MIKHA 1:6 - KITABI HABARI MOPIOHE

⁶ Uito sababuulio Eeya lotahuda, “Wau̒ mamopowali Samaria huntua lotuode tohuta datahu wau luasi, wau tambati lotau mopomulo bungo lo angguru. Tuodio lokota boito matapilo-U̒ ode delomo lumbaya wau wuwuu-mbatio mabonggaliyo-U̒.

MIKHA 1:6 ပူးပေါင်းရင်းမြစ်များ

OLUO LO SAMUEL 17:13

Wonu tio tumetea̒ ode delomo kota tuwau, yi ngoilanggubu ulipuunto mamohama mao̒ tataa-liyaalo wau modedea̒ kota boito tulusi mopodehu olio ode delomo lumbaya u membide daa̒. Diaaluo penu boli ngobotu mao̒ botu u meitolaa toitaato huludu boito.”

OLUO MONGO OLONGIA 18:10

Lapatao̒ bilalaalio tolo taunu mola hiheolio, Samaria lodehu. Uito helo toduo totaunu olomolio pamalenta lei Hiskia, wau taunu otiolio pamalenta lei Hosea.

OLUO MONGO OLONGIA 18:9

To taunu opatio pamalenta lei Hiskia, deu̒yito-yito totaunu opitulio pamalenta li Olongia Hosea to Isirai̒lu, tei Salmaneser olongia lo Asyur loluhu Isirai̒lu wau helomala Samaria.

OLUO MONGO OLONGIA 19:25

Wolo diipo pee̒enta mao̒ yio̒ loo̒dungohe deu̒ ngoa̒amilalo boito mairanjana-U̒ anggadu muloololio mai? Wau botia mapo hutuwo-U̒ mai. Wau̒lo talongohi mai kawasa olemu u mongaantulu mao̒ kokoo-tawaalo o bintengi lowali tutuu-wodeyaalo.

YESAYA 17:1

Eeya lotahuda, “Damusiki diilalo debo odelo kota, bo wambao̒ huntua lo tutuuodelo.

YESAYA 25:12

Bibii-ntengiyaalo Moab wau didii-ngingaalo meesliilio u molanggato maloloo-hubuo lo Eeya wau pomahulo-Lio ode huta tunggula motoyopu debo odelo peaahuo̒.

YESAYA 25:2

Kota boito mailantulu lo Eeya; kota obiintengi boito lowali tuodu. Bele biluloa̒ saaha li olongia u bilongu lotau deli malo aantulu, wau diilalo bilongulio u ohiheo-hiheolo mao̒.

YEREMIA 31:5

Timongoli mamomuo̒ ilengi lo angguru to hihui̒-hui̒dea lo Samaria, wau tamopomulo mamolipu hungolio olo.

YEREMIA 51:25

Wuu Babel, yio̒ debo odelo hui̒du u mopoa̒ntulu ngoilanggubu dunia. Bo Wau̒, Eeya, mamoluwali olemu. Yio̒ mabantanga-U̒ wau polilidu-U̒ boli poluli-U̒ pobuolio mowali maahu.

YEREMIA 51:37

Lipu boito mamowali huuntua lotuodu, tambati potituua̒ apula lohuta. Tau molaasa timihela hapato moo̒onto mao̒, wau diaaluo penu boli ngotaa mao̒ tamohuto motibiluloa̒ mola teto.

YEREMIA 9:11

Eeya lotahuda mai, “Yerusalemu mapowaliyo-U̒ tuodu tambati potituua̒ lo apula oa̒ayua. Kokoo-tawaalo Yehuda mamowali moliilo, tambati u diilalo poti-tomeleaalo.”

HIYONGO MOPOILAALO SUUSA 4:1

Hulawa hei̒nta-intaawa malowali lou̒le boboo-tuwaalo Bele lo Allahu Taa̒ala helo pupuulepe todalo.

YEHESKIEL 13:14

Wau̒ oniyati u mopolohubu dingingo meeseli u piladeta limongoli wolo tilo boito, poa̒a-mbulatilio tilinggula meitolaa pandeminilio wambao̒. Dingingo meeseli boito mamolemba wau momte-mateelo mao̒ olimongoli ngoa̒amila. Yi mao̒taawa limongoli deu̒ Wau̒ulo Eeya.

AMOS 5:11

Timongoli hemodeehe taa mosikini wau palelio yilambati mongoli. Sababu uito timongoli diila tamo tibiluloa̒ todelomo bebeeleemu u ngoa̒amilalo dadaata, u mabilongu limongoli boito. Timongoli diila tamongilu angguru monto ii̒-lengiyalo angguru u pilomulo limongoli.

AMOS 6:8

Wolo pintalo Eeya Taa Laba-labaalo kawasa wau Laba-labaalo molanggato malo poe̒ela mai utie, “Wau̒ molonua̒ to osombongi umati lo Isirai̒lu; Wau̒ diila sanangi wolo bebee-leyaalo biluloa̒ saaha li olongia limongolio u ngoa̒amilalo dadaata. Tiilo lokota limongolio wolo ngoa̒amila uwoluo todelomio mawuduwo-U̒ ode musu.”

MIKHA 3:12

Sababu ololeetumu boito, Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali huta u datahu wau luasi u pilobutua lo aa̒a-yuwaalo kekeei̒.

HABAKU 3:13

Eeya modiambanga momaju u mopo lopato umati lo Eeya wau u mopoa̒ahu olongia tatiluaoto Eeya. Tilotao̒ Eeya lodehu tau̒wa lotaa moleeto, yiloloopu lo Eeya tunggula lopulito ngoa̒amila tahidudua̒ olio.

MATIUSI 24:2

Ti Isa lotahuda mao̒ ode limongolio, “Wolo timongoli moo̒onto mota ngoa̒amilalo boito? Ototai mao̒, diaaluo penu boli botu ngobotu monto huhuu-dunguwaalo boito mameitolaa susuusungi to tambatilio. Ngoa̒amilalo mapo lohubuwolo.”