MATIUSI 2:4 - KITABI HABARI MOPIOHE

⁴ Yi tio malei̒nao̒ mai ngoa̒amila iimamu tau̒wa wau guguu-ruwaalo agama bangusa lo Yahudi lotia̒mbu. Tulusi tio lohintu mao̒ olimongolio, “Tou̒toonu u mapotutualio mai li Olongia tadilanti lo Allahu Taa̒ala?”

MATIUSI 2:4 ပူးပေါင်းရင်းမြစ်များ

OLUO TAWARI 34:13

yilohia tuugasi mongimato pomintaa̒alo babaa-haniyaalo, motitau̒wa toburu tahemo kalajawa totoonulalo kalaja hidala-dalaala, hemo kalaja administrasi, wau modaha huhebu.

OLUO TAWARI 34:15

Yi loloi̒ya mao̒ tei Hilkia odelei Sapan, “Maa ilodungau̒ buku Butoo̒ lo Eeya to Bele lo Eeya,” tulusi yilohilio mao̒ buku boito odelei Sapan.

OLUO TAWARI 36:14

Wewolio leeto, Bele lo Eeya u mapilopo tolomodu lo EYA ode batanga-Lio, hepilopo najisi lomongo tau̒wa lo Yehuda, mongo iimamu, wau ulipu, sababu timongolio lodudua̒ helolubo balaahala wau loo̒baaya dudelo tutumulo u odusa lo babaa-ngusawalo totili limongolio.

ESRA 10:5

Yi matilumula lei Esra u lopohutu mao̒. Tio helo poa̒hu tomongo iimamu tau̒wa, tau-tauwalo Lewi wau tau-tauwalo Isirai̒lu wewolio helo tadia deu̒ timongolio mamoponao̒ mao̒ potua lei Sekhanya boito.

ESRA 7:6

Tei Esra ngotaalio lo tao̒sikola wau dadaata otaawalio pasali lo Butoo̒ uilohi mai lo Eeya, Allahu Taa̒ala lo Isirai̒lu odelei Musa. Sababu tei Esra bilarakati mai lo Eeya Allahu Taa̒alaalio, yi ti olongia longohi mao̒ olio totoonulalo u pilohilelio. To taunu opitulio pamalenta li Olongia Artahsasta, maa lomonggato tei Esra lonto Babel lotidulunga ode Yerusalemu wolo ngopolemboa̒ taulo Isirai̒lu u tilitangoa lou̒ ngojumulaa iimamu, taulo Lewi, tamoolahua wau tamodahawa hulubangi to Bele lo Eeya, wau tahi pokalajawa.

JABURU 2:2

Mongo olongia lo dunia lobongu pee̒entalo mao̒ wau tahi kawaasawa heloheeluma moluwali to Eeya wau olongia tatilulao-Tio.

YEREMIA 8:8

Buheli tutu timongoli moloi̒ya deu̒ timongoli molinepo, wau motota lo bubuu-too̒o-U̒! Nte bilohi woloolo mola bubuu-too̒o-U̒ boito he yilomelo lotahi aahalia lo agama tadiila motulidu hale!

MALEAKHI 2:7

Memangi uwajibu tomongo iimamu mongaajali mao̒ u otutu pasali ola-U̒, Eeya Taa Laba-labaalo molanggato. Toli mongoliolo ulipu musi mohintu wolo kahandaki-U̒, sababu timongolio boito mongo otoliya-U̒.

MATIUSI 13:52

Lapatao̒ ti Isa lotahuda mao̒, “Uitolo sababuulio timii̒du guru lo agama tamalowali pongawaa̒ umati lo Allahu Taa̒ala, deu̒ito-yito debo odelo ngotaalio lituani lobele talo polualo monto tambati lo halataalio babaa-langiyalo bohu wau deedelo.”

MATIUSI 2:3

Tou̒ ti Olongia Herodes loo̒dungohe sua̒li boito, tio iloohea daa̒, odito olo ngoa̒amila tau to Yerusalemu.

MATIUSI 2:5

Timongolio lolametao̒, “Tokota Betlehemu tolipu lo Yudea. Sababu odie mola u tiluladio mai ngotaalio lonabi,

MATIUSI 21:15

Bo mongo iimamu tau̒wa wau guguu-ruwaalo agama loingo loo̒onto mao̒ totoonulalo moo̒linggolabe u pilohutu li Isa. Wau timongolio loingo olo loo̒dungohe tau̒kekeei̒ hiwuwa-wuwaatia̒ meengahu to Bele lo Eeya, “Pomali-tutuo̒olo mola Walae̒e Dauda!”

MATIUSI 21:23

Lapatao̒ ti Isa luli lohualinga mota ode Bele lo Eeya, tulusi tilumuwotao̒ wau helo ngaajali mota teto. Tou̒ Tio donggo hemo ngaajali, mongo iimamu tau̒wa wau mongo tau̒wa lo Yahudi malonao̒ mai ode o-Lio wau helohintu, “Pato-patoa̒a tolo Yio̒ helohutu ngoa̒amilalo boito? Tatoonu tahe longohi haku boito ole-Mu?”

MATIUSI 26:3

Tou̒ boito mongo iimamu tau̒wa wau mongo tau̒wa lo Yahudi hia̒mbua totambati bele biluloa̒ saaha li Iimamu Daa̒ Kayapas.

MATIUSI 26:47

Tou̒ ti Isa donggo bisa-bisala, tei Yudas, ngotaalio lo tamopulaa duulota muri-Lio boito lonao̒ mai. Pee̒-pee̒enta wolio, lonao̒ mai olo dadaata tau tahi delowa wamilo wau ayu pongokoo̒. Timongolio ilahula mai lomongo iimamu tau̒wa wau mongo tau̒wa lo Yahudi.

MATIUSI 27:1

Donggo didimodupo daa̒, ngoa̒amila iimamu tau̒wa wau tau̒wa lo Yahudi lohutu mao̒ putuusani u momate li Isa mate-mateelo mao̒.

MATIUSI 7:29

Sababu Tio helo ngaajali wolo tilihula, diila debo odelo guguu-ruwaalo agama limongolio.

MARKUSI 8:31

Lapatao̒ uito ti Isa malo lumula longaajali to tahidudua̒ o-Lio deu̒ Walao̒ Manusia mamusi modutolo sikisa dadaata wau tuwalia lomongo tau̒wa, mongo iimamu tau̒wa, wau guguu-ruwaalo agama. Tio mapateelio mate-mateelo mao̒, bo too̒tolu dulahu Tio mamuli bongulo-Lio mai.

LUKASI 20:19

Guguu-ruwaalo agama wau mongo iimamu tau̒wa motota deu̒ pohumaya boito pilomatuju li Isa ode limongolio. Sababu uito timongolio ohilaa moheu̒pa o-Lio to saaa̒tilo boito, bo timongolio moohe totaa dadaata.

LUKASI 23:10

Mongo iimamu tau̒wa wau guguu-ruwaalo agama lotaalua olo teto wau helo potulude wolo moo̒ohuu̒ li Isa.

YAHYA 18:3

Yi tei Yudas lonao̒ mota ode tambati boito wolo ngopasuukani suludadu lo Romawi wau dengolo lota tamoo-kawalia Bele lo Eeya tai̒lahula lomongo iimamu tauwa wau tau-tauwalo Parisi. Timongolio hideloa tingolo, lantera wau molongo.

YAHYA 3:10

Ti Isa lolametao̒, “Yio̒ Guru lo agama to Isirai̒lu; diila pongalo aakali diila otaawamu?

YAHYA 7:32

Tau-tauwalo Parisi loo̒dungohe woloolo mola taa dadaata boito hipo loloohuma pasali li Isa. Sababu uito pee̒-pee̒enta wolo mongo iimamu tau̒wa, timongolio malo poa̒hu dengolo lota tamoo-kawalia Bele lo Eeya loheu̒pa li Isa.

YAHYA 8:3

Tou̒ boito, guguu-ruwaalo agama wau tau-tauwalo Parisi lodelo mai ode o-Lio taabua ngota tai̒lo dungga hemojina. Timongolio lopoa̒hu taabua boito tilimihulo tohuungio,

WUNGGULI LOMONGO RASULU 23:9

Yi maa tilumoodei buluhuta ulaba-labaalo. Dengolo lota taulo Parisi talowali guru lo agama tilimihula mola wau helo tehengi mao̒ tio̒otutua. Timongolio loloi̒ya, “Modudua̒ mota olami tau botie diila ototala penu boli ngoi̒di mao̒! Tanu memangi woluo rohu meaanto malai̒kati tahelo bisala mao̒ olio!”

WUNGGULI LOMONGO RASULU 4:5

Lombulio mola tahimuloa lo Mahakama Agama, mongo tau̒wa lo Yahudi wau guguu-ruwaalo agama malo tia̒mbu to Yerusalemu.

WUNGGULI LOMONGO RASULU 6:12

Odieelo mola timongolio helo popatu mao̒ tau-tauwalo, wau mongo tau̒wa lo Yahudi, wolo guguu-ruwaalo agama. Tulusi timongolio mota loheu̒pa olei Stepanus lapatao̒ lodelo olio lotaalua wolo Mahakama Agama.