MATIUSI 3:2 - KITABI HABARI MOPIOHE

² “Polilihulo monto duduu-sawaalo limongoli,” ualio mao̒ “sababu Allahu Taa̒ala mahua̒a momalenta odelo Olongia!”

MATIUSI 3:2 ပူးပေါင်းရင်းမြစ်များ

BOHULO MONGO OLONGIA 8:47

pohileaala dua̒ Eeya modungohe dua̒ limongolio. Wonu bolo tolipu boito timongolio mololaa mao̒ duduu-sawaalo limongolio, wau modua̒ mola ode Eeya sambela motolongaku mao̒ deu̒ timongolio mailodusa wau helohutu u moleeto, ambunguolo dungohilo mai dua̒ limongolio, yaa Eeya.

AYUBA 39:12

Wolo palacayamu sapi boito mohimoa̒ sembomu, wau modelo mai ode tambati hepo lotaa̒amu sembo?

AYUBA 42:6

Masababu uito watotia moolito moe̒ela mola totoonulalo loi̒ya lowatotia wau wolo lolee̒ watotia helo tihuloa̒a to peaahuo̒ wau wahu.”

YEHESKIEL 33:11

Polelea mao̒ olimongolio deu̒ domi Wau̒, Allahu Taa̒ala tatumu-tumulo, Eeya Taa Laba-labaalo Molanggato, Wau̒ diila sanangi wonu taa moleeto mate; bolii̒o mao̒ Wau̒ motohilaa tio mololaa mao̒ duduu-saalio alihu tio debo tumutumulo. Wuu bangusa lo Isirai̒lu, pohuhelilo mohutu u moleeto! Yilongola timongoli ohilaa mate?

DANIALI 2:44

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.

MATIUSI 10:7

Pohabaria mao̒ olimongolio deu̒ Allahu Taa̒ala mahua̒a momalenta odelo Olongia.

MATIUSI 11:20

Lapatao̒ ti Isa malo hentea̒ kokoo-tawaalo, tambati tou̒toonu hepilo hutua-Lio dadaata daa̒ u moo̒linggolabu. Sababu tau-tauwala to kokoo-tawaalo boito diila lohuto lolilihu lonto duduu-sawaalo limongolio.

MATIUSI 12:41

To Dulahu Kiama, tuango lipu lo Niniwe mamobongu mai pee̒-pee̒enta wolo tau-tauwalo tojamani botie wau mamopo tuludu olimongolio. Sababu tau-tauwalo Niniwe boito malo lilihu lonto dusa limongolio, tou̒ tei Yunu lohutuba to limongolio. Bo teea botia woluo talebe udaa̒ mao̒ wolei Yunu!

MATIUSI 13:11

Ti Isa lolametao̒, “Sababu timongoli mailohia ponu u motota mao̒ hitua-tuawua u sangaja tiluuo̒ alihu diila otaawa pasali lou̒ woloolo mola Allahu Taa̒ala momalenta, hiambola timongolio diila.

MATIUSI 13:24

Ti Isa luli lohungguli mao̒ pohumaya tuwau totaa dadaata, tahuda-Lio, “Wonu bolo Allahu Taa̒ala momalenta owowoluwoalio debo odelo pohumaya botie: Ngotaalio lo tamoo-mengia lomua̒yade bili mopiohu to halabolulio.

MATIUSI 13:31

Ti Isa luli lohungguli mao̒ pohumaya tuwau totaa dadaata, tahuda-Lio, “Wonu bolo Allahu Taa̒ala momalenta owowoluwoalio debo odelo pohumaya botie: Sawi ngobotu hilama lo tahingota-ngotaawa, tulusi pilomulolio to halabolulio.

MATIUSI 13:33

Woluo pohumaya tuwau uwewo yilungguli mao̒ li Isa totaa dadaata. “Wonu bolo Allahu Taa̒ala momalenta owowoluwoalio debo odelo ragi u hilama lotaabua ngota, tulusi ilulaulio wolo labu lotiligu wopato pulu loliiteli tunggula lolesi ngoa̒amilalo!”

MATIUSI 13:47

“Wonu bolo Allahu Taa̒ala momalenta, owowoluwoalio pilohumaya wolo pajala upilo loladu tobulalo, lapatao̒ loo̒tapu mai tola u hidala-dalaala.

MATIUSI 13:52

Lapatao̒ ti Isa lotahuda mao̒, “Uitolo sababuulio timii̒du guru lo agama tamalowali pongawaa̒ umati lo Allahu Taa̒ala, deu̒ito-yito debo odelo ngotaalio lituani lobele talo polualo monto tambati lo halataalio babaa-langiyalo bohu wau deedelo.”

MATIUSI 18:23

Sababu wonu bolo Allahu Taa̒ala momalenta, owowoluwoalio debo odelo pohumaya botie: Ngotaalio li Olongia motohilaa mopoo̒ lapato bibii-loliyaalo lomongo watolio.

MATIUSI 20:1

“Wonu bolo Allahu Taa̒ala momalenta, owowoluwoalio debo odelo pohumaya botie: Ngotaalio taa ohuu̒wo ilengi lo angguru yilumualo tou̒ dimodupo mololohe taa u mokalaja to ilengi lo anggurulio.

MATIUSI 22:2

“Wonu Allahu Taa̒ala momalenta, owowoluwoalio debo odelo pohumaya botie: Olongia ngota helohutu potihunggu lonika ode walai̒o talolai̒.

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

MATIUSI 25:1

“Wonu bolo Walao̒ Manusia meidungga mai odelo Eeya, owowoluwoalio debo odelo todelomo pohumaya botie: Mopulu lota mongo dulahu helo lunuhe libulentiti. Ngota-ngota helohama tohe, tulusi mota lolutulai bulentiti lai̒.

MATIUSI 25:14

“Wonu bolo Walao̒ Manusia meidungga mai odelo Eeya, owowoluwoalio olo debo odelo pahumaya botie. Talolai̒ ngota ohilaa monao̒ ode tambati u molamingo. Tio malo tiangai tahi pomayalio, tulusi pilo malacayalio mao̒ halataalio to limongolio.

MATIUSI 4:17

Tumulalo mai tou̒ boito ti Isa lolumula lopo habari, “Polilihulo monto duduu-sawaalo limongoli, sababu Allahu Taa̒ala mahua̒a momalenta odelo Olongia!”

MATIUSI 4:23

To Galilea, ti Isa lomalito ngoilanggubu lipu wau helo ngaajali to bebee-leyaalo u potabiaalo. Tio helo pohabari Habari Mopiohe deu̒ Allahu Taa̒ala mamomalenta. Wau Tio olo helo poo̒luli tahi ngongota wau tahi o aibua.

MATIUSI 5:10

Potisanangilo tutu taa modutolo poloa̒linaya sababu hemohutu kahandaki lo Allahu Taa̒ala; timongolio yito pongawaa̒ umati lo Allahu Taa̒ala!

MATIUSI 5:3

“Potisanangilo tutu tamolaasa diilalo okawasa wau bolo wambao̒ hemo tiwunela mola to Allahu Taa̒ala; timongolio yito pongawaa̒ umati lo Allahu Taa̒ala!

MATIUSI 6:10

Eeyaalo Olongia lo mongowatotia. Pohileaala dua̒ Eeya momalenta todunia wau kahandaki lo Eeya dungohelio debo odelo tosologa.

MATIUSI 6:33

Oditolio, potolo anipo meimulo alihu Allahu Taa̒ala momalenta mai tutumulumu wau pohutua mao̒ kahandaki-Lio. Yi, ngoa̒amila u wewolio mawohi mai lo Allahu Taa̒ala olo olemu.

MARKUSI 1:15

Tahuda-Lio mao̒, “Allahu Taa̒ala mahua̒a molumula momalenta. Polilihulo monto duduusaamu, wau pomalacayalo to Habari Mopiohe u monto Allahu Taa̒ala!”

MARKUSI 1:4

Debo odelo u tulatulade boito, oditolo olo yilumenetai tei Yahya lonto huta datahu u luasi daa̒ wau delita. Tio helo polihu tau wau lopo tunggulo habari lonto Allahu Taa̒ala. “Timongoli musi molilihu monto duduu-sawaalo limongoli, wau musi lihualo, alihu Allahu Taa̒ala mongambungu mai olimongoli,” odito loi̒ya mao̒ lei Yahya.

MARKUSI 6:12

Yi mopulaa duulota tahidudua̒ li Isa boito malo monggato. Timongolio lonao̒ lopo loladu habari deu̒ manusia musi molilihu monto duduu-sawaalo.

LUKASI 1:16

Dadaata taulo Isirai̒lu mamuli podulungolio ode Allahu Taa̒ala, Eeya limongolio.

LUKASI 11:20

Bo Wau̒ lopohinggi rohu u moleeto boito wolo kawasa lo Allahu Taa̒ala, wau uito boliilio mao̒ deu̒ Allahu Taa̒ala malo lumulo lomalenta tohuungi mongoli.

LUKASI 13:3

Sama-samaata diila! Bo eelai mola: wonu timongoli diila molilihu monto duduu-sawaalo limongoli, timongoli ngoa̒amila debo mate olo, debo odelo timongolio.

LUKASI 13:5

Sama-samaata diila! Pee̒entapo potahuda-U̒ mai; Wonu timongoli diila molilihu monto duduu-sawaalo limongoli, timongoli ngoa̒amila maamate olo debo odelo timongolio.”

LUKASI 15:10

Odito olo malai̒kati lo Allahu Taa̒ala meengahu wonu woluo ngotaalio tamoleeto molilihu monto duduusaalio. Pomalacayalo!”

LUKASI 15:7

Naa, oditolo olo tosologa woluo wengahe ulebe udaa̒ totaa ngota odusa molilihu, wolo taa tio lopulaa tio lota tamaa lopiohe wau diila palalu molilihu.”

LUKASI 16:30

Bo taakaya boito lolameto, ‘Uito diila motuuheta, Paaa̒ Abraham. Bo wonu woluo taamate muli tumumulai wau monao̒ mai ode limongolio, timongolio mamolilihu monto duduu-sawaalo limongolio.’

LUKASI 21:31

Odito olo wonu timongoli moo̒onto sua̒li boito motoduo mao̒taawa limongoli deu̒ Allahu Taa̒ala mahua̒a momalenta odelo Olongia.

LUKASI 24:47

Wau olo deu̒ to tanggulo Olongia Tamoo-poaahua boito mamusi pololadulo to ngoa̒amilalo bangusa deu̒ manusia musi molilihu, wau deu̒ Allahu Taa̒ala mongambungu dusa. Wau habari boito musi pololadulo tumula mai to Yerusalemu.

LUKASI 6:20

Ti Isa lomiloheo̒ tahidudua̒ o-Lio tulusi lotahuda mao̒, “Potisanangilo tutu timongoli tahi mosikinia, sababu timongoli yito pongawaa̒ umati lo Allahu Taa̒ala!

LUKASI 9:2

Lapatao̒ Tio lopoa̒hu olimongolio lonao̒ mopoo̒luli tahi ngongota wau mopololadu habari pasali woloolo mola Allahu Taa̒ala mamo malenta odelo Olongia.

WUNGGULI LOMONGO RASULU 11:18

Tou̒ loo̒dungohe uito, timongolio diilalo lobatata. Lapatao̒ timongolio lomuji mola Allahu Taa̒ala. Timongolio loloi̒ya, “Wonu odito tau-tauwalo tadiila Yahudi olo yilohia wakutu lo Allahu Taa̒ala u molilihu monto ngoa̒amila dusalio wau moo̒laasa mao̒ tutumulo utuutu!”

WUNGGULI LOMONGO RASULU 17:30

Wakutu ohulodunto boito maa ilolipata lo Allahu Taa̒ala, bo botia Tio lomalentai ngoa̒amila tau to ngoilanggubu dunia molilihu monto duduu-sawaalo limongolio.

WUNGGULI LOMONGO RASULU 2:38

Tei Petrus lolametao̒, “Polilihulo monto duduu-sawaalo limongoli. Wau mawajibulio timongoli ngota-ngota lihuwalo to tangguli Isa Almasi, alihu ngoa̒amila dusa limongoli maa ambunguolo. Yi Mongo wutato mamololimo palaseni Rohullah monto Allahu Taa̒ala.

WUNGGULI LOMONGO RASULU 20:21

Mopio ode tau-tauwalo Yahudi meaalo ode tau-tauwala bangusa wewo watia laito hemopoe̒ela alihu timongolio molilihu monto duduu-sawaalo limongolio wau monao̒ mai ode Allahu Taa̒ala, wau palacaya li Isa Eeya.

WUNGGULI LOMONGO RASULU 26:20

Wolo juujulu watia helo poo̒taa ode tau-tauwalo deu̒ timongolio musi molilihu monto duduu-sawaalo limongolio wau mohudu mola batanga limongolio ode Allahu Taa̒ala wau mopo biloheo̒ todelomo tutumuli mongolio deu̒ timongolio malo lilihu lonto duduu-sawaalo limongolio. Watia helo poo̒taa sua̒li boito bohulio mai to Damusiki, lapatao̒ to Yerusalemu wau to ngoilanggubu Yudea wau towolota lotau-tauwalo tadiila Yahudi.

WUNGGULI LOMONGO RASULU 3:19

Masababu uito Mongo wutato, polilihulo monto duduu-sawaalo limongoli, wau pohualingolo ode Allahu Taa̒ala, alihu Tio moluluto duduu-sawaalo limongoli.

2 KORINTUS 7:10

Sababu osuukali debo odelo uito moo̒toduo mai hilaa mowali mobolio̒ wau mopodungga mai oa̒ahu. Wau taa u diila tamolee̒e tosua̒li boito. Bolii̒o mao̒, osuukali u bo ngopo nao̒wa wolo kahandaki lomanusia moo̒toduo opopate.

KOLOSE 1:13

Tio malo lopata olanto lonto kawasa u modio̒lomo wau lopo limbata olanto ode delomo bele biluloa̒ saaha li olongia lo Wala-I̒o tapilonu-Lio.

2 TIMOTIUS 2:25

Tio musi wolo molumboyoto mongaajali tau-tauwalo tao̒hilaa moluwali; pohileaala dua̒ Allahu Taa̒ala mongohi hiyango ode tau-tauwala boito u molilihu to duduu-sawaalo limongolio wau motota lo pongaajali u otutu.

IBRANI 6:1

Sababu uito, duloolo ito molaia̒ ode totoonulalo pongaajali u wumbutio mola leeto pasali omoontapo tutumulo lo Nasara, wau diila bo wambao̒ mopoo̒tuoto dadaa-saliyalo bohulo pongaajali lo agamanto. Diilalo mao̒ wuliyonto dasali lo pongaajali deu̒ tau musi mohuheli mohutu susuu-aliyaalo udiila ohuna wau musi palacaya to Allahu Taa̒ala,

2 PETRUS 3:9

Eeya diila moboyu mongohi mai wolo u madilanti-Lio eleponu woluo tahemo lantobe odito. Bolii̒o mao̒, Tio sabali to olemu, sababu Tio diila mohuto penu boli ngotaa mao̒ binasa. Tio motohilaa alihu ngoa̒amila tau molilihu monto totoonulalo dusalio.

WAHI 2:21

Mailohi-U̒ mai olio wakutu u molilihu monto duduu-saalio, bo tio diila lohuto lohuheli helohutu susuu-aliyaalo u huloto boito.

WAHI 2:5

Sababu uito, poo̒toloma mao̒ malo odito lamingio odudehu limongoli! Polilihulo monto duduusaamu, wau pohutuwalo wolo u hepilohutu limongoli tou̒ bohulio mai. Wonu diila, yi Wau̒ mamonao̒ mai ode olemu wau momahuto oa̒ato tohemu boito monto tambatilio.