MATIUSI 4:3 - KITABI HABARI MOPIOHE

³ Ibilisi lonao̒ mai ode o-Lio wau loloi̒ya mao̒, “Yio̒ botie Walao̒ Allahu Taa̒ala, diila odito? Nte ahuli mao̒ boboo-tuwaalo botie mowali roti.”

MATIUSI 4:3 ပူးပေါင်းရင်းမြစ်များ

PILOTIMUA̒TA 16:3

Uali mongolio, “Lebe mopioheo̒ wonu humayaalio ami mailate pilate lo Eeya yila-yilateelo mao̒ to Masiri. Mola teto ngoi̒diilio ami mowali motihuloa̒ molamela tapu wau roti tunggula mobutuhu. Bo timongoli malodelo olami odia mai alihu ami ngoa̒amila mate lopolaango.”

MATIUSI 14:33

Yi tahidudua̒ li Isa malo sujudu lolubo o-Lio. Timongolio malo loi̒ya, “Otutu Eeya yito Walao̒ Allahu Taa̒ala!”

MATIUSI 16:16

Tei Simon Petrus lolametao̒, “Ti Paaa̒ yito Olongia Tamoo-poa̒ahua Walao̒ Allahu Taa̒ala Tatumu-tumulo.”

MATIUSI 26:63

Boti Isa wambao̒ lotipoo̒oyo. Donggo pee̒entapo ti iimamu daa̒ loloi̒ya mao̒ o-Lio, “Domi Allahu Taa̒ala tatumu-tumulo, polelea mai olami wolo Yio̒ botie Olongia Tamoo-poa̒ahua, Walao̒ Allahu Taa̒ala?”

MATIUSI 3:17

Lapatao̒ dungo-dungohei suala lo Allahu Taa̒ala lotahuda mai, “Tabotieelo walau̒u-U̒ tapilonu-U̒. Tio moo̒sanangi hilaa-U̒.”

MARKUSI 1:1

Uti-utieelo Habari Mopiohe pasali li Isa Almasi, Walao̒ Allahu Taa̒ala.

MARKUSI 3:11

Wau tahe ilotuanga lorohu u moleeto, timii̒du moo̒onto o-Lio, tulusi wambao̒ hemo sujudu mola totalu-Lio wau hemo nguatia̒, “Yio̒olo Walao̒ Allahu Taa̒ala!”

MARKUSI 5:7

Wolo suala daa̒ tio longuatio̒, “Isa Walao̒ Allahu Taa̒ala Taa Laba-labaalo molanggato! Mapongola-Mu watia botie? Domi Allahu Taa̒ala, watia momolohone diila mao̒ sikisai watia!” (

LUKASI 1:35

Malai̒kati boito malo lametao̒, “Rohullah mamei dungga mai ode olemu, wau kawasa lo Allahu Taa̒ala mamo henggubei olemu. Uitolo sababuulio walao̒ tapotutumu mai boito mau̒nteelo Mantali, Walao̒ Allahu Taa̒ala.

LUKASI 22:70

Yi timongolio ngoa̒amila malo loi̒ya, “Wonu odito, Yio̒ botie Walao̒ Allahu Taa̒ala?” Ti Isa lolametao̒, “odito uali mongoli.”

LUKASI 4:3

Ibilisi loloi̒ya mao̒ o-Lio, “Yio̒ botie Walao̒ Allahu Taa̒ala, diila odito? Oditolio, nte ahuli mao̒ botu botie mowali roti.”

LUKASI 4:41

Roroo-huwaalo u moleeto boito olo yilumualao̒ lonto taa dadaata boito, sambela wuwa-wuwaatia̒, “Yio̒olo Walao̒ Allahu Taa̒ala!” Boti Isa longantinga olimongolio wau lodini olimongolio mobisala, sababu otaawa limongolio deu̒ Tiolo Olongia Tamoo-poa̒ahua.

LUKASI 4:9

Lapatao̒ Ibilisi malodelo li Isa ode Yerusalemu wau lopotihula mola o-Lio to bolitutuo̒ Bele lo Eeya wau loloi̒ya mao̒ o-Lio, “Yio̒ botie Walao̒ Allahu Taa̒ala, diila odito? Oditolio, potidehulo mola monteea.

YAHYA 1:34

Watia lohihilao maloo̒onto o-Lio,” ualei Yahya, “wau watia mongohi mai sakusi deu̒ Tioolo Walao̒ Allahu Taa̒ala.”

YAHYA 1:49

“Paaa̒ Guru,” loi̒ya mao̒ lei Natanael, “ti Paaa̒ yito Walao̒ Allahu Taa̒ala! Ti Paaa̒alo Olongia bangusa lo Isirai̒lu!”

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

YAHYA 9:35

Ti Isa loo̒dungohe deu̒ tau boito mailinggi limongolio lonto bele potabiaalo. Tio malo lolohe tau boito lapatao̒ lotahuda olio, “Wolo yio̒ palacaya to Walao̒ Manusia?”

WUNGGULI LOMONGO RASULU 9:20

Tio tulusi lonao̒ ode bebee-leyaalo potabiaalo wau lolumula helo pohabari deu̒ ti Isa boitolo Walao̒ Allahu Taa̒ala.

2 KORINTUS 1:19

Sababu ti Isa Almasi, Walao̒ Allahu Taa̒ala, Tapilo habari mai olimongoli lei Silas, Timotius, wau laatia lohihilao diila tau “Joo” wau “Diila”. Bolii̒o mao̒ Tio debo odelo totametai, “Ooo̒” monto Allahu Taa̒ala.

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

1 TESALONIKA 3:5

Uitolo sababuulio watia molao mai olei Timotius, sababu watia ohilaa daa̒ motota woloolo mola ololaii̒ mongoli todelomo sua̒li palacaya li Almasi. Watia molawalo bolo Ibilisi moo̒ heinga olimongoli tilinggula ngoa̒amila tolopani tioopate daa̒ lamiaatia mowali dia ohuna.

IBRANI 12:16

Poo̒dahai mao̒ alihu diila bolo woluo tatumumulo huloto meaalo diila motolongaku susuu-aliyaalo urohu, debo odelo u pilohutu lei Esau. Tio lopotali hakuulio odelo walao̒ tamohuhula daa̒, bo duo̒lo ua̒alo ngomanggo.

IBRANI 4:14

Uitolo sababuulio ito musi mopoo̒ toheeto modihu tou̒ pilongakua opopalaa-cayanto. Sababu ito o Iimamu Daa̒ uleidaa̒, tamaa tilumuwoto demola ode talu lo Allahu Taa̒ala – Tiolo ti Isa Walao̒ Allahu Taa̒ala.

IBRANI 7:3

Tomimbihu olei Melkisedek botie diaaluo mao̒ tombango penu boli tou̒toonu deu̒ tio otiyamo meaalo otiilo meaalo onene moya; diaaluo olo tombango pasali pilotutua olio, meaalo opopatelio. Tio tutuuwauwa debo odelo Walao̒ Allahu Taa̒ala; tio yito iimamu tabakaa.

1 YAHYA 3:8

Bo taa u mohutu dusa mololaalaaita yito walao̒ Ibilisi, sababu Ibilisi odusa tumulalo mai bohulio. Masababu uitolo Walao̒ Allahu Taa̒ala meidungga, deu̒ito-yito mai mongantulu kalaja lo Ibilisi.

WAHI 2:10

Diila mao̒ oohe to dudutolo udiilalo mohiheo musi olaasawa limongoli. Eelai mao̒, Ibilisi mamopo tuwoto ngotayadi mongoli ode delomo tutupa u mohimontala olimongoli. Timongoli mamodutolo mopulu hui mola hiheolio. Mamusi timongoli tatapu wau molotolo hilao to ola-U̒ tunggula mate, yi Wau̒ mamongohi mai olemu tutumulo u tutuulio tutu wau ohiheo-hiheolo mao̒ odelo palaseni lo ohohaama.