MIKHA 2:7 - KITABI HABARI MOPIOHE

⁷ Diila mao̒ polantobu deu̒ umati lo Isirai̒lu mailaa̒anati lo Eeya! Eeya diila tamohutu mai susuu-aliyaalo u odito. Eeya diila pee̒enta mao̒ yilooli osabalii-Lio. Wolo diila Tio tahe lobisala wolo molumboyoto ode tau-tauwalo tahi pohutua u otutu?”

MIKHA 2:7 ပူးပေါင်းရင်းမြစ်များ

JABURU 119:65

Eeya malo poo̒opolu mai danti lo Eeya, yaa Eeya, wau helohutu mai mopiohu towato lo Eeya.

JABURU 119:68

Sababu Eeya mopiohu wau hemohutu u mopiohu, aajalia mai watia wolo totoonulalo opiduduto lo Eeya.

JABURU 15:2

Taa u tumutumulo lou̒ diila o aibu wau hemohutu u mopiohu, wau wolo juujulu moloi̒ya u otutu;

JABURU 18:26

Yaa Eeya, Eeya tatapu wau molotolo hilao totaa utatapu wau molotolo hilao wau mopiohe totaa u mopiohe.

JABURU 84:11

Lebe mopiohe ngohui to Bele lo Eeya wolo ngolihu hui to tambati uwewo. Watotia lolulaota lowali tamoodahawa huhebu to Bele lo Allahu Taa̒ala lowatotia lou̒ motibiluloa̒ tobele lotaa moleeto.

POHUMAYA 10:29

Eeya moduo̒lai taa juujulu, bo mopobinasa taa u mohutu moleeto.

POHUMAYA 10:9

Taa juujulu, tutumulio aamani; taa u mohimbulo mao̒tahua.

POHUMAYA 14:2

Taa u juujulu moohe wau hurumati to Eeya Allahu Taa̒ala; taa u tutumulio diila motulidu mohina to Eeya.

POHUMAYA 2:7

To taa u otutu belesi hilao wau diila o aibu, yilohia-Lio tuulungi wau poloduo̒la.

POHUMAYA 28:18

Taa u tumu-tumulo lou̒ diila o aibu mamoa̒ahu. Taa u hiliu̒-hiliu̒wa tutumulio, mamodehu.

YESAYA 50:2

Yilongola lonto umati-U̒ diaaluo penu boli ngotaa mao̒ talolameto, tou̒ Wau̒ leidungga mai helo tiango olimongolio? Wolo timongolio hipoo̒yonga wambai̒o sababu hemolantobu Wau̒ diila mambo molopato wau mopoa̒ahu olimongolio? Tutuulio tutu, to palentaa-U̒ deheto lowali lohengu, duduu-tulaalo pilowali-U̒ huta datahu wau luasi daa̒ udelita, tilinggula totoo-lawaalo mate moboolo mobunuto.

YESAYA 58:1

Eeya lotahuda mai, “Ponguatio̒lo tio̒otutua lomao̒! Poleleaalo ode umati-U̒ duduu-sawaalo limongolio.

YEREMIA 15:16

Eeya lotahuda mai odelaatia, wau watia lodungoheo̒ timii̒du tahuda lo Eeya. Watia miliki lo Eeya, yaa Eeya Taa Laba-labaalo kawasa, sababu uito ngoa̒amila tahuda lo Eeya loe̒engahu wau loposanangi tutu olaatia.

YEREMIA 2:4

Dungohilo tahuli lo Eeya, wuu timongoli wali mai lei Yako, susuu-kuwaalo Isirai̒lu!

HOSEA 14:9

Tau lo Isirai̒lu maa molapi mao̒ bubuui̒aala lo balahalaalio; timongolio tilaala-U̒ wau dilungohe-U̒ dua̒alio. Debo odelo bungo lo ayu u dadaata duungio, Wau̒ maa molilungai olimongolio. Wau̒ulo bungo lo totoonulaalo balakati limongolio. Wau̒, Eeya, maa lotahuda mai.”

MIKHA 3:9

Dungohiilo tataa-heyaalo lowatia botie, wuu timongoli tahi kawaasawa to Isirai̒lu tamolonuo̒ u aadili wau helopo loloombulia u otutu.

JAKARIA 4:6

Malai̒kati boito lopoa̒hu olaatia lopo tunggulao̒ odelei Jerubabel tahuli botie, “Diila wolo olootolo suludadu wau diila olo wolo olootolumu lohihilao yio̒ mao̒tilapulo, bo wolo rohu-U̒.

YIA̒APO 11:23

Tametai lo Eeya, “Yilongola okokuwasaa-U̒ ee̒enggade? Yio̒ mahua̒a moo̒onto mao̒ wolo upilo tahuda-U̒ mai boito otutu motoduo meaalo diila!”

MATIUSI 3:8

Pobilohe mao̒ wolo huhutuumu deu̒ timongoli malo lilihu lonto duduu-sawaalo limongoli.

YAHYA 8:39

Timongolio lolametao̒, “Ti Paapa lamiaatia deu̒ito-yito tei Abraham.” “Humayaalio timongoli tio̒otutua walae̒e Abraham,” tahuda Isa, “tantuulo mao̒ timongoli mohutu wolo u pilohutu lei Abraham.

ROMA 7:13

Naa, wolo utie boliilio deu̒ u mopiohe boito mopotoduo mai opopate odelaatia? Tantu diila! Dusaalo umalo potoduo mai opopate boito. Wolo lomake u mopiohe, dusa malo potoduo mai opopate ode laatia, alihu totoonulalo pii̒li lodusa oontonga lou̒ mopatato. Lotimbulude to papaa-lentawalo lo Allahu Taa̒ala, mai̒lo bukuti deu̒ dusa odito leetio.

2 KORINTUS 6:12

Amiaatia diila moheu̒to hilaa lamiaatia ode limongoli, bo timongolilo talo heu̒to hilao ode lamiaatia.

2 TIMOTIUS 3:5

Eleponu dudelo lahiri, timongolio modudua̒ moponao̒ uwajibu to agama, bo diila mololimo tuwango monto agama boito lohihilao. Walahe mao̒ tau-tauwalo debo odelo uito.