MIKHA 1:10 - KITABI HABARI MOPIOHE

¹⁰ Diila mao̒ poo̒taa ode mumuu-suunto to Gat pasali lo baalaanto; diila mao̒ polulia timongolio moo̒onto olimongoli hiyo-hiyoongo. Wuu ulipu lo Bet-Le-Apra, potililidulo mola todelomo peaahuo̒ odelo tuoto lopulito halapani!

MIKHA 1:10 ပူးပေါင်းရင်းမြစ်များ

OLUO LO SAMUEL 1:20

Pohileaala dua̒ tau-tauwalo Gat diila moo̒dungohe habari boito. Pohileaala dua̒ huhuu-lupiwaalo Askelon diila moo̒tapu habari pasali leeto. Diila bolo taabua lo Pilistin mongua-nguatio̒ wolo meengahu diila bolo taabua kaapiru lame motingalao̒.

AYUBA 2:8

Lapatao̒ tei Ayuba lotihuloa̒ totili huntua lo puputo, wau lohama poo̒ lo ulongo u longahu-ngahu wawai̒o.

YEREMIA 6:26

Eeya lotahuda mai to umati-Lio, “Pomakea mao̒ kaingi kado wau potiilili-liliidulo todelomo peaahuo̒. Potilimilo mola wau hiyongolo wolo suukali lohilao debo odelo talo hiyongao̒ ilopatea lo walai̒o u bo tuwau, sababu tamoo-pobinasawa debolo mamoluhu mai olimongoli.”

HIYONGO MOPOILAALO SUUSA 3:29

Huliilo mao̒ ito mopodupapa batanga wau taa̒aluku, sababu otanu halapani donggo woluo.

AMOS 5:13

Sababu huhutuumu boito, yi tau-tauwalo tahi tinepawa molaasa lebe mopiohe motipoo̒yo wambao̒ tomaasa u moleeto debo odelo uito.

AMOS 6:10

Ngotaalio lo pongawaa̒ ngaalaa̒ tao̒ tuugasi monguulusi polobungala olio, mamonao̒ mai wau modelo lumualao̒ milate lo tamaniilio. Tio mamo ngiibodeo̒ totaa uwoluo towimbihu dibalaka lobele boito, “Wolo donggo woluo tatumu-tumulo ngopohia yio̒?” Yi mao̒dungohe mai totameta, “Diila!” Pongawaa̒ longaalaa̒ tao̒ tuugasi molobunga milate boito mamoloi̒ya, “Diilalo pobisala! Ito diila mowali mongunte tanggulo Eeya.”