MIKHA 1:1 - KITABI HABARI MOPIOHE

¹ Tei Mikha asaliilio mai lonto kota tuwau mooyoto, u ilunte Moresyet. Tomaasa lipu lo Yehuda pilalenta tutuuntunga mola li Olongia Yotam, Ahas wolei Hiskia, tei Mikha lololimo tahuli lo Eeya pasali lo Samaria wau Yerusalemu.

MIKHA 1:1 ပူးပေါင်းရင်းမြစ်များ

OLUO MONGO OLONGIA 15:32

To taunu oluolio pamalenta li Olongia Pekah walae̒e Remalya to Isirai̒lu, tei Yotam walae̒e Ujia lowali olongia lo Yehuda.

OLUO MONGO OLONGIA 15:5

Eeya lohutu mai olio ilongongoto lo alipo u moo̒tihela hapato, wau tunggula tio yilate, ngongotio boito diila loluli. Tio pilopo tihilio tobele ngowale wau yilopatio lonto tuugasilio. Tei Yotam walai̒o talolai̒ helo malenta ulipu odelo wakiliilio.

OLUO MONGO OLONGIA 16:1

To taunu opulaa pitu pamalenta li Olongia Pekah walae̒e Remalya to Isirai̒lu, tei Ahas walae̒e Yotam lowali olongia lo Yehuda.

OLUO MONGO OLONGIA 18:1

To taunu otolulio pamalenta li Olongia Hosea walae̒e Ela to Isirai̒lu, tei Hiskia walae̒e Ahas lowali olongia lo Yehuda.

OLUO TAWARI 28:1

Tei Ahas lowali olongia to umulu dulo pulu lotaunu, wau tio helo malenta to Yerusalemu mopulaa wolomo taunu mola hiheolio. Tio diila heloo̒ baaya u mopiohe lonto oli Olongia Dauda loluuhurulio, bo helohutu udiila loo̒sanangi hilaa lo Eeya.

OLUO TAWARI 29:1

Tei Hiskia lowali olongia lo Yehuda to umulu dulo pulaa limo lotaunu, wau helo malenta to Yerusalemu dulo pulaa tio lotaunu mola hiheolio. Tiilolio ilunte Abia walae̒e Jakaria.

YESAYA 1:1

Buku botie tuatuanga tataa-huliyaalo pasali lo Yehuda wau Yerusalemu u piloi̒laalo Allahu Taa̒ala odelei Yesaya, walae̒e Amos, tou̒ tei Ujia, Yotam, Ahas wolei Hiskia hemo malenta to Yehuda.

YESAYA 1:2

Podungohulo wuu hulungo, poo̒tuotalo wuu dunia! Eeya lotahuda, “Tau̒kekeei̒ tamaa dilaaha-U̒ helo malakala to Olau̒.

YESAYA 7:1

Ti Olongia Ahas yito walao̒ talolai̒ lei Yotam wombu lei Ujia. Tou̒ tio hemo malenta Yehuda, malopoo̒ popaatea. Tei Rejin olongia lo Siria, wolei Pekah walao̒ talolai̒ lei Remalya olongia lo Isirai̒lu, mai loluhu Yerusalemu. Bo diila ilohama limongolio kota boito.

YESAYA 7:9

Isirai̒lu diila lebe molotola wolo Samaria, tiilo lokotaalio, wau Samaria diila lebe molotola woli Olongia Pekah. Wonu timongoli diila tio̒otuta yakini to Olau̒, tantuulo mao̒ timongoli diila moo̒ taahangi.”

YEREMIA 26:18

“Tou̒ tei Hiskia lowali olongia lo Yehuda, ti Nabi Mikha lonto Moresyet lopo tunggulai ode ulipu loi̒ya botie lonto Eeya Taa Laba-labaalo kawasa, ‘Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali oa̒ayua.’

HOSEA 1:1

Uti-utieelo tahuli uilohi mai lo Eeya odelei Hosea walae̒e Beeri tomaasa yilaidia lo Yehuda totoo-yunuta mola pilalenta li Olongia Ujia, Yotam, Ahas, wau Hiskia, wau yilaidia lo Isirai̒lu pilalenta lei Yerobeam walae̒e Yoahas.

HOSEA 4:15

Wuu timongoli taulo Isirai̒lu, timongoli diila tatapu wau molotolo hilao to ola-U̒! Bo halapuwo-U̒ Yehuda diila mohutu totala u tutuuwauwa! Diila mao̒ poi̒baadati to Gilgal meaalo to Betel. Diila mao̒ potadia mola teto domi tanggulo Eeya tatumu-tumulo.

HOSEA 8:14

Taulo Isirai̒lu helomongu bebee-leyaalo biluloa̒ saaha li olongio, bo timongolio helo malongo to Talopowali mai olimongolio. Taulo Yehuda helo poo̒daata kokoo-tawaalo obiintengi, bo Wau̒ mamopo tuhutai tulu u momobu tunggula maahu bebee-leyaalo biluloa̒ saaha li olongia wau kokoo-tawaalo limongolio.”

AMOS 1:1

Tei Amos yito ngotaalio diiti lohimba lonto kota Tekoa. Tio lowali nabi tou̒ lipu lo Yehuda pilalenta li Olongia Ujia, wau Isirai̒lu pilalenta li Olongia Yerobeam, walao̒ talolai̒ lei Yoahas. Dulo taunu mola tou̒ diipo lotoduo mai liluhu, Allahu Taa̒ala lopoi̒laalo odelei Amos susuu-aliyaalo tomimbihu Isirai̒lu.

AMOS 6:1

Matilopotala timongoli tatumu-tumula hisanangia to Sion, wau timongoli tamolaasa aamani to Samaria – timongoli wuu tahi otanggulawa todelomo ulipu bangusa lo Isirai̒lu tapolu-polutuo̒ botie, timongoli tabiasaalio henao̒o mai lo lipu u mei̒tulungi!

MIKHA 1:5

Ngoa̒amila boito mamotoduo sababu taulo Isirai̒lu odusa wau lomintaa̒ tingolo ode Allahu Taa̒ala. Tatoonu taloo̒ sababu Isirai̒lu ilodusa? Diila maa Samaria tiilo lokotaalio lohihilao? Tatoonu taloo̒ sababu Yehuda lolubo balaahala? Diila maa Yerusalemu lohihilao?

MIKHA 3:9

Dungohiilo tataa-heyaalo lowatia botie, wuu timongoli tahi kawaasawa to Isirai̒lu tamolonuo̒ u aadili wau helopo loloombulia u otutu.

HABAKU 1:1

Uti-utieelo tahuli u piloilaalo mai lo Eeya odeli Nabi Habaku.

2 PETRUS 1:21

Sababu diila pee̒enta mao̒ tahuli monto Allahu Taa̒ala pilopo habari bo modudua̒ otohilaa lomanusia. Bo Rohullah motolo kawasa totaa umopo tunggulo tahuli monto Allahu Taa̒ala lohihilao.