MATIUSI 21:3 - KITABI HABARI MOPIOHE

³ Wonu woluo tau mohintu u hitua-tuawua, polelea mao̒ ode taulio, ‘Eeya palalu leeto,’ yi tau boito mahua̒a mopoluli mai kolodai boito deloolo.”

MATIUSI 21:3 ပူးပေါင်းရင်းမြစ်များ

BOHULO MONGO OLONGIA 17:9

“Botia yio̒ musi monao̒ mola ode kota Sarpat, totili lo Sidon wau potibiluloo̒ mola teto. Wau̒ malo poa̒hu ngotaalio lojanda mola teto alihu tio mongohi ua̒alo olemu.”

ESRA 1:1

To bohulo taunu pamalenta lei Kores, olongia lo Persia, Eeya heloponao̒ wolo u mapilo tahuda-Lio mai lotimbulude oli Nabi Yeremia. Eeya lohuntula hilaa lei Kores u lopolualao̒ palenta tuwau u hepilobaca to ngoilanggubu yilaidialio. Tingohio odie mola:

ESRA 1:5

Lapatao̒ mongo tau̒wa lokaumu lonto suku Yehuda wau Benyamin, mongo iimamu wau tau-tauwalo Lewi, timii̒du taa u hilaalio iliyoo̒ lo Allahu Taa̒ala, lotidapa-dapato u lohualinga ode Yerusalemu wau luli lomongu mola Bele lo Eeya.

ESRA 7:27

Lapatao̒ ualei Esra, “Pujialo mola Eeya, Allahu Taa̒ala tahe tuboo linenemoyaanto! Eeya malo poo̒oliyoa̒i hilaa li olongia tilinggula tio lohuto tolomodu helo poo̒otuoto Bele lo Eeya to Yerusalemu.

JABURU 24:1

Jaburu lei Dauda. Miliki lo Eeyaalo huta ngotuangio, dunia wau ngoa̒amila u todelomio.

MATIUSI 21:2

“Ponao̒lo ode kambungu totalu mota limongoli boito,” tahuli li Isa olimongolio. “Lolamemeto timongolio maloo̒onto kolodai tuwau tihutihuto pee̒-pee̒enta wolo walai̒o. Wua̒di mao̒ duduuluolo wau deloa mai odia.

MATIUSI 21:4

Sua̒li boito oditolo alihu mamotoduo mai wolo uiloi̒ya lonabi odelo odie mola,

YAHYA 17:2

Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 3:35

Allahu Taa̒ala momonu Wala-I̒o, wau malohudu totoonulalo kawasa to o-Lio.

WUNGGULI LOMONGO RASULU 17:25

Tio olo diila palalu bantua lomanusia, sababu maa Tiolo talongohi mai tutumulo wau napasi wau totoonulalo u hitua-tuawua ode manusia.

2 KORINTUS 8:16

Donggo boli sukurulio amiaatia to Allahu Taa̒ala sababu Tio malohutu olei Titus debo odelo olohu lamiaatia u motulungi olimongoli!

2 KORINTUS 8:9

Sababu otaawa limongoli tutu deu̒ ito otolia̒ngo daa̒ li Isa Almasi Eeyanto. Tio kaya bo Tio lohutu batanga-Lio lowali mosikini ode polohuna daa̒ limongoli, alihu wolo omosikini-Lio boito, timongoli mowali kaya.

YAKOBUS 1:17

Timii̒du wowohi u mopiohe wau wuupa u wimu-wimumuto tutu dudunggalio mai monto sologa, tiluhutai lo Allahu Taa̒ala, Talopowali totoonulalo u mobaango tohulungo. Tiolo Allahu Taa̒ala tadiila mobolio̒, wau diila olo moo̒sababu penu boli odio̒lomo wolo.

BOHULO SEMUEL 10:26

Tei Saul olo lohualinga ode belelio to Gibea, tilunuhe lo dengolo lo tamolotolo boli buheli wau tamaa iloliyoo̒ hilaalio lo Eeya.