota hemolaala taalo ode timongotalio.

MIKHA 7:3

Ngoa̒amilalo moolato todelomo mohutu u moleeto. Tadihu-dihu pantungo lipu wau hakimu hipohilea doi solooi̒, wau tao̒ tilanggula todelomo ulipu hemo makusa u otohilaalio, odi-odieelo mola timongolio helo woomboa pee̒-pee̒enta.