MATIUSI 24:3 - KITABI HABARI MOPIOHE

³ Lapatao̒ ti Isa lonao̒ mola ode Huludu Jaitun, wau tou̒ Tio donggo hulohuloa̒a, tahidudua̒ o-Lio lonao̒ mai lobiisalawa tutuuwau bo wambao̒ wolo batanga-Lio. “Polelea mai ode mongowatia omolua ngoa̒amilalo boito mamotoduo,” uali mongolio o-Lio. “Tutuuotio wolo umamo poi̒laalo podudungga mai li Paaa̒ wau pulito lojamani?”

MATIUSI 24:3 ပူးပေါင်းရင်းမြစ်များ

MATIUSI 13:36

Lapatao̒ uito ti Isa lololaa mao̒ taa dadaata boito, tulusi tilumuwoto ode bele. Tahidudua̒ o-Lio malonao̒ mai wau loloi̒ya, “Nte tombanga mai li Paaa̒ to olamiaatia boli lo pohumaya pasali lo papaa-dengowalo tohiyango pale boito.”

MATIUSI 13:49

Odito olo sua̒liilio to Dulahu Kiama, mamaa-lai̒katiyalo mamonao̒ mai mopowiwi mao̒ tau-tauwalo tahileeta, monto tau-tauwalo tahi pohutua kahandaki lo Allahu Taa̒ala.

MATIUSI 15:12

Lapatao̒ tahidudua̒ li Isa lonao̒ mai wau loloi̒ya o-Lio, “Wolo otaawa li Paaa̒ deu̒ tau-tauwalo Parisi boito longongoto hilao tou̒ loo̒dungohe li Paaa̒ lotahuda odito?”

MATIUSI 16:27

Diilalo mohiheo Walao̒ Manusia, pee̒-pee̒enta wolo mamaa-lai̒ikati-Lio, mamei dungga wolo kawasa li Paapa-Lio. Tou̒ boito Tio mamolontuli mai timii̒du tau motuuu̒de wolo huhutuulio.

MATIUSI 16:28

Ototai mao̒! Towolota limongoli teewe woluo tadiila mate, tou̒ diipo moo̒onto Walao̒ Manusia meidungga mai odelo Olongia.”

MATIUSI 17:19

Lapatao̒ tahidudua̒ li Isa lonao̒ mai ode o-Lio lotiwiwi mao̒ wau lohintu o-Lio, “Paaa̒, wolo sababuulio amiaatia diila mowali mopohinggi rohu umoleeta boito?”

MATIUSI 21:1

Tou̒ malembide lo Yerusalemu, leidungga mota timongolio to Betpage to Huludu Zaitun. Mota teto ti Isa lei̒ titimulo duulota tahidudua̒ o-Lio.

MATIUSI 24:27

Sababu podudungga mai lo Walao̒ Manusia debo odelo tinelo ilato puka-pukaa̒i monto tiimulu, wau motinelo demola otolopa.

MATIUSI 24:30

Lapatao̒ uito tuoto lo Walao̒ Manusia mao̒ontonga mola tohulungo. Tou̒ boito ngoa̒amila bangusa todunia mahumoyongo. Timongolio mamoo̒onto Walao̒ Manusia dungga-dungga mai toitaato heengo wolo kawasa wau omumulia uleidaa̒.

MATIUSI 24:37

Wonu bolo Walao̒ Manusia demei dungga, owowoluwoalio debo odelo tomaasa lei Noho tou̒ muloololio mai.

MATIUSI 24:39

Tou̒ taluhee daa̒ boito helo lemba olimongolio ngoa̒amila, deu̒ito timongolio longalati wolo udonggo todutoduo. Odi-odieelo mola olo owowoluwoalio de wonu Walao̒ Manusia meidungga mai.

MATIUSI 24:43

Poo̒toloma mao̒ utie! Humayaalio otaawa lotaa ohuu̒wo lo Bele jamu ngoolo tou̒ hui tamo tao̒wa mamei dungga mai, tio diila tamotuluhu, alihu tamotao̒wa boito diila tumuwoto ode delomo belelio.

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

LUKASI 21:7

Timongolio lohintu mao̒ li Isa, “Paaa̒ Guru, omolua sua̒li boito mamotoduo mai? Wau wolo tuotio deu̒ malei dungga saaa̒tilio sua̒li boito mamotoduo mai?”

WUNGGULI LOMONGO RASULU 1:7

Ti Isa lolametao̒, “Ti Paapa-U̒ lohihilao tamolantu mai dulahu wau wakutuulio. Uito diila palalu otaawa limongoli sababu uito haku li Paapa-U̒.

IBRANI 9:26

Sababu wonu odito, uito boliilio mao̒ Tio malo wuwuulia lodutolo tumulalo mai dunia botie pilowali. Bo ilaalolio mao̒, masaatia tojamani pulitio botie, Tio dungga-dungga mai bo pee̒enta wambai̒o mai moluluta dusa wolo mopobake batanga-Lio lohihilao.