MIKHA 2:11 - KITABI HABARI MOPIOHE

¹¹ Timongoli mokahandaki mai nabi tao̒hilaa mongaakali wau mohimbulo boli molaamali deu̒ timongoli maa owooluo mai lo angguru wau minumani motoheeto daata-daatalo mao̒.”

MIKHA 2:11 ပူးပေါင်းရင်းမြစ်များ

BOHULO MONGO OLONGIA 13:18

Yi ti nabi panggola lonto Betel boito olo helo himbulo mao̒ to olio, lou̒ loloi̒ya, “Watia olo nabi odelo Ito. To palentai lo Allahu Taa̒ala olo malai̒kati ngota malo poa̒hu mai olaatia molutulao̒ wau mohinta Olanto tobele lowatia.”

BOHULO MONGO OLONGIA 22:6

Yi tei Ahab helo ngambu mai otanu wopato hetuto lota nabi tulusi lohintu mao̒ olimongolio, “Tingga mowali wau̒ mola moluhu Ramot meaalo diila?” “Mowali!” tametao̒ limongolio. “Eeya mamohudu mai kota boito odeli Baginda.”

AYUBA 31:5

Watotia motadia mai deu̒ diipo pee̒enta mao̒ watotia helohutu diila juujulu; diipo pee̒enta mao̒ olo watotia helo himbulo totau.

POHUMAYA 25:14

Dadaa-ntiyaalo udiila pilopo ilaalo, debo odelo heengo wau dupoto udiila mopo tuhutai didi.

YESAYA 28:7

Mongo nabi olo wau mongo iimamu hiluwoa̒ sababu helongilu minumani lo angguru wau arak dadaata daa̒. Timongolio monao̒ huhuu-yungaalo mao̒ wau hemee-meiteduo̒ sababu pikiilangi liomgolio mopuuyoto. Mongo nabi diilalo moo̒ paahamu totoonulalo bibilohe uilohi mai lo Allahu Taa̒ala ode limongolio. Mongo iimamu diilalo moo̒ puutusi totoonulalo palakala u pilopo taluolio ode limongolio.

YESAYA 9:15

Mongo tau̒wa lo bangusa boito malo polapaalo wau lopopuuyoto ulipu.

YEREMIA 14:14

Bo Eeya lolametai, “Mongo nabi boito helodelo habari wimbulo to tanggulu-U̒; Wau̒ diila lolao olimongolio, wau diila olo longohi palenta meaambo helo tahuda ode limongolio. Ngoa̒amila bibilohu u yilungguli mongolio diila lonto ol-U̒; timongolio helo laamali susuu-aliyaalo diila ohuna u kilaangi limongolio lohihilao.

YEREMIA 23:14

Bo to Yerusalemu Wau̒ loo̒onto mongo nabi helohutu wolo ulebe moleetao̒ poli. Timongolio hemohimbulo wau hemojina, boli hemomantu taa u hipohutua u moleeto, tilinggula diaaluo penu boli ngotaa mao̒ tamohuto molilihu. To Olau̒ timongolio ngoa̒amilalo moleeto debo odelo ulipu lo Sodom wau Gomora.”

YEREMIA 23:17

Ode tau-tauwalo taa udiila mohuto modungohe tataahee-U̒, timongolio laito hemoloi̒ya, ‘Timongoli mamoa̒ahu.’ Wau ode timii̒du taa u baaa̒ngiolo, timongolio hemoloi̒ya, ‘Yio̒ diila tamoo̒ toduo mai topotala.’ ”

YEREMIA 23:25

Ngoa̒amila u yiloi̒ya lomongo nabi maa ilotaawa-U̒. To tanggulu-U̒ timongolio helo himbulo deu̒ tahuli-U̒ matilolimo limongolio loli tohiilopo.

YEREMIA 23:32

Wau̒, Eeya, mamoluwali mongo nabi boito mopotunggula totoo-hilopio u polupolu lo wimbulo. Timongolio mopolapalo umati-U̒ wolo wimbulo wau tabibo limongolio. Wau̒ diila lopoa̒hu mongo nabi boito. Timongolio sama-samaata diila ohuna ode umati-U̒. Wau̒, Eeya, malo tahuda mai.”

YEREMIA 28:15

Ngoa̒amila boito pilopo tunggulo lowatia odelei Hananya, lapatao̒ watia luli loloi̒ya mao̒, “Dungohilo mai, wuu Hananya! Eeya diila lolao mai olemu; yio̒ malohutu bangusa botie yakini to loi̒ya wimbulo.

YEREMIA 5:31

mongo nabi hipohimbuloa, mongo iimamu hipomayawa modudua̒ u otohilaa limongolio lohihilao wau timongoli umati-U̒ motohilaa lo sua̒li boito. Bo wolo u mapohutuo limongoli wonu meidungga mai dulahee pulitio?”

HIYONGO MOPOILAALO SUUSA 2:14

U pilopo tunggulai lomongo nabi ode olemu, bo haasili lowimbulo wau diila otutu sama-samaata. Timongolio diila pee̒enta mao̒ lomuo̒ dusaamu, tilinggula sababu uito yio̒ diila lolilihu. Bolii̒o mao̒ timongolio bo lopo tunggulai ode olemu loloo-iyaalo wimbulo u moa̒anga.

YEHESKIEL 13:22

Tau-tauwalo mopiohu tadiila lohuto pilo-pilongola-U̒, hepiloo̒ kikiio̒ limongoli to hilao wolo owimbulumu. Tau-tauwalo tahileeta hepilo udaa̒ mola limongoli tohilao alihu debo odusa wau diila tamoa̒ahu.

HOSEA 7:14

Timongolio diila tio̒otutua helodua̒ ode Olau̒. Wonu timongolio modua̒, timongolio hemo pomahulo batanga ode tambati potuluhelo, wau hemoyongo debo odelo u pilohutu lotau-tauwalo tadiila palacaya to Olau̒. Wonu timongolio modua̒ u mohile pale wau angguru, timongolio momali mao̒ batanga debo odelo u pilohutu lotau-tauwalo tahi polubowa dewa. Timongolio tio̒otutua moluwali ola-U̒!

MIKHA 3:11

Tahipo ngawasawa kota helo malentao̒ u moo̒tapu mai doi solooi̒, mongo iimamu helo ngaajali butoo̒ lo Eeya duo̒lo wuupa, wau mongonabi hipohilea potuhata monto Allahu Taa̒ala u moo̒tapu mao̒ doi – lapatao̒ timongolio ngoa̒amila hipo lontobua deu̒ Eeya lotiwambao̒ ode limongolio. Timongolio hemoloi̒ya, “Eeya woluo to huunginto; ito diila tao̒dungga lobaala hidala-dalaala.”

MIKHA 3:5

Bangusa lowatia ilaakali lo mongonabi tahi polaamalia u mopiohe ode taa u hipongohia doi, bo motolo muusua wau mopodupapa taa u diila hemongohi. Ode mongonabi tao̒dito boito, Eeya lotahuda,

ROMA 16:18

Sababu tau-tauwalo tahi pohutua odito diila bo mokalaja odeli Isa Almasi Eeyanto, tumbao̒ bo uhemo potolu lohilao tou̒ wolo u otohilaa limongolio lohihilao. Wolo pipio wau tataa-heyaalo u mopiohe, timongolio hemo himbulo totau-tauwalo tadiila hitotaawa lolo-loolo.

PILIPI 3:19

Tutumulo lotau-tauwala debo odelo uito pulitio mao̒ mabinasa, sababu ila limongolio yito loduduo̒ ilohilaa lobatanga limongolio lohihilao. Susuu-aliyaalo u moo̒olito tumbao̒ ui-uitolo u hepomangga limongolio; sababu timongolio bo hemo mikiilangi susuu-aliyaalo u motuhatawa wolo dunia botie wambai̒o.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.