MIKHA 1:4 - KITABI HABARI MOPIOHE

⁴ Huhuu-ideyaalo lodidi towalungo baa̒a-Tio debo odelo talu todelomo tulu u lei̒-lei̒ita; hutalio yiloohu ode luluu-mbayaalo, debo odelo taluhee toitaato huludu tolotolohe mola ode walungo.

MIKHA 1:4 ပူးပေါင်းရင်းမြစ်များ

JABURU 46:6

Allahu Taa̒ala bilubiluoa̒ mola teto, yi kota boito diila tabinaasa; Eeya mamo tulungi mao̒ tou̒ tinelo monto wela-welaama to hulungo mobutu mai.

JABURU 68:2

Allahu Taa̒ala tilimihulo helopo bubuua̒lawa musu-Lio, taa u molonua̒ to Eeya tilumeteo̒ lonto talu lo Eeya.

JABURU 97:5

Huhuu-ideyaalo modidi debo odelo talu totalu lo Eeya, totalu lo Eeya, takaawasa ngoilanggubu dunia.

AMOS 9:5

Dunia molotau̒lo wau ulipulio motilimi, sababu tilenggulo Eeya Taa Laba-labaalo molanggato wau Laba-labaalo kawasa. Debo odelo Dutulaa Nili mobotulo wau molaahu odi-odieelo mola timongolio mobotula mola tulusi modehu.

NAHUM 1:5

Huhuu-ideyaalo hulu-huluhelio totalu-Lio; wau huludu olo mowali taluhu ngoa̒amila. Wonu Eeya motibilohei, huta hulu-huluhelio, dunia wau ngoa̒amila tuangio hulu-huluhelio

HABAKU 3:10

Moo̒onto to Eeya, huhuu-ideyaalo molotau̒lo lonto hulungo lotuhutai didi debo odelo leihuatai. Taluhee towalungo huta hula-hulaubio sualaalio, buo̒olio liliilibe wau mobuo̒ola daa̒.

HABAKU 3:6

Wonu Eeya mohuheli, dunia hulu-huluhelio; wonu Eeya momilohe, babaa-ngusawalo geegeri. Huhuu-ideyaalo u ohiheo-hiheolo mao̒ mobubuutaa̒; huhuu-luduwaalo u ohiheo-hiheolo mao̒ olo motiwopa, to huhuu-luduwaalo boitolo Eeya lononao̒ tumulalo jamani muloololio daa̒.

JAKARIA 14:4

To dulahee boito Eeya matimihula to Huludu Jaitun, to ambahu tiimuru lo Yerusalemu. Yi Huludu Jaitun mamobutao̒ sababu lumbaya u luasi, tumulalo mai monto tiimuru, demola otolopa. Ngotayadu lohuludu boito mau̒moliyoo̒ ode tilayo, wau ngotayade poli ode huliaalio.

WAHI 20:11

Lapatao̒ uito watia loo̒onto mola tambati huhuloa̒ li olongia moputio̒ tuwau uleidaa̒ wau Tio tahulo-huloa̒a toitaatio. Hulungo wau dunia yilooli lonto talu-Lio, tilinggula diilalo iloontonga.

MONGO HAKIMU 5:4

Tou̒ Eeya lomonggata lonto Seir, yaa Eeya, wau madala lo Edom tilolaa mao̒ lo Eeya, dunia hilumehela, papaa-njurawalo hulungo olo lohuo̒, wau hehee-ngowaalo lopo tuhutai taluhio.