MIKHA 1:16 - KITABI HABARI MOPIOHE

¹⁶ Wuu taulo Yehuda, huntingilo huwou̒mu odelo tuoto motilimi duo̒lo mongo walau̒mu tao̒tolia̒ngi mongoli. Uluheelo lunggongumu tunggula dayato debo odelo bulungi moongaala milate, sababu mongo walau̒mu mabintao̒lo ode polayahu.

MIKHA 1:16 ပူးပေါင်းရင်းမြစ်များ

OLUO MONGO OLONGIA 17:6

– u debo odelo taunu otiolio pamalenta lei Hosea – tei Salmaneser lohama Samaria. Lapatao̒ taulo Isirai̒lu bilintai̒o odelo tawalo ode Asyur. Ngotayadu limongolio pilopo tambatilio tokota Halah, wau ngotayadu totili lo Dutulaa Habor to madala Gojan, wau ngotayadu poli to kokoo-tawaalo tolipu lo Madai.

AYUBA 1:20

Lapatao̒ tilimihula mola tei Ayuba wau helo ngaidinga pakeyangilio tuotio limilimi. Tio longuluheo̒ lunggongio, tulusi losujudu

YESAYA 15:2

Ulipu lo Dibon mamotao̒de huludu mola humoyongo totambati polubowalo dedeewaalo. Ulipu lo Moab wolo suukali humoyongo wolo usuukali lohilao kota Nebo wau Medeba. Timongolio monguluhe lunggongo wau danggu odelo tuoto ilopatea.

YESAYA 22:12

Tou̒ boito Eeya Taa Laba-labaalo molanggato wau Laba-labaalo kawasa mopoa̒hu olimongoli humoyongo wau mohilimuta, monguluhe lunggongo wau momake kaingi kado.

YEREMIA 16:6

Taa kaya wau taa mosikini tolipu botie maamate lou̒ diaaluo tamolobungo olimongolio. Diaaluo penu boli ngotaa mao̒ tamopo sikisa batanga meaambo mopodayato lunggongio odelo tuoto motilimi ode limongolio.

YEREMIA 4:8

Sababu uito, pohiyongolo wau pohilimutolo mola, pomakeelo kaingi yute tuotio ilopatea. Sababu muluka lo Eeya uwali-walihuhu debo diipo yiloole ode Yehuda.

YEREMIA 47:5

Taulo Gasa odungga lou̒ suukali daa̒ lohilao; ulipu lo Askelon motipoo̒yo. Tunggula omolua taulo Pilistin tai̒lo labita tulusi motilimi?

YEREMIA 6:26

Eeya lotahuda mai to umati-Lio, “Pomakea mao̒ kaingi kado wau potiilili-liliidulo todelomo peaahuo̒. Potilimilo mola wau hiyongolo wolo suukali lohilao debo odelo talo hiyongao̒ ilopatea lo walai̒o u bo tuwau, sababu tamoo-pobinasawa debolo mamoluhu mai olimongoli.”

YEREMIA 7:29

Eeya lotahuda mai, “Wuu ulipu lo Yerusalemu, potilimilo mola! Huntingilo huwou̒mu wau tapilaalo! Polahua mola lahu hilimuta toitaato boboo-litutuo̒walo to hihui̒-hui̒dea, sababu Wau̒, Eeya, donggo muluka wau malo potouli olimongoli ngoa̒amila.

HIYONGO MOPOILAALO SUUSA 2:19

Pobongulo wuwuulia mola oo̒onua u monguatio̒ mopolualao̒ ngoa̒amila tuango hilaamu ode Eeya. Pohileaalo alihu Eeya modehu hilao tomongo walau̒mu u hipolaango wau bilotoo̒ to timii̒du siku lodalalo.

AMOS 7:11

Tio hemoloi̒ya deu̒ ti Olongia maamate todelomo popaatea, wau taulo Isirai̒lu tantu mabintao̒lio ode polayahu, molaminga monto lipulio lohihilao.”

AMOS 7:17

Eeya lotahuda mai deu̒ dilemu mamowali suuntali to dadaa-lalaalo kota, wau mongo walau̒mu pateelio mate-mateelo mao̒ todelomo popaatea. Hutamu mataya-tayadulio ode taa wewo, wau yio̒ lohihilao maamate tolipu lotaa udiila motota to Eeya. Ulipu lo Isirai̒lu tantu mabintao̒lio mota ode polayahu, molaminga monto lipulio lohihilao.”

AMOS 8:10

Raraa-meyangimu malomelo-U̒ mowali lapali pololimi, wau lalaahumu mowali hilimuta. Wau̒ mamohutu mai olimongoli monguluheo̒ huwou̒mu wau momake kaingi yute tuoto lou̒ suukali lohilao. Timongoli mamowali debo odelo tiilo wau tiyamo tamo hiyongao̒ opopate lo walai̒o tatuwa-tuwaulo. Dulahee boito mamo paluto wolo laba-labaalo moo̒suukali hilao.”

TINGULI 28:41

Timongoli mamoo̒tapu walao̒ talolai̒ wau taabua, bo timongolio mahamaa limongolio odelo tawalo lo popaatea, tilinggula timongoli oolia limongolio.