MATIUSI 5:9 - KITABI HABARI MOPIOHE

⁹ Potisanangilo tutu tamopo toduo dame towolota lomanusia; Allahu Taa̒ala mamomasisi mai olimongolio odelo mongo wala-I̒o!

MATIUSI 5:9 ပူးပေါင်းရင်းမြစ်များ

IBRANI 12:14

Potolo panilo u tumumulo lou̒ mopiohe wau dame wolo taa ngoa̒amila. Potolo panilo olo u tumumulo mantali, tolomodu ode Eeya. Sababu diaaluo penu boli ngotaa mao̒ mowali moo̒onto Eeya wonu tio diila tumumulo debo odelo uito.

ROMA 12:18

Monto olimongoli, potolo panilo lou̒ tio̒otutua u tumumulo dame wolo taa ngoa̒amila.

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

JABURU 120:6

Malotuuu̒de hiheolio watia lotibiluloa̒ pee̒-pee̒enta wolo tau-tauwalo tadiila motohilaa dame.

ROMA 8:14

Tau-tauwalo tadilelo lo Rohullah, deu̒yito-yitomongo walao̒ Allahu Taa̒ala.

LUKASI 6:35

Musiilio diila odito! Timongoli bolii̒o mao̒ musi motolia̒ngo musuumu wau mohutu u mopiohu toli mongolio. Timongoli musi mopobulotao̒, wau diila mao̒ pohalapu muli powalingolio mai. Wonu odito, wuupamu mau̒daa̒ wau timongoli mamowali mongo walao̒ Allahu Taa̒ala Taa Laba-labaalo molanggato. Sababu Allahu Taa̒ala mopiohe hilaa ode taa diila motota mongohi sukuru, wau ode taa moleeto olo.

2 KORINTUS 13:11

Pulitio mao̒, Mongo wutato, mamusi timongoli motiwengahe, wau potolo panilo mowali wimu-wimumuto ngoa̒amilalo. Tolimowalo ngoa̒amila naseehati lowatia. Mamusi timongoli ngohilao wau tumumula mopiohe wau dame. Allahu Taa̒ala Taa Laba-labaalo ponu wau tamoo-podamea boito mapee̒-pee̒enta woli mongoli.

KOLOSE 3:13

Timongoli musi sabali ngota timongota, wau moa̒aa̒mbungua wonu woluo taa oniyati ode taawewo. Eeya wolo hilaa sanangi longambungu olimongoli, oditolio timongoli olo musi mohuto mongambungu ngota timongota.

JABURU 34:12

Dungohilo, wuu tau̒kekeei̒ ngoa̒amilalo, aajaliyou̒ timongoli mohurumati to Eeya.

MATIUSI 5:48

Allahu Taa̒ala limongoli tosologa momonu mai ngoa̒amila tau wolo wimu-wimumuto ngoa̒milalo. Timongoli olo musi odito.”

2 KORINTUS 5:20

Oditolio amiaatia yito mongo utolia li Almasi. Lotimbulude olamiaatia Allahu Taa̒ala lohihilao talopo tunggulai tahuli-Lio. To tangguli Almasi, amiaatia wolo tio̒otutua mohalapu, tolimowalo wuwudu uluu̒ lo Allahu Taa̒ala talo poo̒wali mai olimongoli luli lopiiohe wo-Lio.

WUNGGULI LOMONGO RASULU 7:26

Loombulio mola tio loo̒onto poli duulota taulo Isirai̒lu donggo hemolohulua, tulusi tio lotolopani u mopodame olimongolio. Tio loloi̒ya mao̒, ‘Timongoli botie mohutato. Yilongola timongoli hemolohulua?’

MATIUSI 5:45

Alihu timongoli mowali mongo walao̒ Allahu Taa̒ala limongoli tato sologa. Sababu Allahu Taa̒ala mopobutu mai mato lodula-Hio ode taa u mopiohe wau ode taa u moleeto olo. Allahu Taa̒ala mopo tuhutai didi ode taa hipohutua u otutu wau ode taa hipohutua umoleeta olo.

BOHULO TAWARI 12:17

Tei Dauda lodunggaya woli mongolio wau loloi̒ya mao̒, “Wonu timongolio odia mai odelo sahaabati u motulungi olau̒, ntali poa̒aitalo mai wolami. Tolimoo lami timongoli wolo hilaa sanangi. Bo wonu timongoli omaksudu mohiyanati olau̒ to musu, yi penu boli wau̒ diila mohutu mao̒ u moleeto olimongoli, yi Allahu Taa̒ala tahe tuboo loluuhurunto motota leeto, wau Eeya mamo hukuumani mai olimongoli.”

1 KORINTUS 6:6

Bo bolii̒o mao̒ ngotaalio lo Nasara lonao̒ ode taa diila Nasara u lopodulohe palakalalio to wutatio taa Nasara.

PILIPI 4:2

Wutato ti Euodia wau Wutato ti Sintike! Pohile lowatia tio̒otutua alihu Wutato ngohilao odelo tau-tauwalo tango iimani.

LUKASI 20:36

Owowoluwoa limongolio debo odelo malai̒kati, wau diila mowali mate. Timongolio yito mongo walao̒ Allahu Taa̒ala, sababu timongolio maluli bilongulio mai lonto opopate.

EPESUS 4:1

Uito sababuulio watia – tau ngota lotutupa, tau̒ tataahangi sababu hemomaya to Eeya – mohile lou̒ tio̒otutua olimongoli: poti tumulolo motuuu̒de wolo huhuloa̒a limongoli debo odelo taamaa tiliyango Allahu Taa̒ala.

ROMA 8:16

Rohullah pee̒-pee̒enta wolo rohunto mopoi̒laalo mai deu̒ ito yito mongo walao̒ Allahu Taa̒ala.

ROMA 8:19

Ngoilanggubu aalamu malo hiwoolola hemohima wakutuulio lo Allahu Taa̒ala mopoi̒laalo mai mongo wala-I̒o.