MATIUSI 22:3 - KITABI HABARI MOPIOHE

³ Olongia boito lopoa̒hu tahi pomayalio mota lolutulai tau-tauwalo tahe tiloduo ode potihunggu boito. Bo tahe tiloduo boito diila lohuto lonao̒ mai.

MATIUSI 22:3 ပူးပေါင်းရင်းမြစ်များ

JABURU 68:11

Lapatao̒ umati lo Eeya helo tibiluloa̒ mola teto; todelomo opopiohu Eeya, yaa Allahu Taa̒ala, Eeya lolaalao̒ taa mosikini.

YESAYA 30:15

Eeya Taa Laba-labaalo molanggato, Allahu Taa̒ala mantali lo Isirai̒lu, lotahuda mai ode umati-Lio, “Polilihulo wau debo potiduo̒tolo mola, yi timongoli mapoa̒ahuwo-U̒ mai. Poyakinilo to Olau̒ wolo hilaa u aamani, yi timongoli mapoo̒ lotolu-U̒ mai.” Bo timongoli diila mohuto!

YEREMIA 25:4

Eeya olo diila ohuheliilio helolao mai ode olemu mongo nabi mongo wato-Lio, bo timongoli diila lohuto lodungohe wau lopoo̒tuota olimongolio.

YEREMIA 35:15

Diila obuntoolio Wau̒ helolao mai ode limongoli ngoa̒amila wato-U̒ mongo nabi, wau timongolio malo nasehati olimongoli u mopoo̒piohe pii̒limu wau mohuheli mohutu u moleeto. Timongolio helo pe̒elao̒ olimongoli alihu u diila molubo ila-ila wewo wau diila momaya toli mongolio, alihu timongoli mowali tulusi motibiluloa̒ tolipu botie u mailohi-U̒ mai olimongoli wau loluhuuru limongoli. Bo timongoli diila mohuto mopoo̒tuoto wau diila mohuto modungohe ola-U̒.

HOSEA 11:2

Bo lebe hetiyango-U̒ walau̒u-U̒ boito botio lebe hemo poo̒laminga monto Olau̒. Tio lodelo bake wau helo lulube totabu duo̒lo Baa̒l wau dedeewaalo wewolio.

HOSEA 11:7

wau baaa̒ngiola u lololaa ola-U̒. Yi timongolio madeehelio, bo diaaluo tamo lopata olimongolio eleponu timongolio monguatio̒ mei̒tuulungi.”

JEPANYA 1:7

Dulahu Eeya malembidei, to dulahee boito Allahu Taa̒ala mamo pohutu mai; sababu uito potipoo̒oyo lomola batanga totalu-Lio. Eeya donggo dapa-dapato u mongoloto umati-Lio wau Eeya malo loduo mumuu-suuwaalo Yehuda.

MATIUSI 21:34

Tou̒ malei dungga sembo polipuwalo hungo lo angguru, taa ohuu̒wo lohuta boito malolao tahi pomayalio to tahi pokalajawa ilengi boito mota mololimo tayadio.

MATIUSI 23:37

“Yerusalemu, Yerusalemu! Mongo nabi pilatemu yila-yilateelo mao̒. Mongo utolia lo Allahu Taa̒ala hepilai̒mu lobotu tunggula yilate. Demaa poo̒ongolo Wau̒ ohilaa momuduo̒ ngoa̒amila tuango lipumu odelo tiilo maluo̒ modaha walai̒o to walungo polipii̒o, bo timongoli diila mohuto!

MATIUSI 3:2

“Polilihulo monto duduu-sawaalo limongoli,” ualio mao̒ “sababu Allahu Taa̒ala mahua̒a momalenta odelo Olongia!”

MATIUSI 9:15

Ti Isa lolametao̒, “Woloolo mola huhama limongoli? Tingga mowali tahe tiloduo to potihunggu lonika boito motisuukali lohilao wonu tibulentiti lai̒ donggo woluo pee̒-pee̒enta woli mongolio? Tantu diila! Bo mamei dungga wakutuulio tibulentiti lai̒ boito mahamaalio monto olimongolio. Tou̒ boito deu̒ito timongolio mamo puasa.

LUKASI 13:34

Yerusalemu, Yerusalemu! Mongo nabi hepilatemu yila-yilateelo mao̒! Motii̒du tamailao mai lo Allahu Taa̒ala hepilai̒mu lobotu tunggula yilate! Mapoo̒ ngoolo Wau̒ ohilaa moloo̒pu tuango lipumu odelo tiilo lomaluo̒ modaha mongo walai̒o towalungo polipi̒o, bo yio̒ diila mohuto!

LUKASI 15:28

Walai̒o tamohuhula boito maloingo daa̒ tilinggula didu lohuto tio tilumuwoto ode delomo bele. Tulusi tipaapalio yilumualai wau lomaluto olio tilumuwoto.

LUKASI 19:27

Wau botia delowalo mai mumuusuuu̒ boito tadiila motohilaa olau̒ mowali olongialio. Pateyalo timongolio ngoa̒amila mate-mateelo mao̒ totaluu̒’!”

YAHYA 5:40

Bo timongoli diila motohilaa monao̒ mai ode ola-U̒ u moo̒tapu tutumulo ohiheo-hiheolo mao̒.

WUNGGULI LOMONGO RASULU 13:45

Tou̒ tau-tauwalo Yahudi loo̒onto taa dadaata boito, timongolio lohiihia daa̒. Timongolio malohina olei Paulus wau helo tehengi ngoa̒amila uiloi̒yaalio.

ROMA 10:21

Bo tomimbihu bangusa lo Isirai̒lu tei Yesaya loloi̒ya, “Odieelo mola tahuda lo Allahu Taa̒ala, ‘Ngotupa lodulahu Wau̒ helohudu uluu̒u-U̒ ode bangusa tuwau tabaa̒ngiyolo wau diila modungohu.’ ” ROM

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 9:15

Uitolo sababuulio ti Almasi lowali Pilo timbulude ode tuwaulio lodaantia u bohu, alihu taa umaa tiliyango Allahu Taa̒ala moo̒ tolimo babaa-lakatiyalo ubakaa umaa pilodanti mai lo Allahu Taa̒ala. Ngoa̒amilalo boito mowali motoduo sababu mailoluo tailate, deu̒ito-yito ti Almasi; wau opopate-Lio boito helo polopato tau lonto totoonulalo totala u pilohutu limongolio tou̒ dantia ubohulio donggo pohupohutu.

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.