MIKHA 2:2 - KITABI HABARI MOPIOHE

² Wonu timongolio motohilaa halabolu ngopita, timongolio molambatao̒. Wonu timongolio motohilaa bele ngowale, timongolio mohama hakuulio lou̒ diila modudua̒ wuu̒du. Mopio halata meaambo ngaalaa̒, diaaluo u aamani.

MIKHA 2:2 ပူးပေါင်းရင်းမြစ်များ

BOHULO MONGO OLONGIA 21:1

Totili lobele biluloa̒ li Olongia Ahab to Yijreel woluo ilengi lo angguru ngopita haku lotaa u ilunte Nabot.

AYUBA 31:38

Humayaalio huta u piladeu̒ matilao̒ou̒, wau yilambatuu̒ lonto taa ohuu̒wolio u pulua,

PILOTIMUA̒TA 20:17

Diila mao̒ potohilaa halata lotaa wewo: belelio, dilelio taabua, mongo watolio, bibiahio, kolodailio, meaalo penu boli wolo u mililikiilio.”

YESAYA 3:14

Eeya lohutu odelo hakimu tomongo tau̒wa lo umati-Lio. Uti-utieelo potuludu Eeya toli mongolio: “Timongolilo talo lambato tilapulo ii̒i-lengiyaalo angguru; belemu polupolu lobalangi u yilambati mongoli lonta taa mosikini.

YESAYA 5:8

Matopotala timongoli talotali bebeeleaalo wau tilumuwota ode hahaa-laboluwalo u moduhenga milikiimu! Diilalo mohiheo mamopulito tambati ode taa wewo wau bo timongolilo tamotitola tolipu boito.

YEREMIA 22:17

Bo yio̒, Yoyakim, wewo. Yio̒ bo hemololohe uuntungi lohihilao. Yio̒ helomate taa diila ototala yila-yilateelo mao̒, wau helodeehe ulipumu wolo diila omanusia.

YEHESKIEL 18:12

Tio motohilaa mohimbulo totaa mosikini, molambato, mohama balangi pongaku lotaa u obiloli to olio. Tio monao̒ ode kukuu-wiliyaalo lotaa u diila motota lo Eeya wau molubo balaahala u moo̒olonuo̒.

YEHESKIEL 22:12

Woluo olo tahe bayalialio lowali tamoomatea-mateelo mao̒, hipohamawa uuntungi ulaba-labaalo wau hipomitota tau-tauwalo ngobangusaalio. Timongolio ngoa̒amila malo lipata ola-U̒. Wau̒ Eeya Taa Laba-labaalo molanggato malo tahuda mai.

YEHESKIEL 22:13

Bo botia Wau̒ mamolotaa̒a moo̒ohuu̒-huu̒ulo mao̒ tahipo lambatawa wau tamoomatea mate-mateelo mao̒ olemu.

YEHESKIEL 33:26

Timongoli hemopo mangga wamilumu. Huhutuumu moo̒lonuo̒. Timongoli ngoa̒amila hipojinawa. Tingga donggo buheli timongoli mongaku deu̒ huta botie odelo milikimu?

YEHESKIEL 45:9

Eeya Taa Laba-labaalo molanggato lotahuda mai, “Malo-hetaalo mao̒ duduu-saamu, wuu takawa-kawasa lo Isirai̒lu! Pohuhelia mao̒ huhutuumu u moposuka-suka wau hemodeehe ulipu boito. Pohutua mao̒ wolo u otutu wau aadili. Sama-samaata diilalo mao̒ polahia limongoli umati-U̒ monto huta limongolio. Wau̒, Eeya Taa Laba-labaalo molanggato momalentai uito olimongoli.

YEHESKIEL 46:18

Takawa-kawasa boito diila mowali mohama penu boli ngoi̒di mao̒ monto halata pusaka ulipulio. Bo hutaalio lohihilao wambao̒ u mowali wohilio ode walai̒o mongo lolai̒ tilinggula diaaluo penu boli ngotaa mao̒ monto umati-U̒ mowali pobua̒alo monto haku wau milikiilio.”

YEHESKIEL 8:17

Eeya lotahuda mai odelaatia, “Wuu manusia panaa, tingga iloontangamu uito? Tau-tauwalo Yehuda botie diila molaasa sanangi wonu bo mohutu susuu-aliyaalo u moo̒olonua̒ boito wau mohutu mao̒ ngoa̒amila huhutu u diila omanusia to ngoilanggubu lipu. Timongolio tumbao̒ hipohuta ngoa̒amila boito tewe, todelomo Bele-U̒ wau helohutu ola-U̒ lebe muluka poli. Bilohilo woloolo mola timongolio helohina ola-U̒ wolo dudelo ulaba-labaalo kootolo botie!

AMOS 2:7

Timongolio helodeehe taa hiluupuhe tadiila olootolo, wau lopohinggi taa mosikini. Tiyamo wau walao̒ helo uu̒ulauwa wolo wato taabua u tutuuwauwa tilinggula lopokootolo tanggulu-U̒ u mantali.

AMOS 4:1

Dungohiilo, wuu mongobua lo Samaria tahe oduhenga mola molingohu debo odelo sasaa-piyaalo molingohu to Basan! Timongoli hemodeehe taa molulupuhu, hemohama pae̒eda dadaata daa̒ totaa mosikini, wau hemohile wolo moo̒ohuu̒ to dilemu alihu laito mopodapato minumani u motoheeto olemu!

AMOS 8:4

Dungohiilo, wuu timongoli tahi podeehea taa mosikini tolipu botie tilinggula timongolio binaasa!

MIKHA 3:9

Dungohiilo tataa-heyaalo lowatia botie, wuu timongoli tahi kawaasawa to Isirai̒lu tamolonuo̒ u aadili wau helopo loloombulia u otutu.

MIKHA 6:12

Tau-tauwalo tahi kayawa to kotamu hemodeehe taa mosikini, wau timongoli ngoa̒amila moohimbuloa.

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

1 TIMOTIUS 6:10

Sababu monto hilaa lodoi boitolo, tumoodei totoonulalo u moleeto. Woluo ngobutao̒ tau u bo mohilapita doi tilunggula madiilalo lodudua̒ pongaajali lo Nasara, lapatao̒ timongolio ilodungga lou̒ polodutolo dadaata ulopo a̒antulu hilaa limongolio.