MATIUSI 2:3 - KITABI HABARI MOPIOHE

³ Tou̒ ti Olongia Herodes loo̒dungohe sua̒li boito, tio iloohea daa̒, odito olo ngoa̒amila tau to Yerusalemu.

MATIUSI 2:3 ပူးပေါင်းရင်းမြစ်များ

OLUO MONGO OLONGIA 6:11

Sua̒li boito loo̒yingo daa̒ oli olongia lo Siria, tilinggula tio lotiangai tomongo polowilalio wau lohintu mao̒, “Tantu to wolotanto woluo tamalo hiyanati. Tatoonu taulio? Ntali polelea mai!”

MATIUSI 2:2

Timongolio helohintu ode utoonulalo mao̒, “Tou̒toonu Walao̒ boito, tamaa potutuolio mai mowali olongia taulo Yahudi? Ami maloo̒onto poliyama-Lio lobutu mai towimbihu tiimulu, wau ami lonao̒ mai molubo o-Lio.”

MATIUSI 2:4

Yi tio malei̒nao̒ mai ngoa̒amila iimamu tau̒wa wau guguu-ruwaalo agama bangusa lo Yahudi lotia̒mbu. Tulusi tio lohintu mao̒ olimongolio, “Tou̒toonu u mapotutualio mai li Olongia tadilanti lo Allahu Taa̒ala?”

MATIUSI 23:37

“Yerusalemu, Yerusalemu! Mongo nabi pilatemu yila-yilateelo mao̒. Mongo utolia lo Allahu Taa̒ala hepilai̒mu lobotu tunggula yilate. Demaa poo̒ongolo Wau̒ ohilaa momuduo̒ ngoa̒amila tuango lipumu odelo tiilo maluo̒ modaha walai̒o to walungo polipii̒o, bo timongoli diila mohuto!

MATIUSI 24:6

Timongoli mamoo̒ dungohe titii-ngoheyalo polotuuhua wau hahaa-baliyaalo lopopaatea, bo diila mao̒ oohe. Sababu susuu-aliyaalo boito musi motoduo mai, bo uito diila oboliilio deu̒ mawakutuulio kiama.

MATIUSI 8:29

Timongolio yilumualai lonto gowa lokuubulu wau hiwuwaatia̒, “Walao̒ Allahu Taa̒ala, mapongola-Mu ami? Wolo Yio̒ ohilaa mai mopo sikisa olami penu boli diipo wakutuulio?”

MARKUSI 13:7

Wonu timongoli moo̒dungohe titii-ngoheyalo lo polotuhua wau hahaa-baliyaalo lo popaatea, diila mao̒ oohe. Susuu-aliyaalo boito musi motoduo mai, bo uito diila boliilio deu̒ malei dungga wakutuulio lou̒ kiama.

WUNGGULI LOMONGO RASULU 4:2

Timongolio loingo sababu tei Petrus wolei Yahya loloi̒ya totau-tauwalo deu̒ ti Isa maluli tilumumulai lonto opopate. Wau uito mopo bukuti mai deu̒ taamate mamuli tumumulai.