2 “Wonu Allahu Taa̒ala momalenta, owowoluwoalio debo odelo pohumaya botie: Olongia ngota helohutu potihunggu lonika ode walai̒o talolai̒.
Ti Isa luli lohungguli mao̒ pohumaya tuwau totaa dadaata, tahuda-Lio, “Wonu bolo Allahu Taa̒ala momalenta owowoluwoalio debo odelo pohumaya botie: Ngotaalio lo tamoo-mengia lomua̒yade bili mopiohu to halabolulio.
Ti Isa luli lotahuda ode taa dadaata wolo lomake pohumaya, tahudaa-Lio,
tutuuwauwa odelo tahi pomayawa tadonggo dapadapato hemohima oli tuanilio mohualingai monto potihunggu lonika. Wonu tituani boito mohualingai wau mongokoa̒ huhebu, timongolio mahua̒a momuo̒ huhebu.
Ti Isa wolo tahidudua̒ o-Lio tiloduwolio olo ode potihunggu boito.
Watia moololo olimongoli, debo odelo Allahu Taa̒ala lohihilao olo moololo olimongoli. Timongoli yito debo odelo tadulahu ngota tadonggo mantali u mapilo danti mai lowatia u ponikaalo wolo dile ngota, deu̒ito-yito ti Almasi.
Timongoliolo tamongohi putuusani, wau timongoli musi moponao̒ mao̒ wolo ulintapo tou̒ wolo u mailoi̒ya limongolio ode limongoli boito.