MATIUSI 27:41 - KITABI HABARI MOPIOHE

⁴¹ Odito olo mongo iimamu tau̒wa wau guguu-ruwaalo agama wolo mongo tau̒wa lo Yahudi helo hentea̒ li Isa. Timongolio hipo loi̒yawa,

MATIUSI 27:41 ပူးပေါင်းရင်းမြစ်များ

JABURU 35:26

Huliilo mao̒ taa u sanangi moo̒onto polodutolo watotia mowali molingu wau moo̒toduo woolito. Huliilo mao̒ taa u hemo pobatingga batanga to watotia hinaalio wau poo̒olitolio.

LUKASI 23:35

Pakeyangi li Isa hetila-tilayadio teto towolota limongolio wolo undi. Tau-tauwalo tahitihula teto sambela hibilohe, tulusi mongo tau̒wa lo Yahudi hipohentea̒ li Isa wolo loi̒ya, “Tio malo poa̒ahu taa wewo; ntali botia Tio mopoa̒ahu batanga-Lio lohihilao, wonu Tio tutuulio tutu Olongia Tamoo-poa̒ahua tatilulaoto Allahu Taa̒ala!”

LUKASI 22:52

Lapatao̒ ti Isa lotahuda ode mongo iimamu tau̒wa wau mongo polowila tamoo-kawalia, Bele lo Eeya, wau mongo tau̒wa lo Yahudi talonao̒ mai odito u moheu̒pa o-Lio, “Yilongola Wau̒ botie tamoleeto, tunggula timongoli lonao̒ mai wolo wamilo wau ayu pangokoo̒ u moheu̒pa ola-U̒?

LUKASI 18:32

Tio mawuduolio ode tau-tauwalo tadiila Yahudi, tamamo hente-hentea̒ o-Lio, mohina, wau monula loiyohe o-Lio.

JAKARIA 11:8

Diiti toulota tamolonuo̒ olaatia lopoo̒ pulito osaabali lowatia. Timongolio pilopolaahu lowatia todelomo wakutu ngohula mola.

YESAYA 49:7

Allahu Taa̒ala tamantali Tamoo-poa̒ahua Isirai̒lu lotahuda mai totaa ulaba-labaalo hilinaa, wau tailonui̒o lo babaa-ngusawalo wau lowali wato lotahi kawaasawa, “Mongo olongia mamoo̒onto huhutuu-U̒; timongolio mamobongu mohulumati ola-U̒. Tahi kawaasawa mamoo̒onto mao̒ olo, lapatao̒ mosujudu molubo.”

YESAYA 28:22

Wau̒ maloo̒ dungohe putuusani lo Allahu Taa̒ala Taa Laba-labaalo molanggato wau Laba-labaalo kawasa u mopobinasa ngoilanggubu lipu. Diila mao̒ hentea̒ tataa-heyaalo poe̒ela upilopo tunggulai lowatia botie. De malebe mototolao̒ olemu u mopoa̒ahu batanga!

AYUBA 13:9

Wonu Allahu Taa̒ala momalakisa olemu, mamo piohulo tilapulio? Wolo timongoli mowali mohimbulo to Eeya debo odelo mohimbulo tomanusia?

MATIUSI 27:40

Timongolio hipo loi̒yawa, “Yio̒ tamamo polohubu Bele lo Allahu Taa̒ala, wau momongu mao̒ todelomo utolo hui! Wonu Yio̒ Walao̒ Allahu Taa̒ala, polaahulo monto salipu boito wau poa̒ahuwalo lohihilao batanga-Mu!”

MATIUSI 27:42

“Tio helo poa̒ahu taawewo, lebe-lebe pomao̒ batanga-Lio lohihilao diila mowali poa̒ahuwo-Lio! Wonu Tio olongia lo Isirai̒lu, opio-piohelio Tio molaahei botia monto ayu salipu boito, deu̒ito ami mapalacaya o-Lio.