MATIUSI 13:8 - KITABI HABARI MOPIOHE

⁸ Bo woluo olo bili lobiihuto tohuta u molomiodu, tulusi lomungo; woluo u ngohetuto, woluo u wolomo pulu wau woluo olo u tolopulu piu̒wa.”

MATIUSI 13:8 ပူးပေါင်းရင်းမြစ်များ

LUKASI 8:15

Bili u lobiihuto tohuta u molomiodu debo odelo taa u modungohe habari boito, lapatao̒ tilahulio todelomo hilao u mopiohu wau motulidu. Timongolio moo̒ tahangi tunggula mongohi hungo.”

MATIUSI 13:23

Wau bili u lobiihuto tohuta molomiodu debo odelo tau-tauwalo tahipo dungohe habari boito wau longalati daa̒. Timongolio lomungo ngohuntua, woluo uwolomo pulu, wau woluo olo utolo pulu piu̒wa tilapulio.”

YAHYA 15:8

Wonu timongoli momungo dadaata, ti Paapa-U̒ pou̒daa̒alo mola; wau lou̒ odito otu-otutuulo mao̒ timongoli mowali muri-U̒.

ILOOWALI 26:12

Tei Isihaka malo mulayade bili u motokela-kela mao̒ halabolu tolipu boito, wau totaunu boito ilotilapulo poo̒ohetuto piu̒wa lonto u pilomua̒dio, sababu Eeya malo balakati olio.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

ROMA 7:18

Otaawa lowatia diaaluo penu boli tuwau u mopiohe todelomo batanga lowatia; deu̒ito-yito todelomo pii̒li lowatia odelo manusia. Sababu woluo todelomo hilaa lowatia u mohutu mopiohe, bo watia diila mambo moponao̒ leeto.

MATIUSI 13:7

Woluo olo bili u lobiihuto todelomo diu̒to oduhi. Diu̒to oduhi boito lobutu mola wau lohupetaa tutuu-mbui̒yo tunggula yilate.

MARKUSI 4:8

Bo woluo olo bili u lobiihuto tohuta u molomiodu. Bili boito lobutu, lapatao̒ lowali iludaa̒ mola tulusi lomungo, woluo utolo pulu, woluo uwolomo pulu wau woluo u ngohetuto piu̒wa.”

MARKUSI 4:20

Wau bili u lobiihuto tohuta u molomiodu boito debo odelo tau-tauwalo hipo dungohe habari boito wau tilolimolio, timongolio helomungo dadaata, woluo utolo pulu, woluo uwolomo pulu, wau woluo u ngohetuto piu̒wa tilapulio.”

LUKASI 8:8

Bo woluo olo bili u lobiihuto tohuta u molomiodu, lapatao̒ tilumumulo wau lomungo ngohetuto piu̒wa.” Lapatao̒ losilita pohumaya boito, ti Isa lotahuda mao̒, “Wonu obulonga, podungohulo!”