MATIUSI 22:9 - KITABI HABARI MOPIOHE

⁹ Ponao̒lo mota ode dadaa-lalaala daa̒, wau toduwalo mai tau odaata-daatalo mao̒ ode potihunggu lonika botie.’

MATIUSI 22:9 ပူးပေါင်းရင်းမြစ်များ

YEHESKIEL 21:21

Ti Olongia Babel timihulao̒ totili lodupi polunu dalalo boito. U motota mao̒ dalalo toonu umapo libayaalio, tio mohile potuhata monto babaa-laahalaalio, mohunggungo pana wau momalakisa hilaa lo binatangi u boheli pilopobake.

OBAJA 1:14

Diila wajibulio yio̒ timihula to tilitangoa lodalalo, u molanggu tau-tauwalo tadonggo hemo polahi batanga monto musu, meaala mohudu olimongolio ode laawani todulahee timongolio ilodungga lou̒ suusa.”

MATIUSI 20:7

Tau-tauwala boito malo lametao̒, ‘Diaaluo tamongohi mai kalaja to olamiaatia.’ ‘Wonu odito,’ ualo taa ohuu̒wo lo ilengi boito, ‘ponao̒lo timongoli mola mokalaja to ilengi lo angguruu̒.’

MATIUSI 22:10

Yi tahi pomayawa boito olo malonao̒. Timongolio lonao̒ mota ode dadaa-lalaala daa̒ tulusi longambu mai ngoa̒amila tahe lodunggaya woli mongolio mola teto, tamopiohe boli tamoleeto. Yi malopolu lomola bantayo lo potihunggu boito lo tahe tiloduo.

MATIUSI 22:8

Lapatao̒ uito tio malo tiangai tahi pomayalio, tulusi loloi̒ya mao̒, ‘Potihunggu lonika malei dapato, bo tahe tiloduo diila paatuti.

LUKASI 24:47

Wau olo deu̒ to tanggulo Olongia Tamoo-poaahua boito mamusi pololadulo to ngoa̒amilalo bangusa deu̒ manusia musi molilihu, wau deu̒ Allahu Taa̒ala mongambungu dusa. Wau habari boito musi pololadulo tumula mai to Yerusalemu.

WUNGGULI LOMONGO RASULU 13:47

Sababu utieelo palenta mai lo Eeya olami; Eeya lotahuda, ‘Wau̒ malolantu mai olimongoli lowali tinela tuwau ode tau-tauwalo bangusa wewo tadiila bangusa lo Yahudi, alihu timongoli mopotoduo mai osalaamati ode ngoilanggubu dunia.’ ”

EPESUS 3:8

Towolota lou̒ ngoa̒amila umati lo Allahu Taa̒ala, wawaatiyalo talaba-labaalo hina. Bo penu odito Allahu Taa̒ala longohi mai olaatia ponu botie: tuugasi u mopohabari totau-tauwalo tadiila taulo Yahudi Habari Mopiohe tomimbihu okokaya li Almasi udiila opulitio;

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.