MATIUSI 24:7 - KITABI HABARI MOPIOHE

⁷ Bangusa u tuwau mamopaatea moluwali bangusa uwewo, wau lipu u tuwau mamoluhu lipu uwewo. Boli tou̒toonu mao̒dungga lo polobiti wau liluhu.

MATIUSI 24:7 ပူးပေါင်းရင်းမြစ်များ

LUKASI 21:11

Teto teea mamotoduo liluhu daa̒, polobiti, wau wembolo longongoto. Mamei dungga mai susuu-aliyaalo u moo̒tihela hapato wau dahasati tohulungo.

WAHI 6:8

Watia lomiloheo̒ yi nilaasa mai wadala tuwau u motambutio̒. Jokilio ilunte Mautu. Monto wulea, weweembide tio tilunuhe Aalamu Mautu. Okokawasa to ngotayade wopato lodunia botie yiludu ode limongolio, alihu timongolio mowali momate mate-mateelo mao̒ moli popaatea, moli sembo lo polobiti, moli wembelo longongoto wau moli bibii-natangiyalo u mongantau.

YESAYA 19:2

Eeya lotahuda, “Wau̒ mamopo toodei popaatea to wolota lo mohutato to Masiri: Wutato moluwali wutato, tiheede moluwali tiheede, kota moluwali kota wau yilaidia moluwali yilaidia.

JAKARIA 14:13

To dulahee boito Eeya mamohutu mai babaa-ngusawalo boito molingu daa wau moohe tilinggula timii̒du tau mamoheu̒upa tamanilio tawoluo to ngotualilio wau moluhu olio.

WUNGGULI LOMONGO RASULU 11:28

To wolotalio woluo ngotaalio tai̒lunte Agabus. Bolo yiluntula lo Rohullah tio malo nubuwati deu̒ to ngoilanggubu dunia mamei dungga mai polobiti daa̒. (Wau sua̒li boito memangi lotoduo olo tou̒ ti Kaisari Klaudius hemo malenta.)

OLUO TAWARI 15:6

Bangusa tuwau hemodeehe bangusa uwewo, wau kota tuwau hemodeehe kota uwewo, sababu Allahu Taa̒ala helo podungga mai tolonggalo daa̒ toli mongolio.

WAHI 6:12

Tulusi watia loo̒onto mola Walao̒ Himba boito lomoo̒ seeheli u olomio. Yi lotoduwolo mola liluhe udaa̒ tutu. Mato lodulahu lowali loitomo debo odelo kaingi moitomo u bangganga, wau hulalo lowali yileela debo odelo duhu.

IBRANI 12:27

Tahuda “pee̒entapo” mopoi̒laalo mai deu̒ ngoilanggubu dunia umaa pilowali mapolo tau̒loolo wau yinggilolo, alihu u meitolaa bo udiila mowali molotau̒lo.

YEHESKIEL 21:27

Kota botie maa̒antuluwo-U̒ mai sama-samaata, tilinggula penu boli tou̒toonu odungga tutuuodeelo. Bo sua̒li boito boheli motoduo mai wonu bolo taa u tulaotu-U̒ mai u mohukuumani kota botie malei dungga. To olioolo mawuduwo-U̒ mai kota botie.’ ”

YEHESKIEL 14:21

Eeya Taa Laba-labaalo molanggato lotahuda mai, “Wau̒ maa mopodehu mai opaato hukuumani-U̒ u laba-labaalo moo̒tihela hapato ode yitaato Yerusalemu u mopobinaasa mopio manusia meaambo binaatangi. Hukuumani boito yito: popaatea, baala lo polobiti, binaatangi mongantau wau wembelo lo ngongoto.

WUNGGULI LOMONGO RASULU 2:19

Wau̒ mamopo woluo momoo̒o-linggolabeyalo toitaato mola tohulungo, wau susuu-aliyaalo upolu-polutuo̒ to walungo lewe todunia; mawoluo mai duhu wau tulu, wumbuo̒ wau poloo̒.

YESAYA 29:6

Eeya Taa Laba-labaalo kawasa mamopo lopato kota boito wolo dutalo wau liluhu ulaba-labaalo. Eeya mamopo dungga mai dupoto daa̒ wau tulu hinta-hintalabu.

WAHI 6:5

Lapatao̒ Walao̒ Himba boito lomoo̒ seeheli u otolulio. Wau watia loo̒dungohe mahaluku u otolulio loloi̒ya, “Dulo!” Watia lomiloheo̒, yi nilaasa mai wadala tuwau moitomo. Jokilio boito dihudihu titimenga ngopanggalo to uluu̒lio.

WAHI 6:6

Wau watia loo̒dungohe hitua-tuawua u odungohe debo odelo suala hemo ngiibodu tohuungo opaato mahaluku boito. Suala boito loloi̒ya mai “Pale ngoliteri u mopiohe ngohalaga lowuupa ngohui, wau tolo literi pale ngohilaide wewo ngohalaga lowuupa ngohui olo. Bo diila mao̒ poluusawa bubuu-ngowaalo jaitun wau ilengi lo angguru!”