MIKHA 1:8 - KITABI HABARI MOPIOHE

⁸ Sababu uito watia, Mikha, siluukali lohilao wau lopoilaalo suusa. Watia mamonao̒ diila o pakeyangi wau diila o wapidu oa̒ato u mopobiloheo̒ deu̒ mailaba suukalilio hilaa lowatia. Watia mamo heuwanga debo odelo opula lo oa̒ayua wau mokokodako debo odelo bulungi unta.

MIKHA 1:8 ပူးပေါင်းရင်းမြစ်များ

OLUO MONGO OLONGIA 18:13

To delomo taunu opulaa pato pamalenta lei Hiskia olongia lo Yehuda, kokoo-tawaalo Yehuda u obintengi hetiluhu wau ilolaahe lei Sanherib, olongia lo Asyur.

ESTERI 4:1

Tou̒ tei Mordekhai loo̒dungohe wolo u malo toduo mai, tio longaidinga pakeyangilio wau lomake kaingi kado odelo tuotio siluukali. Tio lopomua̒yade peyahuo̒ to lunggongio, tulusi lolontale di kota sambela hiyo-hiyonga daa̒ wau piilu.

AYUBA 30:29

Suala lo watotia siluukali polupolu lo odehu hilao debo odelo hiyongo soligala wau bulungi unta.

JABURU 102:6

Watotia mopoi̒laalo suusa wolo suala moo̒ohuu̒; wawao̒ watotia bolo alipo pomolu tulalo.

YESAYA 13:21

Tambati boito mapoti poo̒yonga lo bibii-natangiyalo u molinggelo. Maluo̒ moluluwola mamoti beelea to bebee-leyaalo limongolio, wau bulungi unta mamo tibeelea mola teto. Babaa-tadeyaalo molinggelo mabolo lantia̒ao̒-lantia̒ao̒ towolota lo ilowale.

YESAYA 13:22

Heuwaango apula lo oa̒ayua wau sarigala mamo toliyongo monto bibii-ntengiyalo kota u palipalita lotanggi wau bebee-leyaalo biluloa̒ saaha li olongia Babel. Saaa̒ti lo oa̒antululio mangopee̒ leidungga wau wakutuulio diilalo yilohudu.”

YESAYA 16:9

Botia hiliyongau̒ bungo lo angguru Sibma debo odelo wau̒ lohiyongao̒ Yaejer. Wau̒ ilodehua loponu duo̒lo Hesybon wau Eleale, sababu tilapulo hutalio lopulito tilamelo musu.

YESAYA 21:3

Bibilohe boito loo̒lingu olaatia tunggula diila lowali loo̒onto meaambo loo̒dungohe poli. Watia yiloohe wau yilongongoto, debo odelo taabua ngota tadonggo hemolohulo mopotutu mai.

YESAYA 22:4

Diila mao̒ poo̒tuota; polulia mai watia mohilimutao̒ tau-tauwalo monto bangusa lowatia tamailate. Diila mao̒ pohimontala moliyango olaatia.

YESAYA 32:11

Dilumutu saaa̒ti botie timongoli tumutumula molaasa seehati, beebasi monto usuusa. Bo botia, pohuluu heloolo mola lou̒ moohe! Yinggilalo pakeyangimu wau buhuta mao̒ kaingi kado to wohutamu.

YEREMIA 4:19

Malo odito modutolo hilaa lowatia, diilalo otahayangia lowatia modutolo. Watia diila mambo mopoduo̒to batanga polantapu lowatia molilimelo todelomo duhelo, sababu ilodungohe lowatia torompeti loo̒tingohu, wau tingalao̒ lo popaatea toli-toliyongio.

YEREMIA 9:1

Donggo boli piohio wonu lunggongo lowatia debo odelo ali u polupolu lotaluhu, wau mato laatia panjura u tulusi tolotolohu! Yi watia mowali humoyongo hui wau dulahu, mohilimutao̒ tau-tauwalo ngobangusa lowatia tahe pilatelio yila-yilateelo mao̒ lomusu.

YEREMIA 9:10

Watia, Yeremia, mobisala mai, “Watia ohilaa humoyongo wau motilimi sababu huta luasi u pilobutua lohuoyoto tohuta luasi udiila mowali pobutua lo pilomulo wau huhuu-ideyaalo u malo hengu daa̒ boli diila pilolibaya lotau. Suala bibiahu diilalo odungohe, ngia-ngia wau bibii-natangiyalo wewolio matilumeteo̒ wau yilooli.”

YEREMIA 9:19

To Sion dungo-dungohei suala hiyongo, “Ito binaasa wau poo̒olito daa̒. Lipunto musi tolaanto mao̒, ngoa̒amila bebeeleento loa̒ntulu-aantulu lo mao̒.”

YEHESKIEL 32:18

“Wuu manusia panaa, potilimilo ode ulipu to Masiri. Laolaalo timongolio ode dunia lotaa mate pee̒-pee̒enta wolo lilii-puwaalo u molotolo wewolio.

MIKHA 2:4

Paladumu mapomake lotau odelo mopodalili, wau timongolio mamohutu lahu polotilimi botie, ‘Eeya maloheehu lipu lami botie wau yilohilio ode tahe lolawalo olami. Ami malo aantulu sama-samaata.’ ”

BOHULO SEMUEL 19:24

Tou̒ leidungga mola odito tio malohinggi pakeyangilio wau helo ngelu-ngelungo wau helo ngua-nguatio̒ totalu lei Semuel, lapatao̒ loombahe mola ode huta lou̒ laalaala ilo-ilolaanga wau ilo-iloonua. (Uti-utieelo asaliilio mai lo pohumaya u tingohio odie mola, “Wolo tei Saul olo mowali nabi?”)