MIKHA 2:10 - KITABI HABARI MOPIOHE

¹⁰ Pobongulo wau ponao̒; teewe diilalo aamani. Dusaamu maloo̒ toduo mai baala hidala-dalaala u moo̒tihela hapato ode yitaato tambati botie.

MIKHA 2:10 ပူးပေါင်းရင်းမြစ်များ

BOHULO MONGO OLONGIA 9:7

yi Wau̒ mamopo hinggi umati-U̒ Isirai̒lu monto lipu u mailohiu̒ mai ode limongolio. Wau̒ olo mamololaa bele botie u matilantu mao̒ lowali tambati poi̒baadatialo ode ola-U̒. To utoonulalo mao̒ taulo Isirai̒lu mahinaalio wau poi̒ii̒yalio.

OLUO MONGO OLONGIA 15:29

To maasa pamalenta lei Pekah, tei Tiglat-Pileser olongia lo Asyur helohama kota Iyon, Abel-Bet-Maakha, Yanoah, Kedes, Hajor, madala Gilead, Galilea wau Naputali. Ulipulio hebilintai̒o olo odelo tawalo ode Asyur.

OLUO MONGO OLONGIA 17:6

– u debo odelo taunu otiolio pamalenta lei Hosea – tei Salmaneser lohama Samaria. Lapatao̒ taulo Isirai̒lu bilintai̒o odelo tawalo ode Asyur. Ngotayadu limongolio pilopo tambatilio tokota Halah, wau ngotayadu totili lo Dutulaa Habor to madala Gojan, wau ngotayadu poli to kokoo-tawaalo tolipu lo Madai.

OLUO TAWARI 7:20

yi Wau̒ mamopo lualao̒ olimongoli monto lipu u mailohi-U̒ mai olemu. Wau̒ olo mamololaa mao̒ bele botie u matilantu-U̒ mai lowali tambati poi̒baadatialo ola-U̒. To utoonulalo mao̒ bele botie hinaalio wau poi̒ii̒yalio.

JABURU 106:38

Timongolio helo potolohe duhu lotaa diila ototala, duhu lomongo walai̒ mongolio lohihilao, u pilopobake ode babaa-lahalaalo; tilinggula lipu boito pilopo kootoro limongolio.

JABURU 95:11

Yi Wau̒ helotadia todelomo omulukaa-U̒, timongolio diila tatumuwota ode lipu boito u moo̒tapu pohuheliyalo pee̒-pee̒enta wola-U̒.”

YEREMIA 10:18

Pee̒enta botie Eeya mamopo mahulo ngoilanggubu bangusa lo Yehuda ode polayahu; timongoli ngoa̒amila maa̒antuluo mai lo Eeya sama-samaata. Ui-uitolo tahuli mai monto Eeya.

YEREMIA 3:2

Ntali bilohi mola ode yitaato, ode bobooli-tutuo̒owalo huludu! Tambati toonu u diipo pee̒enta mao̒ nilao̒omu u motisuuntali? Debo odelo taulo Arabi tohuta datahu luasi daa̒ wau odieelo mola yio̒ motihuloa̒a tobiihu dalalo mohima taa u ohilaa moitohe ohilaa daa̒. Yio̒ loponajisi lipu botie wolo jina wau ololeetumu.

YEREMIA 9:19

To Sion dungo-dungohei suala hiyongo, “Ito binaasa wau poo̒olito daa̒. Lipunto musi tolaanto mao̒, ngoa̒amila bebeeleento loa̒ntulu-aantulu lo mao̒.”

YEHESKIEL 36:17

“Wuu manusia panaa, tou̒ tau-tauwalo Isirai̒lu bilu-biluloa̒ tolipu limongolio lohihilao, timongolio malo pokootolo wolo huhutu wau pii̒li limongolio. Wau̒ monganggapu pii̒li limongolio boito halaamu, debo odelo taabua tadonggo duladulahu.

YEHESKIEL 36:19

Timongolio hilukuumani-U̒ lotuuu̒de wolo dudelo tutumulo wau pii̒li limongolio, lapatao̒ pilopo-bubuua̒yaa-U̒ mota ode lilii-puwaalo deli.

TINGULI 12:9

sababu timongoli diipo tilumuwota mola ode lipu uilohi mai lo Eeya Allahu Taa̒ala limongoli ode limongoli, tambati limongoli mowali motitatapu wolo aamani.

TINGULI 30:18

yi tantu timongoli pobinasaa-Lio, wau umulu limongoli diila tahumayaao̒ tolipu udiilalo mohiheo potibiluloa̒ limongoli. Eelai mao̒! Sua̒li boito mapiloo̒taa mai lowatia todulahee botie.

TINGULI 4:26

Potala hulungo wau dunia todulahee botie mowali sakusi deu̒ wonu timongoli diila modungoheo̒ olaatia, timongoli mahua̒a mooli monto huta u potibiluloa̒ limongoli to ngotuali lo Dutulaa Yordan boito. Timongoli diila tamohiheo motibiluloa̒ mota teto; timongoli mapo binasaalo sama-samaata.